وزیرستان –د افغانستان مقدسه اوپاکه خاوره دکفری پوځ داشغال لاندی!

دیو وزیر افغان ددرد چیغه!

گرانو عزیزانو سلام

داچی کلونه کیږی چی دنړی هرجبر پرمونږتپل شوی ده، او دهر اشغالګر پوځ په مقابل کی مونږ وینه او قربانی ورکړی اوهرپلا فتوی او دمرګ حکم له انګریزیا امریکایی یایی هم له کاسه لیسو جاسوسانو سره یی او هره ورځ مو په رنګارنګ نومونو نوموی کله راته دهشتګرد، کله راته شدت پسند، کله راته تروریست، کله راته انتحاری ،کله طالب، کله القاعده اوکله .... نومونه راکوی او دسپیناوی لپاره هم راسره نه ملل متحد شته او نه حقوق بشر . ددوی پوزه چی وینی شی ټوله نړی پری خبره وی خو چی زما له عزت سره لوبی کیږی، زما پګړی زما شمله اوڅادر له خاورو سره خاوری شی ، زما غرور اوعزت سره رنګارنګ لوبی وشی،په خپل کورکی په لراوبر کی مهاجر راته ویل کیږی اوپه خپل کور کی راباندی بمبونه اوریږی، راباندی راکتونه او پوځ پیاده نظام قتل عام جاری کړی وی نو څوک یی خبر هم نه خپراوی یوازی یوڅو یهودی اوامریکایی انګریزی الاصله رسنی ووایی چی څو کسه تروریستان له منځه لاړل اوبی له قاضی اومحکمی اوثبوت زما دوژلو لپاره قانونونه پاس شی!

پرون ورځ اسامه په اسلام اباد کی پیداشو ، حمله پرکراچی وشوه اشغال زما کورشو، بیځایه زما قام شو، بی عزته او بی کوره زما تبر شو، په 50 درجی ګرمی کی زما ماشوم اوزما خوراومور په کتارونو کی تلاشی ته ولاړ وی او دکابل اواسلام اباد منحوسو ادارو لخوا تلاشی کیږم، راکت دوی راباندی اوروی وژنی می دوی، تاپی له دوی سره، میدیا اورسنی له دوی سره، پوځ اواستخبارات له دوی سره ،سیاست اوقدرت له دوی سره خو وژل کیږم زه!

زما پرسینه هرورځ رنګارنګ اغزن سیم غزیږی اوددیورند کرغیړنی کرښی درسمیت اوپښتون دویشلو کوشش هره ورځ دشمال اوسویل،ختیځ اولویدیځ ښه پښتون اوبد پښتون، متمدن پښټون او شاری پښتون، حزبی اوطالب، لرپښتون اوبرپښتون اوپه اخر راته توهین اوښکنځل هم وکړی او راته وایی چی پاکستانی پښتانه!

نن مو 700 زره خلک په وزیرو کی بیځایه شول او دتروریزم دمبهمی اوپښتون وژنی دعام پلان له مخی چی په دیرشو کالو او ان دانګریز له جګړی راپدی خوا جریان لری هره ورځ می مشران اوکشران وژل کیږی، پیغلی اوعزت می خیمو ته مجبوره کیږی، ماشومانو باندی می خیراتی پروژی تطبیقیږی اوله خپل کور کلی راته کنواله جوړیږی!

نن زما ماشوم ددرمل اویو بوجی وریجواویو پیپ غوړو او دڅخاک اوبو څچکلو لپاره په قطارونو ولاړ وی او څو سپی چی ځان دامنیت مشاورین بولی راباندی امریکایی انګریزی پروژی تطبیقوی اوراز راز تاپی لګوی او دښه وژلو فتوی اومشوره ورکوی!

نن زماپه کور ویرده، زما ښوونځی اومدرسه ویجاړه ده، زما سرک او پل راته په مین الوځی اوبیایی پړه په طالب واچوی ، زما پرطبیعی زیرمو تالان اوچور ګد دی ، نن زما پر سر رنګارنګ درامی چالانی دی کله یوه جاسوسی اداره کله بله جاسوسی اداری باندی خرصیږم !

