Þróunarverkefnið Læsi fyrir lífið miðar að því að efla læsiskennslu á mið- og unglingastigi með fjölbreyttum aðferðum.  Verkefnið byggir á læsisstefnunni Læsi er lykillinn. Í Læsi fyrir lífið eru samvirkar læsiskennsluaðferðir og samþætt vinna með orðaforða, lesskilning, lesfimi, ritun, samræðu, tjáningu og hlustun í skólastarfi í brennidepli.   Markmiðið er að  efla  læsisfærni  nemenda ár frá ári og að læsi fléttist inn í allt skólastarf þvert á námsgreinar. Lögð er áhersla á fjölbreyttar og hagnýtar aðferðir sem rannsóknir hafa sýnt að séu árangursríkar í að efla læsi. Í verkefninu er lögð áhersla á að mæta  þörfum  nemenda  þar sem þeir eru staddir námslega og stuðla að auknum áhuga, virkni og árangri  þeirra. Í því felst að kennari skipuleggur námið á þann hátt að einstaklingsþörfum sé mætt innan bekkjarins með fjölbreyttu námsefni,  vinnubrögðum og námsleiðum.

Á þessari vefsíðu má finna ýmsar hagnýtar upplýsingar um læsi á mið- og unglingastigi og leiðir til að efla það.