Embedded Files
te wetewete kaupapa
te wetewete kaupapa
Te ārai i te mate urutā
Te ārai i te mate urutā
He pūrongo tēnei e titiro ana ki ngā hua o te whāngai i te rongoā ārai i te mate urutā, otirā i ngā rongoā ārai māuiui.
Ka uia ngā tākuta tokotoru e pā ana ki te kaupapa nei.
Whakarongo (ā-purutaringa nei - he reo Ingarihi katoa ngā whakaeminga kōrero) ki te pūrongo, ā, ka tahuri ai koutou ki te tuhi i ngā tino kōrero ka hua mai.
(0:00 - 12:55)
91785 - Te tito i te whakaari
91785 - Te tito i te whakaari
ARONGA - Ka tirohia ētehi tauira whakaari hei pānuitanga mā ngā ākonga. Me aro ngā taiohi ki te takoto o te reo me ngā tikanga reo ki ngā tauira.
KAWENGA
Tohaina ngā tauira whakaari ki ngā ākonga tokowhā.
Whakamārama ki a rātou, ka pānui ā-waha rātou i te tuhinga whakaari. Me mau hoki rātou ki te wairua o te whakaari i a rātou e pānui ā-waha ana.
Ka tirohia ngā wāhanga o te tuhinga whakaari:
Te tapanga
Te rārangi kiripuaki
Te kāpeka tīmatanga
Te kāpeka mō te tipu o te mahi
Te kāpeka mō te whakataunga
Me whai wā ki te wānanga, ki te whakawhiti kōrero mō ia wāhanga o te whakaari.
Me ōhia manomano ngā ākonga i tā rātou kaupapa whakaari. KIA MAUMAHARA RĀTOU - he tautohe te kaupapa o te whakaari i waenganui i ētehi tokorua, nō reira mēnā ka rahi ake ngā kiripuaki i te whakaari i ngā tāngata tokorua, me pūrangiaho mai te kite ko wai rā te kiripuaki matua, ko wai hoki rā te kiripuaki tautoko.
RĀ AUKATI:
RĀ AUKATI:
Rāmere 14 o Hereturikōkā
WĀHANGA #2
WĀHANGA #2
91782 - Te tito i tētehi pakiwaitara poto
91782 - Te tito i tētehi pakiwaitara poto
ARONGA
Me tito pakiwaitara poto te ākonga mō ngā tamariki nohonohi.
Ka waihangatia tētehi pukapuka hiko, tētehi pukapuka tuhi .
Me mātua hāngai ngā kōrero ki te kaupapa matua o te kōrero.
KAWENGA
Me whakatau te ākonga ko wai te hunga mā rātou te tuhinga nei (audience). I reira, ka mōhio ki te taumata, ki te āhua o ngā kōrero o te tuhinga.
Ka pānuitia ētehi tuhinga tauira kia kite ai i te kounga o te reo, i te rere o te kaupapa i roto i ngā kōrero.
Me whakatau te ākonga i tāna kaupapa hei tuhituhi māna, ā, ka ōhia manomano i te kaupapa rā:
Te tāhū o te kaupapa
Ngā kiripuaki i te tuhinga
Ka pēwhea te piki haere ki te teiteitanga o te tuhinga?
He aha hoki te whakataunga i te mutunga? He aha ngā akoranga mā te kaipānui?
Me whai whakaaro te kaituhi ka pēwhea tāna whakaniko i ngā kōrero e hiki ai i ōna whakaaro kia aro nui mai te kaipānui.
Ka tīmata te ākonga ki te tuhi i tāna tuhinga kōhukihuki (draft / 1st copy). E kore te aromatawai nei e oti i te tuhinga kotahi, e rua rānei. Me maumahara te ākonga, he wā tōna me tahuri ia ki te whakatika i ngā wāhi e hapa ana te takoto o te reo.
Me whai wā te ākonga ki te whakaatu i āna kōrero ki te kaiako kia mōhio ai ia kei te ū te ākonga ki te kaupapa, ā, e pai haere ana ngā mahi.
91786
91786
Te Wetewete Kaupapa
Te Wetewete Kaupapa
ARONGA:
Ka whakaaturia te mōhiotanga o te ākonga ki te wetewete i tētehi kaupapa kua rangahaua.
HOROPAKI:
Te Tiriti o Waitangi
HEI MAHI:
Me whakaputa i ō whakaaro ki te kaupapa nei, arā, "E whai hua ana te Tiriti o Waitangi i ēnei rā?"
