Wawancara

1. Mastikeun bener heunteuna kajadian atawa sok disebut oge aktualitas fakta

2. Nyangking pamadengan resmi ti narasumber

3. Ngaguar pamanggih ahli, jeung

4. konfirmasi keur babandingan data.

1. Muguhkeun informasi naon nu rek dikumpulkeun.

2. Nangtukeun saha aku rek diwawancara (narasumber).

3. Nangtukeun iraha jeung dimana rek diwawancarana.

4. Nyusun angket, nyaeta daptar pananya anu rek ditanyakeun. Biasana nyoko kana prinsip 5W+1H : What (Naon), Where (Dimana), When (Iraha), Why (Kunaon), Who (Saha), jeung How (Kumaha).

5. Dina derna ngawawancara, hadena mah ngagunakeun basa Sunda anu merenah.

6. Nyatetkeun informasi penting anu di tepikeun ku narasumber, tiasa oge direkam, difoto atawa disyuting.

1) Ngarumuskeun topik atawa téma jeung tujuan wawancara

2) Neuleuman masalah nu rék dipaké bahan wawancara

3) Nangtukeun narasumber atawa nu diwawancara jeung maluruh biodatana

4) Nyusun daftar pertanyaan nu badé ditaroskeun

5) Midamel jangji jeung narasumber keur jadwal wawancara

6) Ngalagsanakeun wawancara lul jeung jangji saméméhna

7) Nyusun laporan wawancara

struktur atawa adegan wawancara téh aya:

(1) Bubuka

Bagian bubuka dina wawancara téh nu ilaharnya eusina ngeunaan salam pamuka, wawanohan antara nu ngawawancara jeung nu diwawancara, serta jejer nu di wawancarakeun.

(2) Eusi

Bagian eusi dina wawancara ngeunaan tanya jawab antara nu ngawawancara jeung nu diwawancarana. Nu ngawawancara naroskeun pananya, nu diwawancara téh ngajawab pananya ti nu ngawawancara.

(3) Pamungkas atawa panutup

Bagian pamungkas dina wawancara téh eusina ngeunaan panutup tina kagiatan wawancara. Ilaharna eusina ngucapkeun hatur nuhun kana waktu nu geus diluangkeun ku nu diwawancara, salam panutup, jeung omongan pamitan.

1. Wawancara mandiri

Wawancara mandiri sok disebut oge wawancara individual, hartina saurang pawawancara ngayakeun wawancara ka saurang narasumber. wawancara mandiri biasana dilaksanakeun kusaurang wartawan waktu keur maluruh narasumber keur nulis hiji warta.

2. Wawancara Kelompok

Wawancara kelompok biasana jumlah pawawancarana lobaan. narasumber mah bisa saurang bisa wae kelompok. Upamana wae, sababaraha urang wartawan ti sawatara media TV atawa kagiatan diskusi publik. awawancara biasana ngasongkeun pananya anu beda beda.

3. Wawancara Konferensi

Wawancara Konferensi hartinya kagiatan wawancara anu ngalibetkeun sawarata narasumber. Upamana talkshow dina TV atawa kagiatan diskusi publik. wawancara Konferensi ge bisa dilaksanakeun boh sacara langsung boh teu langsung, upamana geus rea disiarkeun ku sawantara TV.

Dumasar kana sipatna, kagiatan wawancara tiasa di bédakeun jadi 2 rupa, nyaéta wawancara kauger jeung wawancara bébas.

Wawancara kauger atawa wawancara tertutup nyaéta pawawancarana kudu bisa nyekel rusiah rupaning informasi tina hasil wawancara, ti mimiti idéntitas narasumber tug nepi ka perkara anu ditepikeun ku narasumber. Biasana pawawancara geus nyayagikeun angkét anu patalekan jeung jawabanana geus disediakeun. Narasumber mah pancénna ngeudisan jeung milih jawaban dianggap luyu atawa bener.

Wawancara bébas atawa bebas nyaéta kagiatan wawancara anu pananyana teu dirumuskeun heula ku pawawancara. Dina kagiatan wawancara, biasana mah pawawancara ngadadak ngasongkeun ka narasumber diluyukeun jeung situasi katut kondisi waktu kagiatan wawancara lumangsung. Narasumber ogé biasana mah méré jawaban-jawaban anu ngadadak kapikir harita kénéh, henteu nyiapkeun heula jawaban. Kitu deui pananya ogé bébas pikeun ngajawabna, teu kawatesanan ku pilihan jawababan.

Dina wawancara, aya sawatara hal anu perlu diperhatikeun, nyaéta:

1) Muguhkeun informasi naon anu rék dikumpulkeun

2) Nangtukeun saha narasumberna

3) Nangtukeun iraha jeung di mana rék diwawancara

4) Nyusun daftar pananyana nu rék ditanyakeun. Tiasa ngagunakeun Prinsip 5W+1H: What (Naon), Why (Ku naon), Where (Di mana), When (Iraha), Who (Saha), jeung How (Kumaha)

5) Dina derna ngawawancara, hadéna mah ngagunakeun basa Sunda anu merenah

6) Nyatetkeun informasi penting anu ditepikeun ku narasumber. Bakal leuwih hadé lamun dirékam, difoto, atawa disyuting.