CM212- Apii Maori 2020

Kia orana e te puapii Ake

Meitaki atupaka no teia apii Maori CM 212 e te apii mai iaku i teia tuanga apii.

Iaku ei te akamata'anga o te apii kare au i mataora rava ana no te mea, kare oki i kite eaa teia tikai e apii ia mai nei noatu kite taua akapeea me rave ta taua apii te tamariki (Lesson Plan). I na ra, te roaroa'anga mai te aereanga o te apii kua marama mai au eaa tikai teia e apii ia mai nei.

Taku i kite mai kia kite taua puapii akapeea me parani taau ka apii i te tamariki Reo Rua e te Reo Tai. I na ra ko te mea puapinga kia ki te koe eaa taau au raverave'anga ka rave no te apii'anga te tamariki kia rauka ia ratou i te tamou i to tatou Reo Maori. E mea puapinga katoa kia uri rai te apii ki roto i te Reo papa'a kia marama te au tamariki Reo rua. Tetai pakau, kia rauka ia koe puapii kia rave tetai kangakanga (activity / game) kia oraora mai te tamariki e kia apii katoa.

Kare au e mareka ana i te aere'anga tatou ki ko te Are Karioi Nui no te akarongo atu i ta teia au tangata kupu e amani mai ara. Iaku ei, e au kupu amani ua na ratou .

E reka ana au me oake mai a Teau tona manako akameitaki e te akamaroiroi me oti matou te au tamariki apii i te akaari ta matou apii (Lesson). Ko tona manako akamaroiroi ka rauka teia ia taua kia akatano e te akameitaki rava atu ta taua apii i te tamariki.

Akameitaki au iakoe no te apii mai ia matou akapeea me amani te papa tara (Story Board). Kua rauka iaku i te kite mai akapeea me amani i taku ua rai papa tara. Ko teia au apii mei teia rai aau i apii mai ana e to teia nga mataiti i topa ake nei, kua riro teia i akatauanga naku no te rave atu i tetai raverave'anga na te tamariki.

Mako tikai e toru puapii i teia mataiti i apii mai ia matou, e ta ratou au tu'anga aere. Reka au te au kangakanga (game / activity) a Teau i akaari e te apii mai ia matou.

Kua rava ua teia e Ake, meitaki no taau tauturu e te akakoromaki mai ia matou i te au puapii e pera akatoa ia James raua ko Teau.

Te Atua te aroa. Ka kite akaou.