Embedded Files
О Исусоскиро джиибэн (шун!)
1. https://copy.com/ych3Jv6Eep7t
2. https://copy.com/PBEPHhUCfwA2
O гиля О сайты Э лавитко (тэлэдыр) 25.2.10
Рисиём, Дэвла...https://copy.com/81DJIE1knOxL
Чиныбнаскрэ гэнэ...https://copy.com/doVNo76PD7Hk
Солнышко / Не будите! Gypsy & Arvo Survo. Ingria
О нэвиня дэвлаканэ э Лавэстэр е Курканэ-Джëстэр,
о лава ко гиля, о стихи тэ авир
(нэвин - новость)
Нэвякирдо 14.12.2011
О Исусоскиро джиибэн
(чиндлы ваш тыкнэмасэнгэ, пробно тексто)
О Исусоскиро бияндыпэн
Исус-Христососкиро, Дэвлэскирэ Чавэскиро, бияндыпэн сыс адякэ. - Дро Назарэт-форо дживдя Чай Мария, э Масхари. Екхвар лакэ сыкадэя дэвэло (=ангэло) Гавриило тэ пхэндя: «Тэ-авэс састы, Марие, тэ-авэл о Дэвэл туса! Ту сан бахтякирды машкир манушнендэ!» Лэс дыкхи Чай Мария страхандэя. О дэвэло окэ пхэндя лакэ: «Нандара, Марие, ту биянэса э Чавэс, тэ кхарэса Лэс о Исусо. О Свэнто Духо авэла паш тутэ, вашдава кай бияндëла, Одолэс кхарэна Дэвлэскиро Чаво!
Сыго акэ э Масхари жакирлас э Биятос (=тыкнэмасэс). О Йосифо пать, кай лэскэ ëй ракирды сыс, дыкхи, кай ëй пхария, камъя штыл тэ-ачавэл ла. Нэ дро сунэ лэскэ сыкадэя о дэвэло тэ пхэндя лэскэ: «Э Мария нанэ банги, ту сан тэ-лэс ла!» Адякэ Йосифо на ачадя Мария. Кэли э Масхари жакирлас Биятос, лэнгэ сыго чеиндя тэ-джян дур. Римытко тагари (=царë, о крали, кесарë) Августо пхэндя тэ-чинэн дро лыла сарэн лэскирэ пхувъякирэ манушэн. Сарэ сыс бангэ тэ-джян дро пэнгирэ форья. Адакэ тэ Йосифо Марияса гэнэ Назарэтостэр ко Вифлиемо. О дром сыс длуго (=длэнго), чеиндя тэ-джян бутыр, сыр дуйшэл вэрсты.
О бут мануша домоло авнэ дро Вифлиемо тэ-чинэн пэн дро лыла. Кэли Йосифо тэ Мария авнэ сыс дра да форыцо, ваш лэнгэ на сыс окэ дой штубыца тэ-ратькирэн. Нэ всаекх вари-сыр латхнэ екх штэтыцо тэ ваш лэнгэ: дрэ штала ко джидэмаса. Сыго э Масхарьякиро мардо (=часо, штунда) тэ-биянэл сыс авно. Адякэ ëй бияндя пэскирэ англатунэ (=пэрвонэ) Чавэс пашэ джидэмасэндэ, патькирдя э Биятос тэ чудя Лэс дро колытка джидэмасэнгирэ ясли. Адякэ о Дэвлэскиро Чаво бияндэя сыр манушоро ваш амэнгэ манушэнгэ!
Лýка 1:26-35; 2:1-7
Бах-джины (Евангелиё) Йоаностэр
(пробно тексто, чиндло пашэдыр ко грэкитко Нэво Завэто)
1. Англатуны гинды
О Лав масалыналэя** (масандэя). 1. Кэ англын исыс о Лав. Ë Лав исыс пашэ Дэвлэстэ, о Лав исыс о Дэвэл. 2. Ëв исыс кэ англын пашэ Дэвлэстэ. 3. О саро пирдал Лэстэ кэрдия тэ би Лэскиро нанэ кэрдимо ничи, кай кэрдимэ сы. 4. Дрэ Лэстэ о джиибэн исыс, тэ о джиибэн сыс о Агипэн манушэнгиро. 5. О Агипэн дро калыпэн хачёл, нэ на сыс о калыпнаскиро. /**кэрдия о мануш/
6. Исыс о мануш, бичадо пашыл э Дэвлэстэ, о лав лэстэ (сыс) о Йоано. 7. Кова авъя тэ-чачякирэл* вашо Агипэн, тэ-патяна сарэ пирдал лэстэ. 8. Кова на сыс одова Агипэн, нэ (сыс окэ) тэ-чачякирэл* дро Агипэн. /*тэ-дэл свидетельство/
9. О Агипэн чачуно, кай ягакирла* э сарэ манушэн(гэ), сыс тэ-авэл дро дава свэто. 10. Дро свэто Кова исыс, о свэто кэрдия пирдал Лэстэ, нэ о свэто Лэс на .галэя. 11. Ко пэскирэ авъя, о пэскирэ хай на лэнэ Лэс кэ пэ. 12. Нэ кай лэнэ Лэс, кай патян дро лав Лэскиро, дэя окэ лэнгэ зорибэн о чаворэ Дэвлэскирэ тэ-авэн, 13. (долэнгэ) кай нанэ ратэстэр, нанэ хай масэнгирэ камибнастэр, нанэ камаибнастэр муршэскирэстэр, хай э Дэвлэстэр англын-лэмэ. 14. О Лав масалыналэя тэ ачия пашэ амэндэ, (амэ) дыкхасас о яганыпэн (ягалын, хачалын) Лэскиро, сыр Екхорэскиро яганыпэн (сы) э Дадэстэр, пхэрдо тангипнаса э чачипнаса. /*дэл яг/свэто; **кадатэ: авъя сыр мануш/
15. О Йоано чачякирэл дрэ Лэстэ, дэи годлы тэ пхэны: Акадава сы, кай дрэ Лэстэ пхэндём: Палэ мандэ кай авиндо, ангил мандэ авимэ сы, акэ кай англэдыр мандэр сыс. 16. Тэ Лэскирэ (бахталэ) пхэрдыпнастэр амэ сарэ лэям, адякэ тэ тангипэн ко тангипэн, 17. кай акэ о законо пирдал Моисеёстэ дэнэ, тангипэн ё чачипэн окэ пирдал Исус-Христосостэ авъя. 18. Э Дэвлэс никон николи на дыкхъя, о екхоро Чаво, кай авъя пашыл Дадэстэ, Ëв о лав (дро дава) пхэндя.
