Еңеү көнө

А.Игебаев.

Болондарҙы күмеп майҙың

Нәфис гөлөнә,

Еңеү көнө балҡып килде

Тыуған илемә!

Тик еңеү үҙенән-үҙе

Килмәне ергә;

Уны яҡлап ҡаһармандар

Көрәште бергә!

«Мәңгелек дан!» — тигән кеүек

Батыр халҡыма,

Май ҡояшындай нурланып,

Байраҡ талпына. (1988 йыл)

Өй эше.

Еңеү көнөнә һүрәт төшөрөргә. (Нарисовать рисунок ко Дню победы.

Р.Ниғмәти.

Еңеүселәргә дан!

Яу ораны һалды Ватан,

Ат атланды батырҙар –

Ил дошмандарын ҡыйратып,

Яуҙан еңеп ҡайтырҙар.

Һай, аҫыл ил улдары,

Яуҙан еңеп ҡайтығыҙ.

Һай, алтын ил ҡыҙҙары,

Ҙур дан менән балҡығыҙ.

Яуға оҙаттыҡ ирҙәрҙең

Аҫылын, батырҙарын.

Яуға оҙаттыҡ ҡыҙҙарҙың

Алтынын, матурҙарын.

Һай, аҫыл ил улдары,

Яуҙан еңеп ҡайтығыҙ.

Һай, алтын ил ҡыҙҙары,

Ҙур дан менән балҡығыҙ.

Яҙ ҡояшы кеүек балҡып,

Батырҙар ҡайтты яуҙан.

Яҙ ташҡыны кеүек урғып,

Йырҙары килә алдан.

Дан һеҙгә, ил удрары,

Ватан йырлай һеҙгә дан!

Дан һеҙгә, ил ҡыҙҙары,

Хөрмәтләй һеҙҙе ватан!

Доншманды еңде егеттәр

Еңделәр ил ҡыҙҙары.

Дандары ҡояш кеүектәр

Алтындан йондоҙҙары.

Дан һеҙгә, ил удрары,

Ватан йырлай һеҙгә дан!

Дан һеҙгә, ил ҡыҙҙары,

Хөрмәтләй һеҙҙе ватан!

Page updated

Google Sites

Report abuse