Ang mga salitang naglalarawan sa tao, bagay, lunan/lugar, hayop at pangyayari ay tinatawag nating mga Pang-uri. Ginagamit ang mga salitang ito upang mas maging malinaw o magkaanyo sa isipan ng nagbabasa o nakakarinig ang mga pangngalang tinutukoy. Nakatutulong nang malaki ang mga salitang ito upang bigyang-katangian ang isang tao, bagay o ugali maging sa damdamin at pangyayari sa ating kapaligiran. Samakatuwid, malaki ang ginagampanang papel ng wastong paggamit ng mga salitang naglalarawan upang mapatingkad ang anumang akdang pampanitikan.
May mga salitang naglalarawan na maaaring gamitin sa tao na hindi naman maaari sa bagay. May mga pangyayari din naman na kapag ginamit na ang salita sa pagbuo ng taludtod at pangungusap ay nababago ang kahulugan o hindi gaanong napalilitaw ang nais ipakahulugan at hindi nagiging matapat sa nais ipakahulugan ng salita. Halimbawa na lamang nito ang salitang “matangkad” na bagamat tumutukoy sa taas (height) ay hindi maaaring gamitin sa paglalarawan ng taas ng isang gusali.
Halimbawa:
A. Matangkad ang panganay na anak ni Don Rafael.
B. Ang pag-aaring mga gusali ni Don Rafael ay talagang matatayog.
Si Ishaan Nandkishore Awasthi ay isang batang may sakit na Dyslexia. Hindi ito naintindihan ng kaniyang mga magulang at ng kaniyang mga guro. Palagi siyang nakatatanggap ng parusa. Pinapalo. Sinasabihan ng masasakit. Tamad. Bobo. Tanga. Walang alam. Idiot. Wala siyang tanging masusulingan kundi ang pamilya sana niya. Subalit siya’y inilayo. Itinira sa dormitoryong paaralan. Kahit na matindi ang pagtutol ni Ishaan, wala siyang nagawa. Wala pa siyang sapat na lakas upang tumutol sa kagustuhan ng kaniyang ama. Maging ang kaniyang ina ay walang magawa. Kapag sinabi ng kaniyang ama, nagiging sunod-sunuran rin siya. May angking talino si Ishaan. Bagamat hindi siya nanguna sa klase, dahil sa kinaugaliang hindi pakikinig o wala ang pansin sa pag- aaral. Sadyang mabagal ang kaniyang pag-unlad sa pagbabasa at pagsusulat. Mas madalas na nagkakabaligtad ang b at d, mga salitang pareho ang bigkas ngunit iba-iba ang baybay. Ang kaniyang mga bilang ay nagkakabaligtad din at palaging wala sa ayos ang pagsusulat. Salamat sa pagdating ng bagong guro. Si Ram Shankar Nikumbh Sir. Nakaunawa. Nagpahalaga. Nagmahal. Nagbahagi. Hanggang si Ishaan ay natuto. Sadyang napakahusay ni Ishaan sa pagguhit. Siya ang itinanghal na pinakamahusay na artist sa buong paaralan ng New Era High School. (Bahagi lamang ng akda)
Ang Ashkenasim ay kinatawan ng mga nakapag-aral na Israelitas. Sila ay itinuturing na may mataas na antas sa lipunan. Mayroon…. Nakatitiyak akong walang sadyang patakaran ng pagtatanggal, ngunit tulad ng karamihang paaralan sa Israel, ang edukasyon ay napangingibabawan ng mga matataas at panggitnang uri ng Ashkenasim. May lalabas na paboritismo sa paghahanap ng mabuting paaralan at pagtanggap ng mga tao sa pamantasan at programang propesyunal. Ito’y hindi na ang tagumpay ay hindi lubos na mahalaga sa pagpapasiyang ito, ngunit sinong may maayos na mga trabaho, pook, paaralang institusyon ang nagbibigay ng pondo sa iba’t ibang kahanga-hangang tagumpay? Higit sa lahat ang mga Ashkenazim.
Sa Israel, ang pinaglilingkuran ay mahilig ding maging mataas na konsumer. Bilang pagsunod ng mga Isralitas sa mga estilo ng U.S at sukatan ng paggawa, ang matataas na konsumer ay ipinagmamalaki ang kanilang kayamanan sa mga katamtaman at mababang antas ng uri ng sistema na ang agwat ng mayaman sa mahirap.(Bahagi lamang ng akda)
