А мы працягваем наша падарожжа па краіне дзіцячай літаратуры!  Сёння пазнаёмімся з творчасцю Змітрака Бядулі (Самуіла Яфімавіча Плаўніка).

Змітрок Бядуля стаяў ля вытокаў беларускай дзіцячай літаратуры. Ён быў мастаком слова, тэарэтыкам, рэдактарам. Рэдагаваў дзіцячы часопіс "Зоркі". Стварыў вершы, паэмы, казкі, апавяданні, аповесці, якія маюць вялікае выхаваўчае і адукацыйнае значэнне. У творчай спадчыне пісьменніка - лірычныя мініяцюры, апавяданні пра дзяцей ("Велікодныя яйкі", "Летапісцы", "Малыя дрывасекі", "Дзе канец свету?" і інш.), казкі ("Скарб", "Іванка-прастачок", "Бліночак з неба", "Сіла ў грамадзе" і інш.), вершы-казкі "Мурашка Палашка", "Гаспадарка", "Дзед Мароз", аповесць-казка "Сярэбраная табакерка". Увайшлі ў кола дзіцячага чытання вершы Змітрака Бядулі: "Мае забавы", "Лісічка", "Зіма", "Калыханка", "Верабейчык", "Сняжынкі" і інш. 

Падрабязна пра  жыццё і творчасць З. Бядулі чытайце ў кнізе: Беларуская дзіцячая літаратура : вучэб. дапаможнік для студ. / А. М. Макарэвіч [і інш.] ; пад агульнай рэд.
М. Б. Яфімавай, А. М. Макарэвіч. – Мінск : Вышэйшая школа, 2008. – С. 160-181.

Дадаткова пра жыццёвы і творчы шлях пісьменніка можна прачытаць тут.