Йоан-Болдарискиро чачякирин. 19. Акадава окэ сы о чачякирин Йоаноскиро, кай о юды бичадэ Ерусалиматэр* э рашан е лёвитэн, хай тэ-пхучэн лэстэр: Ту кон сан? 20. (Ëв) чачо пхэндя, на гарадя, пхэндя окэ: На сом мэ о Христосо. 21. Пхучнэ окэ лэстэр: Кон хай? О Илья сан ту? Кова пхэнэл: На сом! – О англари сан ту? Пхэндя палэ: Нанэ! 22. Пхэндэ окэ лэскэ: Кон сан, хай лав палэ тэ-пхэнас (долэнгэ), кай бичадэ амэн, со пхэнэса дрэ тутэ? 23. Кова окэ пхэндя: Мэ сом э глос годларискири кэчучялын** (= чучи пхув): мамуякирэн*** о дром о-Барэскиро****, сыр пхэндя о Есайа-англари. /*юдыткэс ада лав сы дро «джювлятуно родо»; **пустыня;
***кэрэн «прямос»; ****о-Бáро = Господь (о-Бáро Дэвла = Господи Боже /
24. О бичадэ хай сыс о фарисарья. 25. Кола пхучнэ лэстэр тэ пхэндэ лэскэ: Соскэ хай болэс, кай ту на сан о Христосо, тэ нанэ о Илья, тэ на о англари? 26. О Йоано по дава лав палэ лэнгэ, пхэны: Мэ болав дро паны, нэ машкир тумэндэ сыс тэрдо, кай Лэс тумэ на джинэн. 27. Ëв исы палэ мандэ тэ-авэл, кай акэ ангил мандэ (Ëв) сыс, тэ кай Лэскирэ сандалякири э симирицa мэ на молав тэ-псиравав. 28. Акадава окэ кэрдия кэ Вифания, пало Йордано, кай Йоано болэлас.
О-Бакроро Дэвлэскиро. 29. По авир (дэвэс) Йоано дыкхэл Исусос авиндой кэ ёв, тэ кова пхэнэл: Эна о-Бакроро Дэвлэскиро, кай (аври) лэла о грэхо свэтоскиро! 30. Акадава исы, кай дрэ Лэстэ мэ пхэндём: Палэ мандэ авэла о мануш, кай ангил мандэ исыс, акэ кай англэдыр мандэр сыс. 31. Мэ на джиномас Лэс, нэ тэ-авэла Кова джиндло Израилёскэ, вашдава мэ авъём дро паны тэ-болав.
32. О Йоано чачякирлас, пхэны: Дыкхъём э Духос (Дэвлэскирэс, = Джёс < Джий), кай тэлэ дэл Пэс болыбнастэр, сыр о голумбо, тэ (Кова) ачия прэ Лэстэ. 33. Мэ на джиномас э Лэс, нэ кай бичадя ман тэ-болав дро паны, Ëв мангэ пхэндя: Кай прэ конэстэ дыкхэса э Духос тэлэ авиндой тэ ачиндой прэ Лэстэ, Ëв авэла тэ-болэл дрэ Духостэ Свэнтонэстэ (= дрэ Курканэ Джёстэ). 34. Мэ дыкхъем (дава) тэ чачякиравас - окэ кадава исы о Чаво Дэвлэскиро!
Англатунэ о сыклярья. 35. По авир (дэвэс) изнов тэрдо сыс о Йоано тэ дуй э лэскирэ сыклярьендэр. 36. Дыкхи э Исусоспсириндой, кова пхэнэл: Эна о-Бакроро Дэвлэскиро! 37. Шундэ о дуй лэскирэ сыклярьендэр лэс кова ракириндой тэ гэнэ палэИсусостэ. 38. О Исусо окэ, рисии тэ дыкхи лэн палал гэиндой, пхэнэл лэнгэ: Со (тумэ) родэн? – Онэ хай пхэндэ Лэскэ: Рáвви! – кай пхэнэн (романэс) «Сыклякирдо» - кай (Ту) дживэс? 39. Пхэнэл окэ лэнгэ: Авэн тэ дыкхэн! Кола гэнэ тэ дыкхнэ, кай (Ëв) дживэл, тэ кодо дэвэс ачнэ пашэ Лэстэ. О-мардо сыс якэс (примернос) дэшто.
40. Исыс окэ о Андреё, о пшал Симон-Пэтроскиро, екх (одолэ) дуендэр, кай шундэ Йоаностэр дрэ Исусостэ, тэ кай гэмэ сыспалэ Лэстэ. 41. Акадава пать латхэл ангил пэскирэ пшалэс Симонос тэ пхэнэл э лэскэ: (Амэ) латхъям Мессияс - кай сырисякирдо «Христосо» -. 42. Кова окэ лыджия лэс ко Исусо. Чурдэи пать якха дрэ лэстэ, о Исусо пхэндя: Ту сан Симоно, чавоЙонаскиро, тут тэ-кхарэна «Кифа», кай .галякирдэс* сы «Пэтро»** /*амарэс пхэндо; «?барды*, баралын?*»: гачкунэс - скала).
О Исусо кхарэл э Филипос е Нафанайлос. 43. По авир (дэвэс) о Исусо камъя тэ-джял кэ Галилея. Латхэл э Филипос тэпхэнэл лэскэ: Яв палэ Мандэ! 44. О Филипо пать сыс Вифсайдатэр, Андреёскирэ тэ Пэтроскирэ форостэр. 45. О Филипо окэлатхэл Нафанайлос тэ пхэнэл э лэскэ: Кай дрэ Лэстэ чиндя Моисеё дро Законо тэ о англарья, амэ латхъям: э Исусос, э чавэсЙосифоскирэс Назарэтостэр. 46. Пхэндя лэскэ о Нафанайло: Э Назарэтостэр яшты (можынэл) хай вари-со мишто тэ-авэл? О Филипо пхэнэл лэскэ: Яв тэ дыкх!
