Amyag / ⴰⵎⵢⴰⴳ

Tazwart:

Amyag d aferdis (unité) d-yesskanayen tigawt nexdem, taɣara neɣ addad n kra tɣawsa. Ilmend n waya, amyag di tmaziɣt yebḍa ɣef sin anawn :

- Amyag amagnu (ordinaire), am : kker, ssiwel, ẓer, els, awi, ...

- Amyag n tɣara (qualité), am : imɣur, imlul, ihriw, qqar, ... 

 1. Talɣa tamyagant (forme verbale):

Talɣa tamyagant (d amyag yeftin di kra n wakud "temps") teddes seg snat tɣawsiwin : afeggag (radical) d imattaren udmawanen (indices de personne). Afeggag s yiman-is yeddes seg snat tɣawsiwin nniḍen : aẓar d teɣra.

Talɣa tamyagant = afeggag + imattaren udmawanen

Afeggag = aẓar + tiɣra

Amedya :

 talɣa tamyagant: turgamt = t+urga +mt

afeggag: urga = u+rg+a

imattaren udmawanen: t, mt

aẓar : rg

tiɣra : u, a