ⵍⵎⴻⴷ ⵜⴰⵎⴰⵣⵉⵖⵜ / lmed tamaziɣt

ⵜⴰⴳⵓⵔⵉ ⵜⴰⵎⴻⵣⵡⴰⵔⵓⵜ:

ⴰⵏⵙⵓⴼ ⵢⵉⵙⵙⵓⵏ ⵎⴰⵕⵕⴰ;

ⴰⵣⵓⵍ ⵉ ⵎⴰⵕⵕⴰ ⵉⵎⴰⵣⵉⵖⵏ ⴻⴷ ⵜⵎⴰⵣⵉⵖⵉⵏ ⴰⵏⴷⴰ ⵜⴻⵍⵍⴰⵎ , ⴰⴼⵓⵙ ⴷⴻⴳ ⵓⴼⵓⵙ, ⵓⵔ ⵏⴻⵔⵔⴻⵥ ⵓⵍⴰ ⵏⴻⴽⵏⵓ.

ⵜⴰⵎⴰⵣⵉⵖⵜ ⴰⵡⴰⵍ ⵏⵏⴻⵖ, ⵜⵉⵎⵎⵓⵣⵖⴰ ⴷ ⵜⵓⴷⴻⵔⵜ ⵏⵏⴻⵖ, ⵜⴰⵎⴰⵣⵖⴰ ⴰⴽⴰⵍ ⵏⵏⴻⵖ. ⴰⵏⵙⵓⴼ ⵙ ⵜⵎⴰⵣⵉⵖⵜ ⴻⴷ ⵓⵎⴰⵣⵉⵖ. ⴰⵏⵙⵓⴼ ⵙ ⵓⵎⴻⴷⴷⴰⴽⵯⵍ ⴻⴷ ⵜⵎⴻⴷⴷⴰⴽⵯⵍⵜ ⵏ ⵢⵉⴷⴻⵍⵙ ⴻⴷ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.

ⴰⵏⵙⵓⴼ ⴰⴽⵯ ⵙ ⵉⵎⴻⵙⵜⴰⵏⴻⵏ ⵏ ⵜⵎⴻⵏⵜⵉⵍⵜ ⵜⴰⵎⴰⵣⵉⵖⵜ.

ⴰⵏⵙⵓⴼ ⵢⵉⵙⵙⵓⵏ ⵙ ⵓⵙⵎⴻⵍ ⴰⴷ ⵉⴳⴰⵏ ⵡⵉⵏ ⵎⴰⵕⵕⴰ ⵉⵎⴰⵣⵉⵖⵏ ⴻⴷ ⵜⵎⴰⵣⵉⵖⵉⵏ. ⵙⵙⴰⵔⴰⵎⵖ ⵙⴻⴳ ⵡⵓⵍ ⵉⵏⵓ ⴰⴷ ⴷⵉⴳⵙ ⵜⴰⴼⵎ ⴽⵔⴰ (ⵍⴼⴰⵢⴷⴰ).

ⵜⴰⵎⴰⵣⵖⴰ ⴷ ⵜⴰⵎⵓⵔⵜ ⵏⵏⴻⵖ , ⵜⴰⵎⴰⵣⵉⵖⵜ ⴻⴷ ⴰⵡⴰⵍ ⵏⵏⴻⵖ, ⵜⵉⵎⵎⵓⵣⵖⴰ ⴻⴷ ⵜⴰⵎⴰⴳⵉⵜ ⵏⵏⴻⵖ.

ⴰⵎⴽ ⴰⵔⴰ ⵢⴻⴷⴷⴻⵔ ⵡⴰⵡⴰⵍ ⵏⵏⴻⵖ ⵉⵏⴳⴻⵔ ⵜⵓⵜⵍⴰⵢⵉⵏ ⵢⴰⴹⵏⵉⵏ, ⵎⴰ ⵓⵔ ⵏⴻⵜⵜⴰⵔⵓ ⵙ ⵜⵎⴰⵣⵉⵖⵜ ?

