NGĀ PAEREWA AROMATAWAI Ā-ROTO

KAWENGA:

1. Me matapaki te akomanga katoa i ētehi tauira o ngā momo tuhinga auaha e mōhio nei ngā ākonga:

   • Tuhinga paki

   • Tuhinga pohewa (fantasy / imaginary / mythical...)

   • He poroporoakī

   • He mōteatea (māu tonu i tito)

   • He rotarota (māu tonu i te tito)

   • He waiata (māu tonu i tito)

   • He whakapuaki kare-ā-roto ki tētehi kaupapa

2. Me whai whakaaro te ākonga ki ngā kupu āhua, ki ngā kupu whakarite, ki ngā momo huahuatau o te reo Māori e hiki ai i te wairua o te kaipānui ki te momo tuhinga e whakapuaki ana:

   • Me ōhia manomano ngā ākonga i te kaupapa o tā rātou momo tuhinga auaha

   • Kia kaha ki te whakarārangi i ngā kupu e whakaahua ana (describe) i te kaupapa / tangata / wāhi / waiata rānei.

3. Tūwhera mai i te whārangi aromatawai me te āta pānui i ngā tohutohu. Kua tāpirihia te whārangi aromatawai (assessment task) ki te whārangi nei.

4. Kaua e iti iho i te 500 kupu te roa o tāu tuhinga auaha.

RĀ AUKATI:

• Rāmere 28 o Hereturikōkā.

KAWENGA:

1. Ka pānui tahi te akomanga katoa i te Ngohe Aromatawai (Assessment Task), kia pūrangiaho te māramatanga ki ngā hiahia, ki ngā whainga, ki ngā paearu o te aromatawai.

2. Ka wātea ngā taiohi ki te mātakitaki i ētehi tauira o ngā kaikōrero i ngā whakataetae manu kōrero o mua (i tukuna ngā hononga ī-tua ki a rātou i tērā wiki).

3. Me whakatau TE KATOA e tātari ana, e rangahau ana i a wai (me whakamōhio ngā taiohi ki te pouako).

4. Ka wātea ngā taiohi ki te whakarongo (me whakamahi ngā taiohi i ā rātou puru taringa (ear plugs) kia kaua te akomanga e hoihoi i te reo o ngā kaikōrero.

5. I a koe e whakarongo ana ki ngā kōrero a te kaikōrero, me āta kapo koe i ngā tino kōrero ka puta i a ia, ā, me whakaputa i a koe i ō whakaaro ki aua kōrero rā kia pūrangiaho te kite i tō mārama ki te ngako o tāna kaupapa kōrero.

6. Ka whakatakotoria āu whakakitenga ki tētehi tuhinga pūrongo, me ngā tātaringa kōrero.

NGĀ ĀHUATANGA O TE KAIKŌRERO HEI TĀTARI:

• Me āta wetewete i te kaupapa e kauwhautia ana e te kaikōrero

• • He aha ētehi tino ariā matua ka whakatakotoria e te ākonga e hāngai ana ki tāna kaupapa?

  • Ka pēwhea tāna whakarārangi i āna kōrero?

  • He aha āna tauira e whakaū ana i ōna whakaaro? Whakamāramahia mai

  • He ōkawa rānei, he ōpaki rānei te wairua o tāna tū?

  • He aha ō whakaaro ki te āhua o tāna tū? He māia? He pakari? He poho kore? He whakamā? Whakamāramatia mai.

WĀHANGA #2

RAUTAKI RAUPAPA KŌRERO

Kua rārangihia ngā rautaki raupapa kōrero tauira e whā ki raro iho nei hei whakamahinga mā koutou. Tirohia ngā tauira e whā nei, ā, me whiriwhiri koe i TĒTEHI tauira hei āwhina i a koe ki te whakaraupapa i āu kōrero mō te kaupapa o te Tiriti o Waitangi.

WIKI #1:

Rāapa

• Me whakaoti i te tuhinga kohukihuki.

• Me ako i ngā korero.

Rāmere

• Ka whakaatu mai i ngā mahi kua oti i a koe i ngā wiki kua pahure mo te tuhinga e pā ana ki ngā hua o te Tiriti o Waitangi.

• Me ako i ngā korero.

HOROPAKI

Kua tonoa koe e Whakaata Māori kia haere koe hei kaikōrero ki tētehi hōtaka kōrero. Ki reira, ka uiuia ai koe e te kaiwhakataki (arā, ko tō pouako tonu) mō tētahi tino kaupapa o te wā. I tēnei ngohe ka kohikohi i ngā tini whakaaro, e rite ai koe ki te uiui e whakaputa ai koe i ō whakaaro.

