Entre o 6 e o 13 de maio, as profesoras Leire e Sabela viaxaron a Copenhague con obxectivo de formarse e aprender sobre o sistema educativo dinamarqués. En concreto, as temáticas centrais foron a diversidade e a inclusión, así como a observación da materia Global Perspectives.

O centro Bjorn's International School é unha mostra da diversidade que caracteriza a este país do norte de Europa. Con máis de vinte nacionalidades distintas, o alumnado está afeito a vivir na diversidade e na inclusión. 

Así, este centro educativo inaugurouse nunha vella fábrica. As súas dimensións son pequenas (igual que o número reducido de alumnos e alumnas), pero as instalacións están pensadas para facilitar o traballo colaborativo e promover a convivencia entre a rapazada, da igual a idade ou a súa orixe.

En canto ás materias que observaron Sabela e Leire foron Global Perspectives, History, Science e unha clase de Support (Apoio a dous alumnos con NEA). 

A primeira destas materias era unha das de maior interese nesta mobilidade, xa que un dos obxectivos era coñecela de primeira de man e así, máis adiante, poder chegar a implatar unha materia similar no IES de Mos. O enfoque, como xa se dixo, era práctico, realista e cunha perspectiva social. Por exemplo, o grupo Y10&11 analizou distintos textos argumentativos sobre a migración. O grupo Y8&9 traballou de xeito colaborativo sobre a influencia das redes sociais nas nosas vidas e como dar unha solución á adicción que estas xeran. Incluso os máis cativos, Y1&2 tiñan esta materia na que desenvolvían a Escoita Activa (aprender a respetar o turno de palabra, escoitar, mirar aos ollos do emisor, etc.).