ARALIN 2

Natapos na ang ating makulay na talakayan sa mitolohiya ng Africa. Nawa ay tumanim sa iyong isipan ang mga kaalamang naibahagi sa iyo sa nakaraang aralin. Ngayon ay ating tatalakayin ang anekdota ng Persia/Iran. Iyong kilalanin ang mahusay na kuwentista ng anekdota mula sa bansang ito. Tunghayan mo rin ang mga paniniwala at pagpapahalagang ipinakikita sa akda na naglalarawan sa kultura ng bansa. Kaya, ipagpatuloy mo lamang ang ipinamamalas mong tiyaga sa pag-aaral at tiyak na marami kang matututuhan mula sa araling ito.

Simulan natin sa pagkilala kay Mullah Nassreddin.

Kung saan magpunta si Mullah ay naroon ang tawanan. Dalubhasang pilosopo at tagapayo siya ng mga hari sa kanilang lugar. Nagsimula ang kaniyang mga kuwento sa Persia. Naniniwala ang Sufis na ang pagpapatawa ay nagdudulot ng kasiyahan sa bawat tao. Isinilang siya sa bayan ng Eskishehir (ak Shehir). Dakilang guro siya sa pagpapatawa na siyang naging behikulo ng mga manunulat para sa pagbuo ng kaisipan at paniniwala na ‘di makasasakit subalit nakapagbibigay-sigla sa mambabasa.

Iyong alamin kung paano naiba ang anekdota ng Persia sa iba pang mga kauri nito sa pamamagitan ng panonood sa akda.

OUTPUT #3:
Kopyahin ang pormat sa iyong document at isulat dito ang iyong sagot. Ang anekdotang kailangang basahin ay matatagpuan sa MGA SANGUNIAN