मंगलारती

मंगल आरती जय जय सद्ग़ुरु स्वामी गगनगिरी

नाथ अवतारी बैसले स्वामी गडावरी||ध्रु.||

लेऊनी भस्म घेऊनी चिमटा संकट निवारिती

जो जो येईल शरण तयाला दाखविती प्रचिती||१||

जलाशयी रमती जलातुनी तिनेत्र जागविती

निसर्ग प्रेमी स्वामी फुलविती चराचरी प्रिती||२||

शांतमूर्ति स्थितप्रज्ञ श्रीस्वामी गगनगिरी

करिती अनाथा सनाथ दीनानाथ सदा श्रीहरी||३||

भावभक्तिच्या नवसुमनांच्या माळा घेऊन हाती

पंचप्राण पंचज्योति ओवाळू आरती ||४||