Me whakatau mēnā e whakaae ana, e whakahē ana rānei i te kaupapa.
Homai kia 3, kia 4 ngā ariā matua e āta taunaki ana i tō whakatau.
Kia kaha ki te āta whakamārama i ō whakaaro, me KAUA e whāiti.
Whakaniko i āu kōrero ki ngā momo nuka o te reo.
Me rite te roa o te tuhinga ki te 4 mēneti te roa o te reo kōrero.
Ki te hiahia koe ki te whakamahi i ētehi rauemi hei āwhina i a koe ki te whakatakoto i ngā kōrero, me kōrero tahi kōrua ko Matua Whatu kia mōhio ai koe ki ngā whiriwhiringa hei whakamahinga māu.
Kia kaha ki te āta whakaraupapa i āu kōrero:
He whakataki i te kaupapa
Ariā matua #1
Ariā matua #2
Ariā matua #3
Whakakapinga
RĀ HOMAI:
- Rāmere 3 o Paengawhāwhā.
RAUTAKI RAUPAPA KŌRERO
RAUTAKI RAUPAPA KŌRERO
WIKI #1
WIKI #1
Rāapa
Me whakaoti i te tuhinga kohukihuki.
Me ako i ngā korero.
Rāmere
Ka whakaatu mai i ngā mahi kua oti i a koe i ngā wiki kua pahure mo te tuhinga e pā ana ki ngā hua o te Tiriti o Waitangi.
Me ako i ngā korero.
WIKI #2
WIKI #2
WETEWETE KAUPAPA:
WETEWETE KAUPAPA:
Me tutuki i te tuhinga e pā ana ki te kaupapa e wetewetea ana i tēnei wā, arā, "E whai hua ana te Tiriti o Waitangi i ēnei rā"
Whakatikaina ngā hapa o te reo, kaua e pōhēhē ka oti te mahi i te tuhinga kotahi anake - e kore rawa. Kia maumahara, me tika, me māori tonu te wairua o te reo.
Mehemea kua tutuki te wāhi ki te tuhi, me ako i ngā kōrero.
TE TITO I TĒTEHI PAKIWAITARA:
TE TITO I TĒTEHI PAKIWAITARA:
TE HOROPAKI
Māu tētehi pakiwaitara poto e tuhi e pā ana ki tētehi kōrero o nehe mā te hunga nohinohi. Ka māheretia āu kōrero kia pai te takoto o te tāhuhu o te pakiwaitara (tirohia ngā tauira whakamāhere kaupapa tuhituhi). Me mātua hāngai ngā tohu, ngā kōrero, ki ngā kaupapa matua o te kōrero.
HEI MAHI
Pānuitia ētehi tauira pakiwaitara o nehe e kitea ai te anga, te tāhuhu o te kōrero (i a koe e pānui ana, me kapo i ngā ariā matua e rere ana i roto i te paki).
Ōhia manomano i tētehi pakiwaitara o nehe. Māna, titoa mai he mea hou. Kaua e wareware ki ēnei wāhanga matua o te pakiwaitara:
Kaupapa matua o te pakiwaitara
Kiripuaki
Wāhi
Ka tuhia ki te reo o te waha tuatahi / waha tuarua / waha tuatoru rānei.
Reo ōpaki, reo ōkawa rānei.
Ka pānui i ētehi pakiwaitara e pā ana ki ngā kōrero o nehe, hei tauira, ko ngā kōrero mō Māui, mō Tāwhaki kia kitea ai te tuakiri o te tuatangata.
Ka whiriwhiri i te momo pakiwaitara hei āta māherehere i te tāhu, ā, ka ata matapaki, ka wānanga i,
te ngako o te kōrero.
tētehi akoranga kei roto i te kōrero.
TE ROA:
TE ROA:
E 3 wiki te roa o tēnei mahi
Me homai ngā mahi katoa a te RĀMERE 15 O HARATUA
PAEARU AROMATAWAI
PAEARU AROMATAWAI
HE TAUIRA
HE TAUIRA
A Māui te tipua
A Māui te tipua
Mātakitaki i te pakiwaitara rongonui mo Māui te tipua. Whakarongo, ā, me whai hoki i te takoto o ngā kōrero me tōna wairua rerehua. Ka noho mai tēnei hei tauira, hei āwhina anō hoki i a koutou ki te āta whakatakoto i te tāhu o tāu pakiwaitara.
NGĀ WHĀRANGI WHAKAMĀHERE
NGĀ WHĀRANGI WHAKAMĀHERE
Page updated
Report abuse