Nobela: Ang Nobela ay isang mahabang kathang pampanitikan na naglalahad ng mga pangyayari na pinaghahabi sa isang mahusay na pagbabalangkas na ang pinakapangunahing sangkap ay ang pagkakalabas ng hangarin ng bayani at ng hangarin ng katunggali sa kabila ng isang masinig na pagsasalaysay ng maraming pangyayaring magkasunod at magkakaugnay. Ito ay nahati sa mga kabanata. May kumplikadong mga suliranin. Maaring magtaglay ng dalawa o higit pang mga tauhan, tagpuan, suliranin at mensahe. Tinatawag rin itong kathambuhay. Katha, dahil likha ng manunulat (bunga ng kaniyang guniguni at kahusayan sa pagsulat) at buhay sapagkat may kasaysayang inisasalaysay na kung hindi man lubos na gawa ng isip ay hango sa pangyayaring tunay na naganap.
Telenobela: Ang Telenobela ay isang anyo ng drama sa telebisyon na karaniwang serye at tumatalakay ng mga temang domestiko. Ang mga Soap Opera o Telenobela ay nagsimula sa radio at hindi naglaon ay binuksan sa telebisyon noong 1960’s. Ang unang Filipino Soap Opera na ipinalabas ay pinamagatang “ Hiwaga sa Buhay ng Bata” noong 1963 na inihandog sa isang istasyon sa telebisyon. Ang mag telenobela noong unang panahon ay ipinalabas sa araw.
Si Buboy ay isang bata na naglayas mula sa isang bahay ampunan. Siya ay napadpad sa Baryo Maulap, isang malayo at maliit na komunidad. Nasaksihan niya ang maraming alitaptap na kung saan sinasabing nagdadala raw ito ng swerte kapag mayroon nito sa isang lugar. Si Buboy ay namangha at siya ay nanghuli ng mga alitaptap at kanyang inilagay sa isang bote. Mapalad siya dahil nakahuli siya ng isang alitaptap na may taglay na kapangyarihan. Nagmula ito sa kalangitan. Siya si Starla, isang wishing star.
Nanatili si Starla sa lupa, kailangan niyang makahanap ng paraan upang siya ay makabalik sa kanyang mundo. Para maisagawa ito kailangan niya at ni Buboy na magkaroon ng misyon at ito ay matupad ang mga hiling ng mga tao mula sa nasabing lugar. Napilitang ampunin ni Mang Greggy si Buboy. Si Mang Greggy ay kuripot at ang kanyang mga kabaryo ay naniniwalang siya ay makasarili. Lagi rin siyang nagagalit. Sa kabila ng ipinakikitang katigasan ng loob, matagal nang nangangarap si Mang Greggy na makasamang muli ang kanyang anak na si Teresa at nang siya ay makahingi ng tawad dito. Si Teresa isang walang awa at walang pusong abogado. Ang kanyang hangad lamang ay maging mataas. Taon ang lumipas na siya ay nawala sa baryo Maulap. Siya ay bumalik upang makapaghiganti sa bayang kanyang pinanggalingan, kabilang na rito ang makapaghiganti sa kaniyang ama. Mula nang mapadpad si Buboy at si Starla sa bahay ni Mang Greggy ay nagkaroon ng panibagong kasaganahan ang baryo Maulap. At lahat ng pangyayaring ito ay naging daan upang mag-ugnay muli sa mag-ama at ang mga tao sa baryo Maulap. Ang Starla ay isang kwento ng pag-asang hatid ng kabutihan ng puso ng isang inosenteng bata, ng pagtanggap, pagmamahal sa pamilya at pagpapatawad.