ⴰⵎⴽ ⴰⵔⴰ ⵏⵣⵎⴻⵔ ⴰⴷ ⵏⴰⴷⵊ ⴰⵔⵔⴰⵡ ⵏⵏⴻⵖ ⴻⴷ ⵡⴰⵔⵔⴰⵡ ⵏ ⵡⴰⵔⵔⴰⵡ ⵏⵏⴻⵖ ⴷ ⵉⵎⴰⵣⵉⵖⵏ, ⵎⴰ ⵏⴻⵜⵜⴰⵔⵓ ⵖⴰⵙ ⵙ ⵜⴼⵕⴰⵏⵚⵉⵚⵜ ⴻⴷ ⵜⴰⵄⵔⴰⴱⵜ?

ⵏⴻⴽⴽⵯⵏ ⵡⴰⵇⵉⵍⴰ ⵏⵅⴷⴷⴻⵎ ⵜⵓⵜⵍⴰⵢⵉⵏ ⵜⵉⴱⴻⵕⵕⴰⵏⵢⵉⵏ ⴽⴰⵏ !!!   ⵎⴰ ⵏⵙⴰⵡⴰⵍ ⵙ ⵜⴰⵄⵔⴰⴱⵜ, ⴷⴷⴰⵔⵉⵊⴰ ⴻⴷ ⵜⴼⵕⴰⵏⵚⵉⵚⵜ ⵉ ⵡⴰⵔⵔⴰⵡ ⵏⵏⴻⵖ, ⴰⵔ ⵏⴻⵜⵜⴰⵔⵓ ⵜⴰⵙⴻⴽⵍⴰ, ⵜⴰⵎⴻⴷⵢⴰⵣⵜ ⴻⴷ ⵢⵙⴻⴽⴽⵉⵏⵏ ⵢⴰⴹⵏⵉⵏ ⵙ ⵜⵓⵜⵍⴰⵢⵉⵏ ⵏ ⵎⵉⴷⴷⴻⵏ, ⴰⵙⴻⴽⴽⴰ, ⵜⴰⵎⴰⵣⵉⵖⵜ ⴰⴷ ⵜⴻⵎⵎⴻⵜ ! ⵓⵔ ⴰⴷ ⵜⵜ ⴷⴷ ⴰⴼⵏ ⵡⴰⵔⵔⴰⵡ ⵏⵏⴻⵖ !

ⵥⵔⵉⵖ ⵜⵓⴳⴻⵜ ⵏ ⵉⵙⵎⴰⵍⵏ ⵏ ⵉⵎⴰⵣⵉⵖⵏ ⵙ ⵜⵓⵜⵍⴰⵢⵉⵏ ⵜⵉⴱⴻⵕⵕⴰⵏⵢⵉⵏ, ⴷⵔⵓⵙⵏ ⵡⵉⴷ ⵏ ⵜⵓⵜⵍⴰⵢⵜ ⵏⵏⴻⵖ ⵜⴰⵎⴰⵣⵉⵖⵜ ! ⴰⵎ ⵣⵓⵏⴷ ⵜⴰⵎⴰⵣⵉⵖⵜ ⵓⵔ ⵜⴳⵉ ⵜⵓⵜⵍⴰⵢⵜ ! ⵉⵇⵇⴰⵏ ⵉⵎⴰⵣⵉⵖⵏ ⵎⴰⵕⵕⴰ ⴰⴷ ⴼⴻⴽⵏ ⴰⵜⵉⴳ ⵉⵎⴻⵇⵇⵓⵔⵏ ⵉ ⵡⴰⵡⴰⵍ ⵏⵏⴻⵖ ⴰⵎⴰⵣⵉⵖ, ⵜⴰⵎⴰⵣⵉⵖⵜ ⴰⴷ ⵜⴳⴻⵎⵉ, ⴰⴷ ⵜⴻⵎⵖⵓⵔ ⵉⵏⴳⴻⵔ ⵜⵓⵜⵍⴰⵢⵉⵏ ⵏ ⵓⵎⴰⴹⴰⵍ ...

