ESKU HARTZE

FUNTZIOAK

Tutorea:

• Familiarekin informazioa partekatu dolu prozesu osoan zehar.
• Ikasgela mailan lagungarriak izan daitezkeen ekintzak eta jarduerak antolatu.
• Ikasgela konfiantzazko inguru segurua dela bermatu.
• Ikaslearen bilakaera, emozioen adierazpena eta baliagarria izan daitekeen edozein datu behatu.
• Orientatzailearekin koordinatu (jarduerak planifikatzeko, informazioa partekatzeko, etab.)

Orientatzailea:

• Familiari etxean egoera kudeatzeko jarraibideak eman.
• Irakasleei orientabideak eman eta ikaslea laguntzeko beharrezkoa den informazioa helarazi.
• Ikaslearen egoera baloratu, aztertu eta jarraitu, beharrezkoak ikusten dituen neurriak proposatuz.
• Ikasgelako tutoreari jarduerak proposatu eta materialak nahiz baliabideak kudeatu.
• Kanpo-erakundeekin koordinatu.

Familia:

• Tutorearekin baliagarria izan daitekeen informazioa partekatu.
• Eskolarekin koordinatu ikaslea laguntzeko helburuarekin.
• Egoera kudeatzen eta gaia beren seme-alabarekin tratatzen ikasteko irekiak egon, orientatzailearen aholkua jasoz.

Ikaslea:

• Laguntza: Dolu prozesuan zehar berarekin egon.
• Esku-hartzea: Ikasleak dolu prozesua konplikaziorik gabe burutu dezan. Aipatu beharra dago familiari ikaslearekin aurrera eramaten ari garen esku-hartzearen berri eman beharko diegula, baita edozein egoera dela eta hartu nahi diren neurrien berri, bereziki, dolua konplikatuko balitz.

Ikasgela:

• Egoera normalizatu: Dolu prozesuan dagoen ikaslearen harrera prestatu.
• Gaia landu: Ikaslea eta familia ados egonez gero, gaia ikasgelan tratatu daiteke jarduera ezberdinen bitartez, dolu prozesuan dagoen ikasleen zalantzak, kezkak... argituz, eta modu berean, gainerako ikasleenak ere bai.

* Dolu kolektiboa (kasu berezietan): heriotza eskola-komunitateko kide batena izan bada (ikaslea, irakaslea, eskolako langilea…) esku-hartze kolektiboa beharko da.

Familia:

• Aholkularitza: Orientatzaileak familiari dolu prozesua aurrera eramateko eta heriotzaren gaia tratatzeko jarraibideak emanen dizkio.
• Jarraipena: Ikaslearen bilakaeraren inguruan informazioa partekatuko dute.

Helburua:

Ikasleak eskolatik-kanpo (familiaren bitartez) eta eskolan (behaketaren bitartez) duen egoera ezagutzea litzateke, baita heriotzaren ondorioz izandako erreakzioak eta aldaketak ere, geroago, arrisku eta babes faktoreak definitu ahal izateko, esku-hartzera begira ondorioak ateraz.