HIZKUNTZAK:
1. Ahozko komunikazioa: entzutea, hitz egitea eta elkarrizketan aritzea.
- Ahozko testuak ulertzea: deskribapenak, ikastalde osoaren aurrean eman beharreko azalpen laburrak, ikasten ari denari buruzko elkarrizketak eta lana antolatzeari buruzko azalpenak. Ahozko testuen edukiaren alderdi nagusiak bereganatzea eta horiek ahoz adieraztea.
- Komunikazio-egoeretan parte hartzea eta lankidetzan aritzea.
- Eskainitako komunikazio-egoeren oinarrizko ezaugarriak ikustea.
- Ahozko testuak sortzea: ikastalde osoaren aurreko azalpen laburrak, deskribapenak, ikasten ari denari buruzko elkarrizketak eta lana antolatzeari buruzko azalpenak.
- Berdinen arteko elkarrizketa erabiltzea denen artean ikasteko.
- Argi eta behar bezain ozen hitz egiteko interesa izatea.
- Laguntzazko eta errespetuzko jarrera edukitzea.
- Eskolako esparru guztietan euskara erabiltzeko interesa izatea.
2. Komunikazioa idatzia: irakurtzea eta idaztea.
- Testu didaktikoen eta egunerokoen informazioa ulertzea: liburuxkak, ikasliburuak, deskribapenak, jarraibideak eta azalpenak.
- Irakurritakoa ulertzeko estrategiak erabiltzen hastea: ikasleak aurrez dakiena erabiltzea, antizipazioak egitea, testuarekin batera doazen irudiak interpretatzea, hipotesiak egitea eta edukia laburtzea eta asimilatzea.
- Ulermen-arazoa antzematea: ulertzen ez diren hitzak.
- Ikasgelako liburutegia erabiltzea gidaritzapean, eta Informazio eta Komunikazio Teknologiak erabiltzen hastea, informazioa lortzeko.
- Testuak sortzeko estrategiak eskuratzen hastea, lagunduta eta talde-lanean.
- Testuak berridaztea ereduetatik abiatuz.
- Osagai grafiko eta paratestual sinpleak erabiltzea.
- Berdinen arteko elkarrizketa erabiltzea denen artean ikasteko.
- Testua prozesatzeko programa informatikoak erabiltzen hastea, lagunduta.
- Komunikazio-egoeraren ezaugarriak: norentzat eta zertarako den.
- Landutako testu moten egitura.
- Testuaren antolaketa: aurkezpena eta espazioaren banaketa.
- Idazketarekiko interesa izatea, harremanetarako eta ikasteko tresna den aldetik.
3. Hizkuntzari buruzko hausnarketa
- Testuak eraldatzea —zabaltzea, ordezkatzea, tokiz aldatzea, ezabatzea, etab.— osorik edo zati batean.
- Letra larria eta xehea.
- Oinarrizko ortografia-arauak.
4. Hizkuntzaren dimentsio soziala
- Ikaslearen hizkuntza-errepertorioa ezagutzea.
- Euskarak gizartean duen erabilera ikustea eta aitortzea.
INGURUNEAREN EZAGUERA:
1. Osasuna eta garapen pertsonala
- Osasunari onura eta kalte egiten dioten ohitura eta jarduerak identifikatzea.
- Giza gorputzaren parteak identifikatzea. Norberaren gorputza eta besteenak onartzea, haien aukera eta mugekin.
- Egunero beharrezkoak diren elikagaiak identifikatzea eta deskribatzea.
- Norberaren emozioak eta sentimenduak identifikatzea. Afektibitatea eta autoestimua.
2. Pertsonak, kulturak eta gizarte-antolakuntza
- Taldean, pertsonen eskubide eta betebeharrekiko sentikortasuna eta errespetua adieraztea. Taldean, komunikazio-trukerako oinarrizko arauak erabiltzea eta lortutako akordio demokratikoak errespetatzea.
- Gure inguruan dauden eta dibertsitate- eta aberastasun-erakusgarri diren kulturen adierazpenetara hurbiltzea eta haiek aintzat hartzea.
3. Aldaketak denboran zehar
- Inguruko tradizio-, ohitura- eta kultura-adierazpenekiko errespetua izatea.
ARTE HEZKUNTZA
1. Erreferente plastikoen eta ikusizko erreferenteen ulermena, pertzepzioa eta interpretazioa:
- Arte-ekoizpenen errespetua, denontzako adierazpen garrantzitsuak baitira.
- Hainbat garai eta kulturatako irudiak eta arte-objektuak aztertzea, eta irudi eta objektu horiek sortu ziren testuinguruen ezaugarriei buruz eztabaidatzea eta ikertzea.
2. Arte plastikoen eta ikusizko arteen ekoizpena, adierazpena eta sorkuntza:
- Marrazkiak, pinturak, collageak, liburukiak... egitea, ideiak eta sentimenduak adierazteko edo narrazioen euskarri izateko.
- Objektuen manipulazioa eta transformazioa, beste testuinguru batzuetan objektu horiek dituzten beste zenbait erabilera eta adierazpen-aukerak aztertzeko. Birziklapen-irizpideak ere kontuan izatea.
- Materialak manipulatuz eta aztertuz gozatzea.
- Artearen ekoizpen-prozesuaren antolaketa mailakatua, prozesua egiteko beharrezko baliabideen aurreikuspena, eta materialen eta tresnen aukeren azterketa.
- Artelanak egiteko norberaren aukeretan konfiantza, eta norberaren eta besteen ekoizpenei balioa ematea.
- Iraunkortasuna eta arreta lan-prozesuan.