47. О Исусо дыкхъя Нафанайлос авиндой кэ Ëв тэ пхэнэл дрэ лэстэ: Акэ чачо израйляри, кай дрэ лэстэ нанэ фрэнтыма! 48. О Нафанайло хай пхэнэл Лэскэ: Катыр ман джинэс? По дава о Исусо пхэнэл лэскэ: Кэ дова, кай тут о Филипо кхардя, дыкхъёмтут авиндой тэло инжиритко о-кашт. 49. По дава о Нафанайло пхэнэл э Лэскэ: Рáвви! Ту сан о Чаво Дэвлэскиро, Ту сан о Тагари Израилёскиро! 50. По дава о Исусо пхэндя лэскэ: Окэ кай пхэндём тукэ, хай дыкхъём тут тэло инжыритко, ту патяс? – (тэнчедыр чуды) барэдыр кадалэндэр дыкхэса! 51. Пхэнэл пать лэскэ: Чачо-чачэс пхэнав тумэнгэ: Акадалэ молостэр тумэдыкхэна о болыбэн псири тэ дэвлорэн Дэвлэскирэн ухтэндой тэ тэлэ авиндой ангил Манушэнгирэ Чавэстэ.
2. дуйто гинды
О бъяв дрэ Кана. 1. По тринто дэвэс исыс о бьяв кэ Кана Галильякири, тэ дай Исусоскири исыс кодотэ. 2. Кхардэ окэ тэИсусос тэ сыклярьен Лэскирэн по бъяв. 3. Кай пать э бравинта кончисалэя, э дай Исусоскири пхэнэл Лэскэ: Э бравинта лэндэ нанэ! 4. О Исусо пхэнэл лакэ: Со да Мангэ хай тукэ, мáнушны? Ешшо нанэ авно о времё Миро. 5. Э дай окэ Лэскири пхэнэлписхарьенгэ: Кай (Ëв) пхэнэла тумэнгэ – кэрэн! 6. Исыс окэ дотэ пиро юдытко жужакирибэн (= чистибэн, чистыма) тэрдо шов о барунэ кхорэ, кай кажно андрэ лэлас меры дуй али трин. 7. О Исусо пхэнэл лэнгэ: Пхэрдякирэн о кхорэ панеса! Пхэрдякирдэ пать кола киж (= жыко) опрын*. 8. Кова пхэнэл э лэнгэ: Лэн акана (панори) тэ лыджян хабнэнгирэскэ**. Онэ пать лыджинэ. 9. Кай окэ о хабнэнгиро уштадя (= пробиндя: лавэстэр «ушта») о панори, кай кэрдия э бравинта, тэ кова на джиндя катыр коя сы – бутярнэ хай, кай лэнас о паны, джиндэ дава – кхарэл окэ хабнэнгиро э тэрнэс 10. тэ пать пхэнэл лэскэ: Кажно мануш ангил э лачи бравинта анэл, тэ кай матёна, тэнчи хай налачедыр, ту окэ ракхъян э лачи бравинта киж какана. /*верхо; **кай сыс «шэрало» вашо хабэна/
11. Акадава о англатуно шпэрын* о Исусо кэрдя кэ Кана Галильякири, тэ джинякирдя* э куч-патыв*** Пэскири. Тэ патяндэнэ дрэЛэстэ о сыклярья Лэскирэ. 12. Палэ кадава гэнэ ко Капэрнаумо Ëв в тэ дай Лэскири, о пшала Лэскирэ, ë сыклярья Лэскирэ. Кодой окэ исындой (Ëв) сыс нанэ бут дэвэса. /*.гэртык, знамение; **дэя джин(дл)ы, сыкадя (сарэнгэ); ***слава/
О Иисусо жужакирэл о храмо. 13. Пашыл сыс э Патради юдэнгири, тэ пать Исусо гэя кэ Ерусалим. 14. Латхъя окэ дро храмо колэн, кай бикнэнас гурувэн э бакрэн, е голумбэн, тэ ловэнгирэ парубнарьен бэшэндой. 15. Кэри шылэндэр э чупны, (О Исусо) традэя сарэн аври э храмостэр, акадякэ тэ бакрэн е гурувэн. О парубнарьенгирэ ловэ хай чидя (дрэ пхув) тэ радя колэнгирэ оскаминда. 16. Э голумбэнгирэ бикнарьенгэ пать пхэндя: Лэн кадалэн акадатыр. На кэрэн о кхэр Дадэскиро Мирэскиро о кхэр таргитко! 17. Рипирдэ окэ о сыклярья Лэскирэ, кай чиндло сы: О холын* вашо кхэр Тыро накхадя (= хая) э ман. /*«гнёв» гачкунэс/
18. О юды пать пхэндэ палэ Лэскэ: Саво шпэрын сыкавэса амэнгэ, кай кэрэс кова?! 19. О Исусо по дова пхэндя лэнгэ: Пхагирэн о храмо кадава, тэ пать дро трин дэвэса .газдава кова! 20. О юды хай пхэндэ: Штардэш-шов бэрша кэрдэ о храмо кадава, ту хамэ дро трин дэвэса .газдэса кова?! 21. Нэ Ëв ракирдя дро Пэскиро масалынытко (= масэнгиро) храмо. 22. Коли (Ëв) уштэя мулэндэр, рипирдэ окэ о сыклярья Лэскирэ, кай ракирдя лэнгэ кова, тэ патяндэнэ дро Чиндля (= свэнта Чиныбэна) тэ э лавэскэ, кай ракирдя о Исусо.
23. Тэ кай (Ëв) исыс кэ Ерусалим Патрадякирэ свэнкоскирэс, о буторэ патяндэнэ дро лав Лэскиро, дыкхиндой Лэскирэ о шпэрына, кай (Ëв) кэрэлас. 24. Нэ Исусо Кокоро на патялас Пэс э лэнгэ, кай акэ Ëв джиндя саро, 25. тэ кай на чеиндя Лэскэ, хай вари-кон тэ-чичякирэл Лэскэ дрэ (савэ) манушэстэ, кай окэ Ëв джиндя, со сыс дрэ манушэстэ.
