My reflections

Add your reflections about making the memrise course here. What was easy what was hard. What advice would you give to someone who might work on it in the future.

Ass any other reflections you have about making the portfolio.

Toku manako no runga i te porokaramu MEMRISE e te APII MAORI

Ko teia porokaramu MEMRISE, e rai taku i kite mai tei riro i te apii mai iaku no tetai au tu apii'anga i te tamariki apii no runga i to tatou reo Maori Kuki Airani. Mama te apai'anga no te tata'anga i te au kupu e te takiato korero i te kiriti'anga ki runga i te peapa. Kare e peapa e te peni e kai moumou e kare taua e eeu aere me kare oko. Kimi ua koe te kupenga rorouira o te MEMRISE i runga i te rorouira e kua rave koe ta te puapii Ake Nicholas i apii mai. Mataora au no te kite mai eaa tetai apii kangakanga na te tamariki i mua atu ka akamata i te apii te tamariki, me turituri e me kare mou'anga te manako o te tamariki. Kua rauka katoa iakoe i te uri te au kupu e te takiato korero ki roto i tetai uatu reo. E tuku ia ana te teata e tetai au porokaramu rorouira ki runga i te Memrise i akatau e te akarongo'anga na te tangata.

E mea tau kia akakite 'ia teia porokaramu kite au puapii Reo e te aronga e inangaro nei i te tamou i tetai uatu reo e kia uri ki roto i te reo papa'a, kia marama. Kua rare matou te tamariki apii i tetai taime i roto i te pupu e kua tauturu matou ia matou ua rai. Kua oake katoa matou ta taki tai to matou manako, tauturu e te marama ma te taokotai.

Mataora tikai au i teia apii CM211 - Kuki Airani Maori 2. Reka au te apii 'ia mai'anga ia matou, inara manga viviki rai te puapii i tetai taime me apii mai. Tetai taime oki, e maria te internet te ata mai no tetai kupenga rorouira e kua karuke ia mai au ki muri. Ko te mea meitaki ra, me pati tauturu koe ki te puapii kia tauturu mai me kare au i marama no tetai pakau, ka tauturu mai aia.

Te marama mai nei au no tetai au apii aere mei te patikaro e te vai atura, inara te manga taī'i nei rai i tetai tua. Ka tauta au kia kite e kia marama au i te ngai e taī'i nei.

Reka au te vaitoanga kite e korero e te apii i runga i te rorouira, no te mea e tau rai kia tuke e kare koe e rai i te tamou apii mei te tarere (exam) rai. Irinaki au i teia tuatau te tere nei teia nei ao ki mua e te aere ua ara te apii e te kite no runga i te apii rorouira. Mako rai te vaitoanga kite mua - Korero poto e kua tata aere ki roto i te vaitoanga kite rua. Te tata'anga au taku korero i roto i te vaitoanga kite rua, kua rai mai taku i kimikimi e toku manako e pera katoa i roto i te Vaitoanga kite toru. Kua rai katoa rava atu toku manako e te kimikimi'anga e kua rauka i te parani i mua atu ka rave taku korero mei te 8 - 12 miniti. Irinaki au kua nakironakiro au i te rua o te taime i te rave'anga taku korero.

Meitaki atupaka e te puapii Taote Ake Nicholas no toou kite e te marama tei apii mai koe ia matou ei tauturu i ta matou ngai rare koia oki e apii i te tamariki apii Kuki Airani.