Radio Talk

ಕೃಷಿ ಸಮುದಾಯ ಬಾನುಲಿ ಕೇಂದ್ರ ಕೃವಿವಿ,ಧಾರವಾಡ (90.4 MHz) (RADIO TALK)

ದೇಶದ ಮೊಟ್ಟ ಮೊದಲ ಕೃಷಿ ಸಮುದಾಯ ಬಾನುಲಿ ಕೇಂದ್ರ ಇದಾಗಿದ್ದು ತನ್ನ ವಿಶಿಷ್ಟ ಮತ್ತು ವಿಭಿನ್ನ ಕಾರ್ಯಕ್ರಮಗಳ ಮೂಲಕ ಜಿಲ್ಲೆಯ ರೈತಸಮುದಾಯದ ಏಳಿಗೆಗೆ ಶ್ರಮಿಸುತ್ತಿದೆ. ಹವಾಮಾನಕ್ಕನುಗುಣವಾಗಿ ರೈತರ ಬೆಳೆಗೆ ಉಪಯುಕ್ತವಾದ ಮಾಹಿತಿ ತಂತ್ರಜ್ಞಾನವನ್ನು ತಲುಪಿಸುತ್ತಾ ಬಂದಿದೆ. ಅದರ ಸಹಕಾರದೊಂದಿಗೆ ಸ್ನೇಹತಂಡವು ಸಹ ನೂತನ ತಂತ್ರಜ್ಞಾನಗಳನ್ನು ಹಾಗೂ ಬೆಳೆಗೆ ಸಂಬಂಧಿಸಿದ ಮಾಹಿತಿಗಳನ್ನು ವಿಜ್ಞಾನಿಗಳ ಸಲಹೆ ಪಡೆದು ರೈತರಿಗೆ ವರ್ಗಾವಣೆ ಮಾಡುವ ಚಟುವಟಿಕೆಯಲ್ಲಿ ತೊಡಗಿಕೊಂಡಿದೆ. ಈ ನಿಟ್ಟಿನಲ್ಲಿ ಕಾರ್ಯಕ್ರಮ ನೀಡಲು, ಕೆಲಸ ಮಾಡಲು ಬಾನುಲಿ ಕೇಂದ್ರವು ಸ್ನೇಹ ತಂಡಕ್ಕೆ ಅವಕಾಶ ಕಲ್ಪಿಸಿಕೊಟ್ಟಿದೆ. ಮಾತನಾಡುವ ಕಲೆ, ಪಠ್ಯೇತರ ಸಾಂಸ್ಕೃತಿಕ ಕಾರ್ಯಕ್ರಮಗಳ ಧ್ವನಿ ಮುದ್ರಣದಲ್ಲಿ ಪ್ರೋತ್ಸಾಹ ನೀಡುತ್ತಿರುವ ಕೃಷಿ ಸಮುದಾಯ ಬಾನುಲಿ ಕೇಂದ್ರದೊಂದಿಗೆ ಸಕ್ರಿಯವಾಗಿ ಸ್ನೇಹ ತಂಡದ ಸದಸ್ಯರು ಸಂಪರ್ಕ ಹೊಂದಿದ್ದು, ತಮ್ಮ “ಕಲೆ ಹಾಗೂ ವ್ಯಕ್ತಿತ್ವವನ್ನೂ ಬೆಳೆಸಿಕೊಳ್ಳುತ್ತಿದ್ದಾರೆ.