3. тринто гинды
О Исусо тэ Никодимо. 1. Иcыс о мануш э фарисарьендэр, о Никондимо (сыс) о лав лэскэ - ё шэрало юдэнгиро. 2. Акадаваавъя ко Исусо раты тэ пхэндя Лэскэ: Рáвви, амэ джинас, (Ту) окэ э Дэвлэстэр сан авно т-авэс о Сыклякирдо, кай акэ никон адасавэ шпэрына на джинэл тэ-кэрэл, кай Ту кэрэс, кай на авэлас о Дэвэл лэса. 3. О Исусо пхэндя о лав палэ лэскэ: Чачо-чачэс пхэнав э тукэ, кай вари-кон на бияндёла опрал, кова на штыл (= на можинэл) тэ-дыкхэл зор-риг* Дэвлэскири. 4. О Никондимо пхэнэл Лэскэ: Сыр хай яшты о мануш тэ-бияндёл пхурано исындой? Хай на штыл дрэ пэскрэ дакири коя палэ тэ-джял тэ тэ-бияндёл?! 5. О Исусо окэ пхэндя: Чачо-чачэс пхэнав тукэ: кай кон акэ на бияндёла э панестэр тэ Духостэр, на штыл тэ-джял дрэ зор-риг Дэвлэскири. 6. О бияндэмо э-масэндэр, о-мас сы, о бияндэмо э Духостэр, сы о Духо. 7. На дивисов**, кайпхэндём тукэ: тумэнгэ чебинэ тэ-бияндён опрал. 8. Э барвал кай камэл пхурдэл, э глос колякири шунэс, нэ на джинэс окэ, катыр коя авэл тэ кай джяла. Акадякэ сы пашэ кажнонэстэ, кай бияндэмэ (сы) э Духостэр.
/* «царство, государство»; **на лэ дро диво/
9. О Никондимо по дова о лав палэ пхэнэл Лэскэ: Сыр яшты кова тэ-кэрдёл? 10. О Исусо пать пхэндя по дава лэскэ: Ту сан о сыклякирдо Израилёскиро тэ кова хай на джинэс? 11. Чачо-чачэс пхэнав тукэ: (амэ) окэ кай (= со) джинас ракирас, тэ кайдыкхъям, дро дова чачо лав пхэнас, (тумэ) хай о чачо-лав амаро (дро ди) на лэн. 12. Кай (Мэ) дро кадалэ пхувъякирэ коларакирдём тумэнгэ, (тумэ) пать на патян, сыр хай (тумэ) патяна, кай ракирава тумэнгэ дро (кола) болыбнаскирэ! 13. Никон нанэ ухтэмэ дро болыбэн, токо Кодова, кай э болыбнастэр сы тэлэ авимо - о Чаво-Манушари, кай (Ëв) исындой дро болыбэн. 14. Сыр окэ о Моисеё .газдэя э сапэс кэ чучалын, акадякэ авэла тэ-.газдэн э Чавэс-Манушарис, 15. тэна-хасёла никон дрэ Лэстэ патяндо, нэ тэ-авэл колэстэ о джиибэн по-веки. 16. Кай акэ акадякэ камъя о Дэвэл о свэто, э Чавэс окэ Пэскирэс Екхорэс дэя, тэна-хасёла никон, кай патял дрэ Лэстэ, нэ тэ-авэла колэскэ о джиибэн по-веки. 17. Кай акэ на бичадя о Дэвэл э ЧавэсПэскирэс дро свэто тэ-сэндякирэла о свэто, нэ тэ-авэл о свэто ракх-дэмэ* пирдал Лэстэ! 18. Кай (кон) патял дрэ Лэстэ, одолэсна сэндякирэна, нэ кай (кон) на патял, акакана акэ сэндякирдо сы, кай на патяндэя дро лав Дэвлэскирэ Екхорэ Чавэскиро. 19. Акадава окэ сы о сэндякирин, кай о Агипэн сы авно дро свэто, нэ мануша окэ камнэ камлэдыр о калыпэн, сыр о Агипэн, кай акэсыс налачэ лэнгирэ о кэрина. 20. Кай акэ кажно налачипэна о кэриндо, э холы дэл дро Агипэн, тэ пать на авэла ко Агипэн, хай тэна-дытён о рэнды лэскирэ. 21. Нэ кай кон о чачипэн кэрэл, авэла ко Агипэн, тэ-дытён о кэрина лэскирэ, кай дрэ Дэвлэстэ сы кэрдэ. /*(з)ракхно/
О Йоан-болдари чачякирэл дрэ Христосостэ. 22. Палэ адава гэя о Исусо тэ сыклярья Лэскирэ кэ Иудея-пхув, кодотэ пать исыс лэнца тэ болэлас. 23. Тэ Йоано болэлас ко Айноно пашо Салимо, кай акэ бут о паны сыс одой. (О мануша) авэнас тэ (пать лэн) болдэ. 24. Кай акэ о Йоано ешшо на сыс чурдэмо дро бэшыбэн.
25. Кэрдия пать кошын* сыклярьенгэ Йоаноскирэнгэ э юдэнца вашо жужакирин**. 26. Авнэ кола хай ко Йоано тэ пхэндэ лэскэ: Рáвви, кодова, кай сыс туса пало Йордано, кай дрэ лэстэ ту чачякирдян, эна ёв болэл тэ сарэ окэ джян кэ ёв! 27. О Йоано по дава пхэндя: На штыл мануш тэ-лэл нисо, кай нанэ дэмо лэскэ э болыбнастэр. 28. Тумэ эна кокорэ чачякирэн мангэ, хамэ (мэ) пхэндём: На сом мэ о Христосо, нэ сом пать бичадо ангил э Лэстэ. 29. Кай конэскэ исы э тэрны***, (ёв кокоро) о тэрно*** сы, одруго пать тэрнэскиро тэрдо сы тэ окэ шунэл лэс, радындой радаса вашэ глос тэрнэскири. Акадая э рада мири акакана пхэрдо авимэ сы! 30. Ëв исы тэ-барьёл, мэ хай тэ-тыкнёвав.
/*споро; **чистибэн; ***нёвеста, женихо/
31. Опрал о авиндо опрэй сарэндэ сы. О исындо э пхувъятэр, э пхувъятэр сы, тэ дрэ пхув окэ ракирэл. Э болыбнастэр авиндоопрэй сарэндэ сы, 32. тэ кай (Ëв) дыкхъя тэ шундя, дро дова чачякирэл. Нэ о чачякирин Лэскиро никон на лэл (дро ди пэскэ). 33. Кай кон лэл (дро ди) Лэскиро чачякирин, (сыр) печатякирэл*, окэ о Дэвэл чачипнаскиро сы. 34. Кай акэ Конэс о Дэвэлбичадя, о ракирибэна Дэвлэскирэ ракирэл, кай акэ нанэ гиндой дэл о Дэвэл э Духос. 35. О Дад камэл э Чавэс тэ саро дэя дроваст Лэскиро. 36. Кай (кон) патял дрэ Чавэстэ, долэстэ сы о джиибэн по-веки, нэ кай Чавэс на кандэл, на дыкхэла о джиибэн, нэ э холы пать Дэвлэскири ачимэ сы прэ лэстэ.
