Moito máis ca baloncesto

Durante a tarde, ás portas do Pavillón Novo celebramos o emocionante concurso de tiro libre e triplos, onde os participantes espremeron ao máximo o seu minuto de gloria. Ademais, grazas ao sorteo solidario da rifa a 1€, repartimos un espectacular lote de marisco, entradas para o París Dakart e doazóns locais. Todo o recadado destinarase á compra de balóns e á contratación de adestradores para a escola do club de cara á vindeira tempada. A xornada pechou por todo o alto coa entrega de medallas, camisetas exclusivas e o paso dos equipos polo photocall.