Góð ráð - Spjaldakippa

Spjöldin tala til þín í 2. persónu. Þessi "þú" getur verið kennarinn eða nemandinn, allt eftir því hvað hentar í ólíkum aðstæðum. Við leggjum samt áherslu á að kennari stýri notkun spjaldanna og sendi þau ekki til nemenda nema þeir hafi fengið kynningu á þeim. Spjöldin eru hugsuð sem minnismiðar til kennarans. Þau minna okkur á að horfa á styrkleika nemenda, hugsa í lausnum og sýna okkur góðar spurningar og setningar til að leiða samtöl við nemendur í uppbyggilegar áttir.

Mörg spjaldanna er hægt að nota í samtölum við nemendur, sérstaklega spjöldin með skölunum. Kennarinn getur þá rétt nemandan eitt spjald til að hjálpa honum að hugsa sig út úr vandamálinu. Varist að nota of mörg spjöld í einu eða láta nemendur svara mörgum spurningum í röð ef samtalið snýst um að leysa vanda í daglegu amstri. Spurningalistarnir eru frekar hugsaðir svo kennarinn geti valið úr þá sem hentar best hverju sinni.