/*чачо пхэнэл сыр «печатяса»/
4. гинды
1. Кай о-Бáро джиндя, хай о фарисарья шундэ , хай о Исусо кэрэл (Пэскэ) сыклярьен тэ болэл, бутыр сыр о Йоано, 2. - хоть о Исусо Кокоро на болдя, нэ о сыклярья Лэскирэ - 3. (Ëв) ачадя Иудея тэ палэ гэя кэ Галилея. 4. Лэскэ чеиндя тэ-джял пирдал э Самария. 5. Авэл окэ адякэс ко Самарьякиро* форо, кай кхардо (сы) э Сихарь, пашылатуно кэ доя пхув, кай коя о Яково дэя э Ëсифоскэ, э чавэскэ пэскирэскэ. 6. Исыс окэ одой э .ганынгори Яковоскири. О Исусо кханэи тэ-марэл дром (=тэ-псирэл), бэстя пать кэ .ганынгори. О-мардо сыс пашыл шовто. /*Э Самария – э пхув пашо .гаратуно Израилë/
7. Авэл окэ э джювлы Самариятэр тэ-лэл о паны. О Исусо пхэнэл э лакэ: Дэ Мангэ тэ-пьяв! 8. Кай акэ о сыклярья Лэскирэ гэмэсыс дро форо о хабэн тэ-кинэн. 9. Э джювлы-самарьярица пхэнэл пать Лэскэ: Сыр хай да ту, кай сан о юдо, тэ-пьес мангэс кодолятэр, кай сы э джювлы-самарьярица? О юды хай на пхандэн о шэро пэнгиро самарьярьенца. 10. По дава о Исусо пхэнэллакэ: Тэ-джинэс (ту) о дэин* Дэвлэскиро тэ Кон сы (Одова), кай ракирэл тукэ «Дэ Мангэ тэ-пьяв», ту пать мангэсас э Лэстэр тэ (Ëв) дэлас тукэ о паны джидо. 11. Э джювлы пхэнэл Лэскэ: Раялэ, хай тэ кхоро тутэ нанэ, э .ганынг окэ сы хор, катыр хай лэса опаны джидо? 12. Хай на сан ту барэдыр амарэ дадэстэр Яковостэр, кай дэя амэнгэ э .ганынг: тэ ёв пия колятэр, тэ о чавэ лэскирэ, ё стадо лэскиро? 13. О Исусо лав палэ пхэнэл лакэ: Кай ками о мануш, кай пьел о паны кадава, трушалёла** (= «мэрэл тэ- пьел») изнов. 14. Нэ кай окэ пьел о паны, кай Мэ дава лэскэ, на трушалёла по-веки. Нэ о паны, кай дава лэскэ, авэла дрэ лэстэ э .ганынгори (долэ) панескири, кай урдёл (= кирьёл – русс.: кипит; бьёт) дро джиибэн по-веки. 15. Э джювлыпхэнэл Лэскэ: Рая, дэ мангэ кодова о паны, тэна-трушалёвава тэ тэна-авав кадатэ тэ-лав о панори! /*даро; **труш = жажда/
16. О Исусо пхэнэл лакэ: Джя, кхар э ромэс тырэс тэ яв кадатэ! 17. По дава э джювлы пхэнэл: Нанэ мангэ о ром! О Исусопхэнэл лакэ: Мишто пхэндян, хай «О ром мангэ нанэ!». 18. Акэ дыкх о панджь рома тутэ сыс, тэ какана кай сы тутэ, нанэ о тыро ром, одова чачэс ракирдян! 19. Э джювлы пхэнэл Лэскэ: Раялэ, (мэ) дыкхав ту окэ о англари сан! 20. О дада амарэ прэкадая бэрга о манга дэнас, тумэ пать пхэнэн, хай кэ Ерусалим сы о штэто, кай чебинэ тэ-дэс о манга. 21. О Исусо пхэнэл лакэ: Мáнушны, патя Ман, авэла времё, коли нанэ прэ бэрга кадая тэ нанэ кэ Ерусалим тумэ манга дэна э Дадэс. 22. Тумэ окэ манга дэн, кай конэс на джинэн, амэ пать дас манга, кай (Лэс) джинас. Кай акэ ракха-дэин*э юдэндэр сы. 23. Нэ авэла времё тэ акэкакана кова сы, кай чачунэ мангэнгирэ**дэна манга Дадэс дро Духо ё чачипэн, кай акэ тэ о Дад родэл (тэ-бахтякир) кадасавэн, кай Лэс манга дэн. 24. О Дэвэл сы о-Духо тэ Лэс кай манга дэна, чебинэ дро духо ё чачипэн тэ-дэн о манга. 25. Э джювлыпхэнэл Лэскэ: Джином пать, о Мессия авэла, кай кхардо о Христосо. Кай окэ авэла, ёв дэла джины амэнгэ саро. 26. О Исусопхэнэл лакэ: Мэ Сом*** Кова, кай ракириндой тукэ! /*ракхэдын - спасениё; **мангарья - «просители, поклоняющиеся»; *** Мэ Сом = Яхвэ (о лав Дэвлэскиро) /
27. Палэ кадава (сыго) авнэ о сыклярья Лэскирэ тэ кола дивисалэнэ, кай (Ëв) э джювляса ракирдя, нэ всаекх никон на пхэндя «Кай родэс?» али «Со ракирэс ласа?» 28. Э джювлы ачадя о кхоро пэскиро тэ гэя дро форо тэ пать пхэнэл манушэнгэ: 29. Авэн, дыкхэн э манушэс, кай пхэндя мангэ саро, кай кэрдём, сы-нанэ ёв окэ о Христосо? 30. (О мануша) э форостэр гэнэ тэавнэ кэ Ëв.
