ⵡⴰⵏⵏⴰ ⵉⵔⴰⵏ ⵜⴰⵎⴰⵣⵉⵖⵜ, ⵢⵉⵙⵉⵏ ⵜⵉⵔⵔⴰ ⵏⴻⵙ, ⵢⴰⵔⴰ ⵣⴰⵔⵙ, ⵉⵙⴰⵡⵍ ⵣⴰⵔⵙ...
ⵜⴰⵣⵡⴰⵔⵜ:
ⴰⵎⵢⴰⴳ ⴷ ⴰⴼⴻⵔⴷⵉⵙ (unité) ⴷ-ⵢⴻⵙⵙⴽⵏⴰⵢⵏ ⵜⵉⴳⴰⵡⵜ ⵏⴻⵅⴷⴻⵎ, ⵜⴰⵖⴰⵔⴰ ⵏⴻⵖ ⴰⴷⴷⴰⴷ ⵏ ⴽⵔⴰ ⵏ ⵜⵖⴰⵡⵙⴰ. ⵉⵍⵎⴻⵏⴷ ⵏ ⵡⴰⵢⴰ, ⴰⵎⵢⴰⴳ ⴷⵉ ⵜⵎⴰⵣⵉⵖⵜ ⵢⴻⴱⴹⴰ ⵖⴻⴼ ⵙⵉⵏ ⵡⴰⵏⴰⵡⵏ :
- ⴰⵎⵢⴰⴳ ⴰⵎⴰⴳⵏⵓ (ordinaire), ⴰⵎ : ⴽⴽⴻⵔ, ⵙⵉⵡⵍ, ⵥⴻⵔ, ⴻⵍⵙ, ⴰⵡⵉ, ...
- ⴰⵎⵢⴰⴳ ⵏ ⵜⵖⴰⵔⴰ (qualité), ⴰⵎ : ⵉⵎⵖⵓⵔ, ⵉⵎⴻⵍⵍⵓⵍ, ⵉⵀⵔⵉⵡ, ⵇⵇⴰⵔ, ...
1. ⵜⴰⵍⵖⴰ ⵜⴰⵎⵢⴰⴳⴰⵏⵜ (forme verbale):
ⵜⴰⵍⵖⴰ ⵜⴰⵎⵢⴰⴳⴰⵏⵜ (ⴷ ⴰⵎⵢⴰⴳ ⵢⴻⴼⵜⵉⵏ ⴳ ⴽⵔⴰ ⵏ ⵡⴰⴽⵓⴷ "temps") ⵜⴻⴷⴷⴻⵙ ⵙⴻⴳ ⵙⵏⴰⵜ ⵜⵖⴰⵡⵙⵉⵡⵉⵏ : ⴰⴼⴻⴳⴳⴰ (radical) ⴷ ⵉⵎⴰⵜⵜⴰⵔⵏ ⵓⴷⵎⴰⵡⴰⵏⵏ (indices de personne). ⴰⴼⴻⴳⴳⴰⴳ ⵙ ⵢⵉⵎⴰⵏ-ⵏⴻⵙ ⵢⴻⴷⴷⴻⵙ ⵙⴻⴳ ⵙⵏⴰⵜ ⵜⵖⴰⵡⵙⵉⵡⵉⵏ ⵢⴰⴹⵏⵉⵏ : ⴰⵥⴰⵔ ⴷ ⵜⵉⵖⵔⴰ.
ⵜⴰⵍⵖⴰ ⵜⴰⵎⵢⴰⴳⴰⵏⵜ = ⴰⴼⴻⴳⴳⴰ + ⵉⵎⴰⵜⵜⴰⵔⵏ ⵓⴷⵎⴰⵡⴰⵏⵏ
ⴰⴼⴻⴳⴳⴰ = ⴰⵥⴰⵔ + ⵜⵉⵖⵔⴰ
ⴰⵎⴻⴷⵢⴰ :
ⵜⴰⵍⵖⴰ ⵜⴰⵎⵢⴰⴳⴰⵏⵜ : ⵜⵓⵔⴳⴰⵎⵜ = ⵜ + ⵓⵔⴳⴰ + ⵎⵜ
ⴰⴼⴻⴳⴳⴰⴳ : ⵓⵔⴳⴰ = ⵓ + ⵔⴳ + ⴰ
ⵉⵎⴰⵜⵜⴰⵔⵏ ⵓⴷⵎⴰⵡⴰⵏⵏ : ⵜ, ⵎⵜ
ⴰⵥⴰⵔ : ⵔⴳ
ⵜⵉⵖⵔⴰ : ⵓ, ⴰ