Гісторыя нашага Юбілейнага налічвае толькі каля 50 гадоў, таму і не выпалі на яго долю цяжкія выпрабаванні Вялікай Айчыннай вайны, абмінула яго ваеннае ліхалецце. Але пэўны час жыў сярод нас удзельнік тых векапомных дзён Крукаў Уладзімір Паўлавіч.

Пасля вызвалення Беларусі, з ліпеня па кастрычнік 1944 г Крукаў У.П. вучыўся на курсах пры ЦК КПБ, пасля заканчэння якіх працаваў інструктарам Гродзенскага абкома камсамола. Са снежня 1944 г. па сакавік 1946 г. вучыўся ў школе прапагандыстаў ЦК КПБ. Пасля вучобы працаваў другім сакратаром Свіслацкага райкама камсамола. 3 чэрвеня 1949 г. па чэрвень 1950 г. - загадчык культпрасветаддзела, з чэрвеня па снежань 1950 г. - загадчык сектара партыйнай статыстыкі, са снежня 1950 г. па верасень 1953 г.- намеснік загадчыка аддзела прапаганды і агітацыі РК КПБ. 3 верасня 1953 г. па ліпень 1956 г. вучыўся ў Мінскай партыйнай школе пры ЦК КПБ. Са снежня 1956 г. працаваў загадчыкам аддзела прапаганды і агітацыі Васілішкаўскага РК КПБ.

У 1960 г. скончыў завочную Вышэйшую партыйную шко­лу пры ЦК КПБ, а ў 1964 г. гістарычны факультэт Мінскага дзяржаўнага педагагічнага інстытута імя A.M.Горкага. Быў членам КПСС з 1947 г.

Быў узнагароджаны Ордэнам Айчыннай вайны II ступені; медалём “Партызану Айчыннай вайны” І ступені; шматлікімі медалямі, у тым ліку медалём імя Жукава .

Гонар і славу пасёлка складалі і складаюць яго жыхары. Жывуць сярод нас тыя, хто шмат гадоў аддаў працы ў роднай гаспадарцы, хто па праву зане­сены ў ганаровы спіс “Заслужаны член КСУП “Няверавічы”.