Парнэнэ о фэлды марунэ. 31. О сыклярья пать домоло мангнэ Лэс, пхэны: Рáвви, ха! 32. Нэ Ёв пхэндя лэнгэ: Э Мандэ о хабэн сы тэ-хав, кай ваш кова тумэ на джинэн! 33. О сыклярья окэ пхэнэнас екх екхэскэ: Хай на андя Лэскэ вари-кон о хабэноро? 34. О Исусо пхэнэл лэнгэ: О Миро хабэн сы, кай кэрав (пиро Одолэскиро) камаибэн, кай бичадя э Ман, тэ тэ-кэрав пхэрдэс о Лэскиро рэндо. 35. Тэ тумэ пать пхэнэн, «Ешо штар чона сы тэ (фэлдэнгри) чинын* авэла»? Мэ окэ пхэнав тумэнгэ: .газдэн о якха тумарэ тэ дыкхэн о пхувъя, кай коля** парнэмэ сы какана э чинынякэ. 36. О чинари*** лэла о миштын**** (пэскиро) тэ кэндэла о плодо дро джиибэн по-веки, тэ-радысона пать кхэтанэ о чурдари***** (фэлдытко, тэ фэлдатэр) чинари. 37. Акэ кай дро дава о лав сы чачо, кай екх сы (дрэ пхув) чурдари, авир пать (э пхувъятэр) чинари. 38. Мэ бичадём тумэн тэ-чинэна (э фэлдэндэр дова), ваш со тумэ (кокорэ) на дыкхнэ э менька, авир дыкхнэ э менька, тэ-авэна тумэ про лэнгиро бажын. /*«жатва, срезание»; **мн. ч. >коя; ***«жнущий»; ****«зарплата»; *****«сеятель»/
О буторэ э самарьярьендэр патяндэнэ. 39. Окодолэ форостэр о буторэ самарьярья патяндэнэ дрэ Лэстэ пирдалджювлякиро лав, кай чачякириндой окэ: «Кова пхэндя мангэ о саро, кай (мэ) кэрдём!» 40. Кай о самарьярья авнэ ко Ёв, мангнэ пать Лэс тэ-ачэл ко ëнэ, тэ (Ëв) исыс ачимэ одой дуй дэвэса. 41. Тэ ешо бутэдыр (мануша) патяндэнэ пирдал о лав Лэскиро, 42. тэ пхэндэ джювлякэ, «Амэ патян бутыр на ваш тыро ракирибэн, нэ кай акэ кокорэ шунасас тэ пать джинас - Акадава сычачэс о Ракхари свэтоскиро, о Христосо.
Тагарискирэ манушэскиро о чаво. 43. Окэ пирдал дуй дэвэса, (Ëв) гэя одотыр тэ гэя кэ Галилея. 44. Акэ кай о Исусо Кокорочачякирдя, хай э англарискэ кэ дадэнгири пхув э патыв нанэ. 45. Кай окэ Кова авъя кэ Галилея, о галильярья лэнэ Лэс пашэ пэндэ, кай дыкхнэ о саро, кай (Ëв) кэрдя кэ Ерусалим свэнкоскиро, кай акэ тэ онэ авимэ (сыс) ко свэнко. 46. О Исусо пать авъяизнов кэ Кана Галильякири, кай (Ëв екхвар) кэрдя о паны дрэ бравинта. Тэ окэ сыс (одой) екх о тагарискиро, кай лэскиро о чавонасвало сыс ко Капэрнаумо. 47. Акадава шуны, кай о Исусо сы авно э Иудэятэр кэ Галилея, гэя кэ Ёв тэ мангъя Лэс тэ-авэл тэ тэ-састякирэл лэскирэ чавэс, кай акэ кова сыс мэриндой. 48. О Исусо пать пхэндя лэскэ: Кай (тумэ) на дыкхэна хай о шпэрына тэ о англытка*, на патяна! 49. О тагарискиро пать пхэнэл Лэскэ: О-Бáро, яв англэдыр, сыр миро чаворо мэрэла! 50. О Исусопхэнэл лэскэ: Джя, о чаво тыро дживэл! О мануш патяндэя о лав, кай пхэндя лэскэ о Исусо, тэ гэя. 51. Тэ акэ кай ёв ешо джалас, о бутярнэ лэскирэ авнэ ангил ко ёв (ко дром) тэ ракирдэ, пхэны пать: «О чаво тыро дживэл!». 52. (Ëв) окэ пхучъялэндэр ваш о-мардо, коли (э чавэскэ) фэдэдыр кэрдия. Кола пхэндэ лэскэ: «Атася дро эфтато мардо ачадя лэс э хачкирды?». 53. О дад адякэ .галэя, дро дова пать мардо, кай пхэндя лэскэ о Исусо окэ: «О чаво тыро дживэл!». Тэ патяндэя пать ёв тэсари ири** лэскири. 54. Акадава тэ авир о шпэрын о Исусо кэрдя, авиндой э Иудэятэр кэ Галилея. /*о шпэр ангил, кай вари-со кэрдёл; **семья/
5. гинды
О шпэрын кэ Вифэзда. 1. Пирдал адава сыс о юдэнгиро свэнко тэ о Исусо гэя кэ Ерусалим. 2. Кэ Ерусалим сы кэБакренгири порта о прудо, юдыткэс пхэндло э Вифэзда, кай кэ кова сы панджь столбытка ходы. 3. Ко кола сыс пхэрдо пасиндой о насвалэ, корорэ, лангалэ, шутвалэ**, дужакири панескиро урдяибэн*. 4. О дэвло Дэвлэскиро окэ времёвремёстэр пэс тэлэ дэлас ко прудо тэ (сыр) урдякирэлас о паны. Акэ пирдал панескиро урдякирин (кай кон сыс дрокова) англатуно гэиндой, састёлас савэ-ками насвалыпнастэр. /*«кипение»; **«высохшие»/
5. Одотэ окэ сыс о мануш, кай триндэш-охто бэрша исындой сыс дро насвалыпэн. 6. О Исусо, дыкхи кадалэс пасиндой,тэ джины, кова пать какана барэ бэрша сыс исындой (адякэ), пхэнэл лэскэ: Камэс састо тэ-авэс? 7. О насвало пхэнэлЛэскэ палэ: Раялэ, нанэ мангэ о мануш, кай тэ-чурдэл ман дро прудо, коли о паны урдёл, тэ кай мэ окэ (кокоро) джяв, авир англэдыр мандэр джял! 8. О Исусо пхэнэл лэскэ: Ушты, лэ тыри тэлатуны тэ псир! 9. Екхатэр пать о мануш састэятэ лэя э тэлатуны пэскири, тэ псирэлас.
