Уладзімір Караткевіч - паэт, празаік, драматург, публіцыст, літаратурны крытык, перакладчык, кінасцэнарыст. 

Ужо на пачатку творчага шляху звярнуўся да мінуўшчыны і фальклору, напісаўшы кнігу "Казкі і легенды маёй Радзімы", у якую ўвайшлі казкі "Вужыная каралева", "Рыбін цар", "Мужык і дзіва аднавокі", "Надзвычайная котка" і інш.

Казкі У. Караткевіча вучаць патрыятызму ("Лебядзіны скіт"), пашане да старэйшых ("Нямоглы бацька"), любові да блізкіх ("Вясна ўвосень"), справядлівасці ("Кацёл з каменьчыкамі"), вучаць бачыць хараство ў незвычайным ("Жабкі і Чарапаха"). Яны напоўнены арыгінальнымі вобразамі, гумарам ("Чортаў скарб", "Верабей, сава і птушыны суд" і інш.).

У нарысе "Зямля пад белымі крыламі" (1972) пісьменнік распавёў пра Беларусь, яе культуру, мову, літаратуру, фальклор і прыроду. 

Падрабязна пра  жыццё і творчасць Уладзімі Караткевіча чытайце ў кнізе: Беларуская дзіцячая літаратура : вучэб. дапаможнік для студ. / А. М. Макарэвіч [і інш.] ; пад агульнай рэд.
М. Б. Яфімавай, А. М. Макарэвіч. – Мінск : Вышэйшая школа, 2008. – С. 459-481.