ډپروسیون

ډیپرېشن یا ډپروسیون

ډپروسیون د ذهن یو ځانګړی حالت دی چې د خپګان او بدبینۍ په بڼه څرګندیږي. دا روحي زمولونه ډیری د ګډود حالت او د اند کولو د مخنیوي لامل هم کیدی شي. ډپروسیون روحي رنځ بیلابیل لاملونه لري لکه د لانجو، کړکیچ، په کار کې ناکامي، ذهني فشار، د فزیکي کړنو نشتوالی، د هورمونونو رسولو کې توپیراو داسې نور. ددې رنځ ناروغ وړو تېروتنو باندې بیځایه زړه خوړي. له ځانه ناخوښه او په ځان کې وړتوب نشي لیدلای.موخې ته نه رسیدل، ماته، محرومیت او د ملتونو ترمنځ شخړې او یرغلونه او په ټولنې کې نیمګړتیاوې په روحي زمولتیا باندې زورنه راوړي چې دا ذهني خپګان په ډپروسیون اوړي.

ډپرسیون درې پړاوه لري چې ساده، سخت او بحراني پړاو دی. په بحراني پړاو کې ناروغ ته پیرزوینه او ګواښ یو ډول ښکاري. ناهیلي، لټي، بډګڼي، سوړ زړه، بې باوري ، څه ته زړه نه تړنه ددې پړاو ځانګړتیاوې دي.

د دې رنځ پیژندنه : هغه کسان چې په ډپروسیون اخته وي له پامه غورځیدلي وي. هوسا مزاج ته یې راستنول ستونزمند کار دی. کاري وړتوب یې لږ شي او کوچنۍ ستونزي په ناروغ خورا ډیر دروند بار وګرځي.هغه نور خپل ظاهري حالت ته پاملرنه نه کوي. د هاضمې ګډودتیا ، او بې زیانه څرګندونې یې ډیریږي. د ناروغ بې دلیله او ناپوه غبرګون نور خلک او د کورنۍ چاپیریال اندیښمن کوي.

د دې رنځ درملنه : په ډپروسیون اخته ناروغان بایده ده چې لومړی ښه فزیکي رغونه ولري او هغه دا چې په یون(سفر) لار شي. ښکلو ځایونو او څیزونو ننداره وکړي. نوي خلک وپیژني . کله چې ځان او روح

آرام وي نو ډپروسیون په زغرده ورسره ورک شي.که داسې ونشول نو ډیری خلک بایده ده چې خپل د کار ځای او دنده بدله کړي او د کار خاوند سره وغژیژي. ډیری د خپلې میرمنې سره د زړه خواله کول ګټور دي. د ځوان او زاړو د پاره ورزښتي بنستیزې کړنې لکه جمناسټیک، لامبو وهل، پلي ګرځیدنه، مساژ یا چاپي کونه خورا ښه ګټور کار دی.که ډیپرېشن یا ډپروسیون جدي بڼه غوره کړي نو باید د ډاکټر سره مشوره وشي.

ژباره عبدالله ځاځی ۱۱/ ۱۲/ ۲۰۲۰

ډیپرېشن یا ډپروسیون