Poems (കവിതകള്‍ )

നാട്ടിലേക്കിന്നു നീ പോകേണ്ട മാവേലി–

യരുതാത്ത കാഴ്ച്ചകള്‍ കണ്ടുകൂടാ!

കാളകുടത്തി൯ വിഷം ചീറ്റി നില്ക്കുന്ന–

കാളിയന്മാരും വിലസിടുന്നൂ•••

ഓടിക്കളിക്കുന്ന പൈതങ്ങളില്ലവ–

രോടിപ്പതുണ്ടു മൗസിന്‍റെയാ ക്ളിക്കിനാല്‍•

പള്ളിക്കുടത്തിലെ ‘ടീച്ചറും’ ചൊല്ലുന്നി–

തുത്തരത്തിന്നുനീ – കേറണം ‘നെറ്റി’ലും•

മുറ്റങ്ങളില്ലാത്ത വീടാണു നാട്ടിലി–

ന്നായതു കൊണ്ടില്ല‚ പൂക്കളങ്ങള്‍•

വാഴകളില്ലാത്ത നാടാണു കൊണ്ടിന്നു–

മൃഷ്ടാ ന്നഭോജനം ‘കടലാസി’ലും•

തോട്ടിന്‍റെ വക്കിലെ കദളിത൯ പൂക്കളും‚

മുറ്റത്തു പുക്കുന്ന മുക്കുറ്റിയും–

കാണാത്തൊരിന്നി൯റെ മക്കളും തീ൪ക്കന്നു;

‘വെബ്ബിലെപ്പേജി’ ലാ ‘പൂക്കളങ്ങള്‍’•

പൂക്കളം കാണുവാനിന്നിന്‍റെ മാവേലി–

‘സൈബ൪ക്കഫേ’ യില്‍ നുഴഞ്ഞുകേറി;

ഫോട്ടോ പതിച്ചതാമൈഡന്‍റിയില്ലാത്ത–

മവേലിമന്നനും – കേണിടുന്നൂ•••

x x x

മാന നഷ്ടം

ഇന്നുഞാന്‍ ഞെട്ടിയാ ചാനലിന്‍ വാര്‍ത്തകേ-

ട്ടൊട്ടുനേരം ബുദ്ധികെട്ടങ്ങിരുന്നുപോയ്‌.

ഞെട്ടിയില്ലാ; വാര്‍ത്ത കേട്ടപ്പൊ'ഴൊന്നുര-

ണ്ടല്ല, നാലഞ്ചു ഡസന്‍ 'വെട്ടു-കുത്തേറ്റു-

ചത്തുമലച്ച'താം ചന്ദ്രന്റെ വാര്‍ത്തകേ-

ട്ടപ്പൊഴും; കേട്ടു കല്ലായതാണെന്മനം.

ഞെട്ടിയി 'ല്ലെമ്മെന്റെ' ചങ്കുപൊട്ടിച്ചതാ-

യീടു 'മുന്മൂലന' ബോംബിന്റെ പൊട്ടലും-

കേട്ടറിഞ്ഞപ്പൊഴും; കണ്ടറിഞ്ഞപ്പൊഴും;

'കേള്‍വിയുള്‍ക്കഴ്ച'ക്കു വഴിമാറുകല്ലയോ!

ആര്‍ക്കിന്നിതെന്താണു 'നഷ്ട'മായ്‌പ്പോയതെ-

ന്നോര്‍ത്തൊന്നു ഞെട്ടിഞാന്‍ 'നഷ്ടമായ്‌ മാനമീ-

നേതാവി' നായവന്‍ തന്റെ പേര്‍ കേണിടും-

നേരത്തു ചന്ദ്രന്റെ ഭാര്യയും ചൊല്ലിപോല്‍!

തന്റെ ഭര്‍ത്താവൊരു 'ചുടുമാംസ പിണ്ഡ'മായ്‌

കൂടിക്കിടക്കുന്ന കണ്ടിട്ടു കേഴുവാന്‍-

പോലുമീ നാട്ടിലെ നാരിക്കു സ്വാതന്ത്ര്യ-

മില്ലന്നു കേട്ടൊന്നു ഞെട്ടിത്തെറിച്ചു ഞാന്‍!

(May-2012)

മൌനം ഗര്‍ജ്ജിക്കുന്നു

ഒന്ന്.

ജ്ഞാനിയാം താപസരുള്ളിലെ കണ്ണാലെ

കണ്ടതാം സത്യങ്ങള്‍ വേദമന്ത്രം.

ആയുള്ള ജ്ഞാനികള്‍: താപസര്‍ തന്റെ നാ-

മത്തിന്റെ പര്യായശബ്ദം 'കവി' !

