安維小記

◎Tân Thian-siū

今仔日是一工ê行踏，日期是2023年11月11日，地點是佇台北枋橋。透早Pang-iû志工就坐6點13分ê頭班車來竹南車站會合，阮兩人駛補給車到枋橋，有伴做伙誠好。

昨昏Google枋橋ê天氣80%落雨，足好ê是有上天ê疼痛，規工攏無落雨，有志、志工20捅ê為著落實民主、降低修憲ê hō͘-tēng，來向臺灣主人分傳單宣揚理念。

路線規劃是資深ê一新志工負責，安維第一位是Pang-iû志工，我是第二ê安維，最後一位安維是新圖志工來擔任。

第一位ê安維，愛注意領路志工佮團隊ê安全、保持團隊ê整齊、閣愛控制行路ê速度、靈活應變。

第二位安維愛接紲，支援第一位安維，注意正爿、倒爿、前後ê車輛，最後一位安維支援第二位安維閣家己ê安全。

重點是團隊安全、整齊、靈活ê應變，袂使挵紅燈，較袂予人觀感無好，志工互相照顧，這是我ê淺見心得，請指正，多謝，逐家平安。