Ang produksyon ay ang proseso ng pagsasama ng iba't-ibang materyal at di-materyal na bagay upang makagawa ng produkto na maaaring gamitin ng tao. Ito ay ang paraan ng paggawa ng gamit o serbisyo na may halaga at importansya sa buhay ng tao.

Ang kalagayan ng ekonomiya ay nakabatay sa proseso ng produksyon na ang layunin ay maibigay ang pangangailangan ng bawat tao. Dito nasusukat ang kaginhawaan o kagalingan ng ekonomiya. Sa produksyon, may dalawang kategorya na nagpapaliwanag ng pag-angat ng ekonomiya. Ito ay ang pagtaas ng kalidad ng produkto sa binabayarang presyo, at pagtaas ng kita ng produkto mula sa epektibong distribusyon sa merkado publiko.

Ang produksyon ay may iba’t-ibang mga salik. Malalaman ninyo sa araling ito ang mga salik.