Ka nanakia tō whakarite i te tāhuhu, i te anga o te kōrero, e rata ai te hunga whakarongo ki tō kaupapa. Mā te whiriwhiri i ngā kupu, mā te tohe, mā te taunaki i ngā whakaaro e tutuki ai tēnei taumahi.

Ka aromatawaihia koe i runga i te pai o ngā whakaaro ka whakapuakina mai, i runga anō hoki i te kounga o te reo ka whakamahia e koe. Ka hopukina ō kōrero ki te kiriata.

HEI MAHI

1. Mā kōrua ko tō kaiako te kaupapa o te uiui e whakatau, e whakarite:

   • He kaupapa whakahirahira, he kaupapa e pupū ake ngā tini whakaaro.

2. Me whiriwhiri i ētahi pātai hei ārahi i a koe:

• E kaha whakapono ana koe ki tāu? He aha ai?

• He aha tāu e mea ana ki te hunga e whakahē ana i ō whakaaro?

• He aha i pērā ai ō whakaaro?

3. Me āta whakarite i ngā whakaaro me ngā taipitopito kōrero hei mahere i te kōrero.

4. Ka whakarite i te kaupapa e uiuia ai. Ka whiriwhiri i te tāhuhu o te kaupapa, ka maihitia hoki ki ngā nuka reo e rata ai te hunga whakarongo, e mōhio ai hoki rātou ki tāu e whakapono ana.

NGĀ KAUPAPA:

1. Me karanga, me whaikōrero te tamaiti mēnā e ora tonu ana te mātua?

2. Ki te tāmoko tō tinana, me rangatira tonu tō kawe i a koe anō?

3. Ki te kāhore he whakakitenga, ka ngaro te iwi

4. Kei te whai hua te whakanui i te wiki o te reo Māori?

5. Me pewhea e piki ai te ōrautanga o te iwi Maori ki te 80% ki te kōrero Māori?

6. He aha te mea nui o te ao, māku e kī atu, he _____________ , he _____________ he ____________

7. He aha te mea nui rawa; ko te reo kia ora, ko te reo kia kounga?

8. Me whakaata te tangihanga mā te ipurangi?

9. E whai hua tonu ana te Tiriti o Waitangi i ēnei rā? Ki a au nei _____________

TE WHAKANGAU KARAREHE

TE WHAKANGAU KARAREHE

Mātakitaki i te kōrero e pā ana ki te whakangau kararehe, ā, ka whakautu i ngā pātai e whai ake nei:

1. He aha te kaupapa e kōrerotia ana?

2. He aha ngā ture, ngā tikanga whakatūpato i whakapuakina e te tama rā? Kia kaha ki te whakawhānui i ō whakaaro ki tēnei wāhanga.

3. He aha ngā painga o te mahi whakangau kararehe? He aha hoki ō whakaaro ki te mahi nei, arā, mō te kaupapa e kōrerotia ana?

4. Rārangihia mai ētehi momo nuka o te reo ka puta i a ia. Ko ngā momo kupu, kīanga ēnei hei whakaniko i te kupu kōrero, pēnei i ngā kīwaha, i ngā momo kīanga whakarākei kōrero.

5. He aha te whakataukī i puta i a ia hei whakakapi i tāna kōrero?

TE KURA KAUPAPA MĀORI

Te Kura Kaupapa Māori

Mātakina te kōrero e pā ana ki te kura kaupapa Māori

1. He aha i whakatau ai ngā mātua o te ākonga nei kia kuraina ia ki te kura kaupapa Māori?

2. He aha i whakahē ai te kuia o te ākonga tāna haere ki te kura auraki?

3. He aha ētehi o ngā akoranga a te ākonga i tōna kura o mua?

4. Rārangihia mai kia 3 ngā pūkenga kōrero i whakatinanahia e te ākonga i tāna whakapuakitanga i tāna kōrero:

   • 
     

5. He aha ngā hua ki te ākonga i tāna kuraina ki te kura kaupapa Māori?

   • 
     

6. Ki ō whakaaro, he aha ngā painga kia kuraina te ākonga ki te kura kaupapa Māori? Kia kaha koe ki te āta whakawhānui i āu kōrero, ki te āta taunaki i āu whakataunga e pūrangiaho ana te kite i te hōhonutanga o ō whakaaro. Ka mutu, me whakakapi i āu kōrero ki tētehi whakataukī, ki tētehi whakatauākī.