هوزه پښتون یم ! یعنی ـ پت ، ښاغلی، توریالی، ویاړلی، ننګیالی ! زه پښتون یم خو اوس داتعریف داسی کیږی ترهګر،شدت پسند، تروریست، طالب، حزب اسلامی، حقانی، تحریک ، القاعدی سره وابسته، ګوداګی ،مرتد، کافر، ... داټولی ټاپی دڅو په ګوته شمارو مشاورینو اودهغوی امریکایی انګریزی بادارانو اوڅو سیاسی دینی رهبرانو سره دی چی هره ورځ ماپری وژنی، زماځوان ورور پری له تعلیمه وباسی او له مدرسی یی جنګ ته ښکیلوی. هو زه هغه پښتون یم چی اوس جنګ راباندی تپل کیږی اومجبوروی می چی له ځانه دفاع وکړم.

اوس می په مسجد، محراب، منبر،دستار او شملی اوربل دی، اوس می منګی ،سیتاراوګودر ویجاړ دی ، اوس می په کور اوکلی تورمخی پنجابی او دهغه بادار سورمخی انګریز ګرزی اوزما دعزت بکس راته لتوی، اوس می په امریکایی فتوی سره په کور اوواده بمونه اودرون حملی کیږی. هو اوس می له اسلام او دین سره مسخری روانی دی اوهره ورځ زما وژل یوازی یو خبر ده اوبس!

هو نن می دهر شخصیت وژل او ورته دسیسی جوړول عام کاردی اوهره ورځ پری ترور اووحشت اوچوروتالان ګد دی. هو اوس زما عزت لیلام شوی او زما پرارزښتو تالان شروع دی.

داځکه چی!

چې لوټلى زه د هر دور قارون يم

بدنام کړى چې د هر جبر قانون يم

چې حالاتو په دار کړى نن پرون يم

زما لويه ګناه دا ده چې پښتون يم

ګرانو لوستونکو !

نن می ستاسو اواز کم ازکم دیو ساعت لپاره پکاردی، نن می ستاسو لیکنه حداقل دیو ځل لپاره پکارده، نن می ستاسو لاریون اوسوله ایزه مظاهره دوزیرو اوهلمند اوټولو پښتنو دقتل عام لپاره پکارده، نن مو ستاسو اواز پکار دی! له خپلی ازادی نه زمونږ لپاره کار واخلی او اواز راته اوچت کړی! ځکه زه ستا وزیرستان یم اوستا دعزت شمله یم ! زما ننګ نن په خیمو او مجبوریتو کی ژوند کوی زما 700 زره خلک د100 کسو استخباراتی پنجابیانو لپاره دانګریز اوامریکا په مرسته له کوره بیځایه شوی دی، نن زما پراولاد اوماشوم خیرات خوړلو پروژی جوړی دی، نن زما ماشومان داوبو څښاک او په تن جامه نلری اونن زما ځوان ورور دناپاک حرمونی پوځ لخوا بی له قاضی اومحکمی دکابل اواسلام اباد په خوښه په مرمی ویشتل کیږی ، هو نن زما سپین ږیری پلار اوسپین سری مور د بل چا دپولیس لخوا پلتل اورتل کیږی، هو نن زما دخور څادر دپنجابی حرامی لخوا له سره بیځایه کیږی، نن زما پرکوربمب اوریږی نن زما پرکلی راکت اوریږی هو نن زما پردین اوحیا دطالب اوپوځ درامی چالانی دی . هو زه ستاسو وزیریم ستاسو دعزت شمله! ستاسو دغیرت کور نن زه ستاسو اواز ته ضرورت لرم .

دلراوبرافغانستان دوینو دسیلاب دختمیدو او زما پس له مرګه زما پرقبر د نښی ایښودو په تمه!

وزیر افغان

لراوبر یو افغان