O IES Monte Castelo está adherido ao PLAMBE(Plan de Mellora de Bibliotecas Escolares) dende o ano 2008. Podedes ver a actividade realizada durante estes anos pasados neste enlace.
Participamos en todas as convocatorias do club de lectura.
Este ano o proxecto que promove a biblioteca ten como lema "Viaxe á creatividade". Buscamos fomentar a creatividade en todos os ámbitos: artes, investigación, traballo coa información; así como as dinámicas activas e o traballo colaborativo.
Formamos parte MICRORREDE A MARIÑA. Un Proxecto Colaborativo das Bibliotecas Escolares da Mariña.
Este ano e recollendo a proposta da Asesoría de Bibliotecas Escolares de Galicia "Biblioteca escolar + deseño, viaxe á creatividade" proponse como título do proxecto "Deseñando a Mariña".
Formamos parte do proxecto ELBE.2 do Plan LIA que busca que profesorado e alumnado coñezan a lectura dixital.
A biblioteca dispón de tabletas en préstamo para facilitar o uso da biblioteca dixital.
Pertencemos á rede de Bibliotecas Solidarias de Galicia co programa Voluntariado na Biblioteca escolar. Colaborando coa biblioteca alumnado recibirá un diploma acreditativo emitido pola D.X. de Xuventude, Participación e Voluntariado.
No curso 2025-26 inauguramos o noso espazo de radio.