Исыс окэ э субота (= юдэнгиро «курко») одолэ дывэсэскиро. 10. О юдарья хай пхэндэ э састимэскэ: Э субота сы, ту наштыс тэ-лыджяс э тэлатуны! 11. Кова по дава пхэнэл лэнгэ: Кай ман састякирдя, ёв мангэ пхэндя: Лэ тыри тэлатуны тэ псир! 12. Кола пхучнэ лэстэр: Кон сы до мануш, кай пхэндя тукэ: Лэ тыри тэлатуны тэ псир? 13. О састякирдо окэ наджиндя, кон кова сыс, кай акэ о Исусо дэя Пэс коригэдыр, (ваш дова) кай манушвалы* сыс авиндой ко до штэто. 14. Пирдал кадава о Исусо латхэл лэс дро храмо тэ пхэндя лэскэ: Акэ ту састэян, бутыр на кэр о грэхо, тэна-кэрдёл тукэ вари-со налачэдыр! 15. О мануш гэя тэ дэя джины э юдарьенгэ, кай о Исусо лэс састякирдя. /*«толпа»)
16. Ваш дава о юдарья традын дэнас* прэ Исусостэ тэ родэнэ Лэс тэ-дэн мэр, кай акэ кэрдя кова (рэндо) э суботакиро. 17. Нэ о Исусо по дава пхэндя лэнгэ: О Дад Миро киж (=жыко) какана бутякирэл, тэ Мэ бутякирав. 18. Ваш кадава о юдарья хай (ешо) бутыр родэнас Лэс тэ-дэн мэр, кай Кова на токо э субота пхагирдя, нэ кай тэ Дэвлэс пхэндя (хай Ёв сы) о лэскиро Дад, кэри (кадякэ) пэс шэрáли** э Дэвлэскэ. /*«преследовали»; **«равный»/
О Чавэскиро зорибэн. 19. По дава о Исусо пхэндя лэнгэ палэ: Чачо-чачэс пхэнав тумэнгэ, на штыл о Чаво тэ-кэрэлПэстэр ничи, кай со на дыкхэл, кай о Дад сыс кэриндой. Кай со акэ Ёв кэрэл, кова тэ Чаво пать кэрэл. 20. Акэ кай о Дадкамэл э Чавэс тэ саро сыкавэла, кай Кокоро кэрэл, тэ барэдыр кадалэндэр о кэрина сыкавэла Лэскэ, тэ-дивисона тумэ пать. 21. Акэ дыкх, сыр о Дад джингавэл э мулэн тэ дэл о джиибэн, акадякэ пать тэ Чаво дэл, конэнгэ* камэл, о джиибэн. 22. Кай акэ о Дад на сэндякирэл никонэс, нэ о саро сэндякирин дэя э Чавэскэ, 23. тэ-кутякирэна о сарэ э Чавэс, сыр кутякирэн э Дадэс. Э Чавэс (кай) накутякириндо, на кутякирэл э Дадэс, кай бичадя Лэс. /*(бутвало число)/
24. Чачо-чачэс пхэнав тумэнгэ, кай (кон) о лав Миро шунэл тэ дрэ Мирэ Бичадаристэ патял, колэскэ сы о джиибэн по-веки тэ дро сэндо кова на авэла, нэ кова пирдал штакурдя* э мэрибнастэр дро джиибэн . 25. Чачо-чачэс пхэнавтумэнгэ, авэла о времё - тэ исы акакана – коли о мулэ шунэна э глос Дэвлэскирэ Чавэскири. Тэ кай шундлэ коя, джидэ авэна. 26. Сыр окэ э Дадэстэ сы о джиибэн дрэ Пэстэ, адякэ пать (Ëв) дэя тэ Чавэскэ о джиибэн (тэ-авэл кова Лэстэ) дрэ Пэстэ. 27. О зорибэн пать дэя Лэскэ тэ сэндо тэ-кэрэл, кай акэ Кова о Чаво-манушари сы. 28. На дивисон вашдава, кай пать авэла о времё, кай о сарэ дро гарадя** шунэна э глос Лэскири. 29. Тэ кай о лачипэна кэрэнас, авэна коджибнаскиро опрэ-уштын***, нэ кай фуипэна кэрдэ, (авэна) ко сэндоскиро опрэ-уштын . 30. Мэ на штыв Кокоро Мандэртэ-кэрав ничи. Сыр окэ шунав, (адякэ тэ) сэндякирав. О сэндо Миро чачо окэ сы, кай акэ на родав о Миро камибэн, нэ о камибэн Ман бичадэ Дадэскиро. *«перешагнул», штакурэл – «шагает»; **«могилы»; ***«воскресение»/
О Исусоскирэ чачякирарья. 31. Кай Мэ (Кокоро) чачякирав дрэ Мандэ, Мро чачякирин нанэ чачуно. 32. О Авир сы, кай чачякириндой дрэ Мандэ. Джином, чачуно окэ сы о чачякирин, кай (Ëв) чачякирэл дрэ Мандэ . 33. Тумэ бичадэ (э манушэн) ко Йоано, тэ кова чачакирдя э чачипнаса. 34. Мэ окэ э манушэндэр о чачякирин на лав, нэ кова ракирав (тумэнгэ), тэ-авэна тумэ ракх-дэмэ*. 35. Ёв сыс ягды** хачинды тэ ягакиринды, нэ тумэ камнэ тэ-радысон (екх) молыцо э лэскирэ агатэр. /*зракхнэ; **«светильник»/
36. Нэ Мандэ сы о чачякирин барэдыр Йоаноскирэстэр. Кай акэ о рэнды, кай Мангэ дэя о Дад, тэ-кэрава састэс кола, кодо рэнды, кай Мэ кэрав, чачякирэн дрэ Мандэ, кай пать о Дад Ман бичадя. 37. О Дад окэ, кай бичадя Ман, Ёв чачакирдя дрэ Мандэ, нэ (тумэ) э глос Лэскири на шундэ николи, тэ о дытин* Лэскиро на дыкхнэ. 38. Тэ о лав Лэскиронанэ ко тумэ ачимэ дрэ тумэндэ, кай акэ Конэс бичадя Ëв, Кодолэс тумэ на патян хай. 39. Тумэ окэ (вса) дэн** .галын о Чиндля, кай акэ тумэ дума хай дэн, хай дро коля о джиибэн по-веки авэла тумэнгэ. Коля пать чачякиринэн дрэ Мандэ. 40. Тэ окэ (тумэ) на камэн тэ-авэн кэ Мэ, тэ-авэла о джиибэн тумэнгэ. /*«вид, образ»; **«изучаете, познаете»
41. Э патыв э манушэндэр (Мангэ) на лав. 42. Нэ тумэн джином, хай нанэ о кам (=камлыбэн) Дэвлэскиро дрэ тумэндэ кокорэндэ. 43. Мэ сом авно дро лав Мирэ Дадэскиро, тумэ хай (кэ тумэ) окэ на лэн э Ман. Кай (кон) авир авэла дропэскиро лав, лэс хай тумэ лэна?. 44. Сыр хай тумэ штын тэ-патян, кай (тумэ) э патыв окэ лэн екх екхэстэр, э патыв пашыл Екхорэ Дэвлэстэ пать на родэн? 45. На дэн хай дума, хай Мэ бандькирава тумэн пашэ Дадэстэ, исы кай тумэн бандькирэла: о Моисеё, кай дрэ лэстэ тумэ надеисон. 46. Кай акэ тумэ (чачунэс) патяндэнэ дрэ Моисеёстэ, патянас окэ тэ дрэ Мандэ, акэ кай дрэ Мандэ ёв (о чиндля) чиндя. 47. Нэ кай дро лэскирэ чиндля (тумэ) на патян, сыр хай дро Мирэ ракирибэна патяна окэ?
