Embedded Files
Te ingoa teia papa tara a aku i amani koia oki: Te au ingoa o te apinga apii a te tamariki apii. Ka riro teia papa tara ei tauturu i te au tamariki e ko te reo Maori te rua o to ratou reo e te tamariki potiki.
Ka akapeea au me apii i teia puka ki te tamariki
Ka tatau au te puka ki te tamariki ki roto i te reo Maori e te reo papaá e te akamarama atu. Iaku e tatau nei te puka ki te tamariki, ka ui au tetai au uianga mei teia te tu, E aá te kara i teia auou, E aá te ingoa tetai au pakau i roto i te tutu. Me oti au i te tatau i te puka ki te tamariki ka ui au, E aá te ingoa teia tara, E taángaánga ia ana teia au pakau no te aá, me kare Ka akapeea me akarare i teia au pakau.
Raveraveánga
15 miniti -Ka taki rua au te tamariki e kia apiipii i a raua ua rai i te autaraanga mei teia te tu, e rura teia, e puka teia, e nooánga teia e oti ka kimi mai raua e rua apinga i te apiipii ia raua te ingoa ta raua pakau i kite ía mai. Me tae te taingauru ma rima miniti ka akaari taki tai nga tamariki i ta raua nga pakau i kite mai e ka autara me ta te puka rai i tatau ana au kia ratou.
Toku manako
Ka akamata i te apii e aá te ingoa te au apinga e oti ka akaroaroa atu te takiato korero me nakirokiro te reo. Mei teia te tu, e peni moana teia, e peni atupaka teia. I roto te tara, kua akataka 'ia te pakau mei te rura, peni, puka e te vai atura kia kite te tamariki e aá taua pakau.
Ko te ingoa teia papa tara, koia oki ko te: Toku Koputangata. Ka riro teia papa tara e tauturu te au tamariki nakirokiro te reo Maori e te au tamariki reo rua. Irinaki au ka riro teia papa tara ei apii te tamariki e aá te au kupu e pera katoa, akapeea me ui e te pau no runga i toou kopu tangata i roto toou ngutuare i mua atu ka aere mamao atu ki te au ruau, tupuna e te vai atura.
Ka akapeea au me apii i teia puka ki te tamariki
Ka tatau au te puka ki te tamariki ki roto i te reo Maori e te reo papaá e te akamarama atu. Me oti te tatau te puka, ka ui au ki te tamariki e te aá nei teia nga tangata. Penei ka pau mai tetai tamariki, te autaratara nei raua kia kite raua i a raua ua rai, te inangaro nei raua i te kite ko ai to tetai kopu tangata.
Raveraveanga
Ka kiriti au te au takiato korero no roto mai i te puka ki runga i te papa tata, inara kare au e kiriti te au ingoa. Ka tuku rai te au tamariki i te ingoa o tona kopu tangata ki roto i te ngai va. Ka kopi te tamariki te au apii ki roto i ta ratou puka.
15 miniti - taki rua te tamariki e ka apiipii raua i te autaratara kia raua ua rai ma te aru ta te puapii i tatau e te tata ki runga i te papa tata. Me tae te taingauru ma rima miniti, ka tu mai te au tamariki e tona patana ki mua te katoatoa e ka rave mai ta raua autarataraánga.
Te ingoa teia papa tara, koia oki Te Au Kara.
Iaku ei, ko teia papa tara a aku i amani mai, ka tano na te tamariki e reo Maori to ratou reo mua. Ka tano katoa na te tamariki e reo Maori to ratou reo rua, inara ka tauta i te kite akapeea me tatau. Me ka tatau te tamariki reo rua, kare tatau te kupu akataka nomena. Penei kia matutu ratou i te kite te autara e akataka te au kupu nomena i mua atu ka akaroaroa atu i te takiato korero.
Akapeea au me apii i teia puka?
Ka tatau au teia puka ki te tamariki e ka uri ki te reo papaá. Me oti iaku i te tatau ta taki tai i tetai kapi, ka ui ki te tamariki e aá te kara o taua pakau i roto i te puka, me kare to'u mai te pakau o taua kara. Me oti te tatau te puka, ka opara mai au tetai au apinga e aiteite te kara ki te au ingoa i roto te puka. Ka ui au ki te tamariki e aá te kara o taua apinga, e ka pau mai tetai tamaiti me kare tamaine.
Raveraveánga
Ka amani te tamariki tetai papa tara na ratou ua rai, ma te toro tetai au tutu no runga i te au kara i tatau'ia kia ratou ki roto i ta ratou puka apii. Ka akara te puapii te tara a te tamariki i mua atu ka tuku ratou ki runga i tetai peapa A2 tutu (poster) e ka karakara. Penei ka pati au ki te tamariki kia akaari ta taki tai ta ratou tutu me oti. Ka oake au e 3 -4 period no te amaniánga e te akaoti ánga ta ratou tutu.
Google Sites
Report abuse