O programa ten como obxectivos facilitar ao alumnado referentes de mulleres científicas e tecnólogas, dar a coñecer as profesións STEAM, sensibilizar e orientar sobre os estudos en ciencia e tecnoloxía, visibilizar e poñer en valor as mulleres STEAM da historia, así como dar a coñecer os estereotipos existentes nestas áreas para que non condicionen as decisións de nenas e nenos.

Participan grupos de 1º de ESO a través do dpto de Orientación, coordinado por Nerea López Ares e a colaboración de Aurora Castañón . Profesorado da UDC veu ao noso centro educativo para realizar diferentes talleres durante 6 horas lectivas cos catro grupos de 1º da ESO. Durante estas sesións realizáronse diferentes actividades para fomentar as vocacións científico-tecnolóxicas entre o alumnado, especialmente entre as rapazas.