Якуб Колас - не толькі вядомы паэт і празаік, аўтар многіх твораў для дзяцей. Ён напісаў дапаможнік для настаўнікаў "Методыка роднай мовы" (1926). Вялікую ўвагу надаваў вывучэнню дзецьмі мастацкай літаратуры. Аўтарству Я. Коласа належыць хрэстаматыя для вучняў ІІ класа "Другое чытанне для дзяцей беларусаў". 

Шматлікія вершы, апавяданні, казкі Якуба Коласа адкрываюць дзецям хараство прыроды, знаёмяць з багатым светам эмоцый, перажыванняў, вучаць глядзець на жыццё разважліва і мудра.

На працягу амаль усяго жыцця (з 1906 па 1955 год) Якуб Колас пісаў кнігу "Казкі жыцця". Гэта не казкі для маленькіх чытачоў, а алегарычныя апавяданні, у якіх пісьменнік уздымае складаныя праблемы чалавечага існавання.   

Падрабязна пра  жыццё і творчасць Якуба Коласа чытайце ў кнізе: Беларуская дзіцячая літаратура : вучэб. дапаможнік для студ. / А. М. Макарэвіч [і інш.] ; пад агульнай рэд.
М. Б. Яфімавай, А. М. Макарэвіча. – Мінск : Вышэйшая школа, 2008. – С. 133-160.

Ніхто з дамашніх не згадае,

Чым рэчка Костуся займае,

Якая іх звязала сіла

І чым яна так хлопцу міла.

Бывала, толькі чуць разднее,

Чуць трошкі ў лесе пасвятлее,

Глядзіш — на рэчку ён шыбуе

І лёд сякеркаю мацуе...

(з паэмы "Новая зямля")

Размяжуйце праўдзівыя і памылковыя сцвярджэнні, і вы атрымаеце наступнае кодавае слова!