ⴷⵖⵉ (ⵜⵓⵔⴰ), ⵉⵎⴰⵣⵉⵖⵏ ⵉⵇⴰⵏ ⴰⴷ ⵜⵜⴰⵔⵓⵏ ⵙ ⵜⵓⵜⵍⴰⵢⵜ ⵜⵎⴰⵣⵉⵖⵜ ⵎⴰ ⵏⵅⴻⵙ ⴰⴷ ⵜⴻⴷⴷⴻⵔ ⴰⵎ ⵡⴰⵍⵙⵉⵡⵏ.

ⴰⵙⴻⴽⴽⴰ ⴷ ⵡⵉⵏ ⵉⴷⴻⵍⵙ ⴻⴷ ⵜⵓⵙⵙⴻⵏⴰ ⴷⴻⴳ ⵉⵙⴻⵍⴽⵉⵎⵏ ⴻⴷ ⵉⴷ ⵜⵜⵉⵍⵉⴼⵓⵏ ⴻⴷ ⵍⴰⵏⵜⵉⵔⵏⵉⵜ ⴻⴷ ⵉⵎⴰⵙⵙⵏ ⵏ ⵜⵜⵉⴽⵏⵓⴽⵓⵊⵢⴰ. ⵎⴰⵛⴰ, ⵏⴻⵅⴷⴷⴻⵎ ⵉⴷⴻⵍⵙ ⵏⵏⴻⵖ ⵖⴰⵙ ⵙ ⵜⵓⵜⵍⴰⵢⵉⵏ ⵏ ⵉⵕⵓⵎⵉⵏ ⴻⴷ ⵡⴰⵄⵔⴰⴱⵏ, ⴰⵙⵙ ⵏⵏⴰ ⴳ ⵏⴻⴽⵔⴻⵏ ⵡⴰⵔⵔⴰⵡ ⵏⵏⴻⵖ, ⴰⴷⴷ ⴰⴼⵏ ⵜⴰⴼⵕⴰⵏⵚⵉⵚⵜ ⴻⴷ ⵜⴰⵄⵔⴰⴱⵜ ⴽⴰⵏ !!!

ⵉⵀⵉ, ⴳⴻⵔ ⴰⴷ ⵉⴼⴰⵙⵙⴻⵏ ⵏⵏⵓⵏ ⴰ ⵢⵉⵎⴰⵣⵉⵖⵏ ⴻⴷ ⵜⵎⴰⵣⵉⵖⵉⵏ, ⴰⴼⵓⵙ ⴷⴻⴳ ⵓⴼⵓⵙ ⵜⴰⵄⴻⴽⴽⴻⵎⵜ ⴰ ⴼⴻⵍⵍⴰⵏⵖ ⵜⵉⴼⵙⵉⵓⵙ, ⴰⴷ ⵏⴻⴼⴽ ⴰⴼⵓⴷ ⵉ ⵜⵎⴰⵣⵉⵖⵜ ⵙ ⵜⵓⵜⵍⴰⵢⵜ ⵏⵏⴻⵖ, ⴰⴷ ⵇⵇⵉⵎⵏ ⵡⴰⵔⵔⴰⵡ ⵏⵏⴻⵖ ⴷ ⵉⵎⴰⵣⵉⵖⵏ ⴷⴻⴳ ⵜⵎⴰⴳⵉⵜ ⵏⵏⴻⵙⵏ, ⴰⴷ ⵓⵔ ⴷ ⴳⴻⵏ ⴰⵙⴻⴽⴽⴰ ⵉⴱⴻⵕⵕⴰⵏⵢⵉⵏ ⴳ ⵜⵎⴰⵣⵉⵔⵜ ⵏⵏⴻⵙⵏ ⴷ ⵢⵉⵏⴳⴻⵔ ⵎⵉⴷⴷⴻⵏ.