പിന്നെ നല്‍ക്കഥകളെ ചൊല്ലിത്തരുന്നതാം

എന്‍റെ നാടിനെക്കാത്തിടുന്നൊരാ-

വീര യോദ്ധരില്‍ രണ്ടുപേര്‍-

ക്കന്നൊരിക്കലൊരു കൈപ്പിഴയതും--

സംഭവിച്ചുപോയെങ്കിലും,

'കോര്‍ട്ടുമാര്‍ഷലാ'ണായവര്‍ക്കതിന്‍-

ശിക്ഷ നല്‍കിയതെങ്കിലും,

നിന്‍റെ കൂട്ടുകാര്‍ക്കോട്ടുവാങ്ങുവാന്‍

നീപറന്നു തെണ്ടീടവേ

ജമ്മുവില്‍ചെന്നു ചൊല്ലിനീ ജവാ-

ന്മാര്‍ക്കു ശിക്ഷ വിധിച്ചു നീ!

നീയതായിടുന്നായതാം ജവാ-

ന്മാര്‍ക്കു ശിക്ഷ വിധിച്ചതെ-

ന്നാവുകില്‍ പിന്നെയെന്‍റെ കോടതി-

ക്കെന്തതാണു പ്രസക്തിയും???

എന്‍റെ ജഡ്ജിമാര്‍ നിന്‍റെ വാക്കുകള്‍-

കേട്ടുശിക്ഷ വിധിച്ചതെ-

ന്നാണുനിന്‍റെയും വാദമെങ്കില്‍ നീ-

ചൊന്നതും 'കോര്‍ട്ടലക്ഷ്യ'വും!!!

പേര്‍ത്തു-പേര്‍ത്തുനിന്നിഷ്ടഭാഷണം

കാട്ടിടും നിന്‍റെ മീഡിയ-

കാട്ടിയില്ല നീ ഭോഷവക്കുകള്‍-

ചൊന്ന ഭാഷണം പേര്‍ത്തുമേ...

എന്നിരിക്കിലും പേര്‍ത്തു-പേര്‍ത്തുനിന്‍-

വാക്കുകള്‍ മുഴങ്ങുന്നു കാതിലും;

ഓര്‍ത്തതില്ലഞാനിത്രയേറെയാ-

യീടുമായഹങ്കാരിയെന്നുനീ!

ഇട്ടുനാറിയ കോട്ടുവിറ്റു നീ-

കൂട്ടിടുന്നൊരീ നീചമാം പണം

എന്‍റെ നെഞ്ചതിന്നുള്ളിലെ മുറി-

പ്പാടുനീറ്റുവാനെന്നതോര്‍ക്കുക.

വില്ലില്‍നിന്നുതിര്‍ന്നീടുമമ്പുപോ-

ലാണുചൊല്ലിടും വാക്കുകള്‍;

ഒന്നുചോന്നതിന്‍ ശേഷമായതാം

വാക്കിനില്ല മടക്കവും.

നാഥനാണുനീ നാടിനെന്നതും-

ചിന്തയെ വെടിഞ്ഞന്നുനീ-

ചൊല്ലി ദില്ലിയില്‍ ദില്ലിതന്‍-

മുഖ്യനായിരുന്നതാം വീരനെ;

രാജിവച്ചൊളിച്ചോടിടുന്നതാം

ഭീരുവാണവനെന്നതും:

നക്സലാണവനെന്നുചൊല്ലി-

വിധിച്ചു നീ വനവാസവും:

രാമനീരേഴാണ്ടുകാട്ടില്‍-

വാസമെന്നു വിധിച്ചതും-

ദൈവനിശ്ചയമാണുരാക്ഷസ-

രാജനിഗ്രഹ ലക്ഷ്യവും.

പാണ്ഡവന്മാര്‍ രണ്ടുവട്ടം-

കാട്ടിലായി പാര്‍ത്തതും-

കാട്ടിനുള്ളിലെ രാക്ഷസംവധം,

താപസര്‍ക്കതും രക്ഷയും;

ഇന്നുരാക്ഷസര്‍ കാട്ടിലില്ലവര്‍-

നാട്ടിലാണൊടോ വാസവും;

നക്സലല്ലവന്‍, നാട്ടിലുള്ളതാം-

രാക്ഷസംവധം ലക്ഷ്യവും.

ദൈവനിശ്ചയം മാറ്റുവാന്‍-

നിനക്കാവതില്ലതെന്‍ സോദരാ...

ഓര്‍ത്തതില്ലഞാനിത്രയേറെയാ-

യീടുമായഹങ്കാരിയെന്നുനീ:

ഇട്ടുനാറിയ കോട്ടുവിറ്റു നീ-

കൂട്ടിടുന്നൊരീ നീചമാം പണം

എന്‍റെ നെഞ്ചതിന്നുള്ളിലെ മുറി-

പ്പാടുനീറ്റുവാനെന്നതോര്‍ക്കുക.

(തുടരും)