6. гинды
О Исусо чаравэл э панджебарэ манушэн. 1. Пирдал кова о Исусо гэя пирдал о Галильякиро - Тивэриитко –баропаны (=морё). 2. Палэ Лэстэ дэнас пэн пхэрдо мануша, кай дыкхнэ о Лэскирэ шпэрына, кай (Ëв) кэрдя э насвалэнгэ. 3. О Исусо пать дэя Пэс опрэ прэ бэрга тэ бэстя кодой э сыклярьенца Пэскирэнца. 4. Исыс окэ пашылпатрадитко свэнко юдэнгиро.
5. О Исусо .газдэи якха тэ дыкхи, кай пать пхэрдо мануша авэн кэ Ëв, пхэнэл Филипоскэ: Катыр кинаса о марэ тэ-хана онэ? 6. Нэ адава (Ëв) пхэндя патькири лэс, Кокоро окэ джиндя, со камъя-думиндя тэ-кэрэл. 7. О Филипо пхэндя Лэскэпалэ: О дуешэлэ динарьенгирэ* марэ на авэла мишто лэнгэ, тэ-авэла пать кажнонэскэ хай набут вари-со. 8. Екх Лэскирэ сыклярьендэр – о Андреë, Симон-Пэтроскиро пшал - пхэнэл Лэскэ: 9. Исы екх чаворо адай, кай лэстэ сыпанджь .гэрстытка** марэ тэ дуй мачэ. Нэ со сы када кола кя бутэнгэ! 10 О Исусо пнэндя: Чувэн манушэн тэ-ачэн тэ-хан! Исыс окэ пхэрдо чар ко до штэто. О мануша числаса .галёв панджьбара, бэштэ. 11 О Исусо лэя марэ тэ парикири (=пхэны наис) кэрдя дро пашына сыклярьенгэ, о сыклярья пать колэнгэ, кай ачимэ сыс тэ-хан, акадякэ (дэнэ тэ-хан) тэ (долэ) мачэндэр, бут окэ камнэ. 12. Коли акэ (сарэ) чалэнэ, (Ëв) пхэнэл сыклярьенгэ Пэскирэнгэ: Кэндэн о котэра, кайачинэ опрэдыр, тэна-хасёл ничи. 13. (Онэ) кэндэнэ адякэ кола тэ пхэрдякирдэ дэшудуй корзины панджэ .гэрстытконэмарэнгирэ котэрэнца, кай опрэдыр ачинэ ханэндэр. 14. О мануша дыкхи, кай шпэрын кэрдя Исусо, пхэндэ, окэ адавасы чачо о англари, кай сы тэ-авэл дро свэто. 15. О Исусо какана джины, хай кола камнэ тэ-авэн тэ тэ-лыджян Лэс, тэ-кэрэна пать Лэстэр э тагарис, (Ёв) дэя Пэс дурэдыр изнов кэ бэрга - Ёв екхджено. /*динарий – «ловоро» дасаво; **«ячменные»/
О Исусо псирэл пиро паны. 16. Тэ кай авъя бевель, о сыклярья Лэскирэ гэнэ ко баро-паны, 17. тэ гэи опрэ дрэ лодка, гэнэ пирдал о баро-паны ко Капэрнумо. О калыпэн окэ сыс акэ авно, о Исусо пать на сыс (ешо) авно пашэ лэндэ. 18. О баропаны пать урдёлас, кай пхурдэлас бари балвал. 19. Кэри вэслэнца .галёв биштэпанджь али триндэша стадии*, кола дыкхэн Исусос псириндой опрэй баро-паны тэ авиндой пашэ лодка. Кола страхандэнэ. 20. Нэ Ёв пхэнэл лэнгэ: МэСом, на дарэн! 21. Кола камнэ тэ-лэн Лэс дрэ лодка, тэ екхатэр лодка авъя кэ пхув, кай (кэ коя) онэ джянас. /*«единица длины» = 192 м/
О джиибнаскиро маро. 22. По авир (дэвэс) пхэрдо мануша, кай тэрдэ сыс (одой) палал баро-паны, дыкхи, кай авир лодка на сыс одой, токо екх, одоя, кай дрэ коя опрэ гэнэ сыклярья Лэскирэ; (онэ дыкхи) кай Исусо на гэя Пэскирэсыклярьенца дрэ лодка, нэ сыклярья Лэскирэ екхдженэ гэнэ - 23. тэ авир лодки авнэ Тивэрьядатэр, пашыл кодолэштэтостэр, кай (о мануша) ханэ марэ, парикири о-Барэс. 24. Кай народо дыкхъя, со Исусо нанэ кодой тэ нанэ сыклярья Лэскирэ, гэнэ опрэ тэ ёнэ дрэ лодка тэ гэнэ ко Капэрнаумо, родэи Исусос.
25. Латхи окэ Лэс пало баро-паны, пхэндэ Лэскэ: Рáвви, коли кадатэ авно сан? 26. О Исусо пхэндя палэ лэнгэ: Чачо-чачэс пхэнав тумэнгэ, (тумэ) родэн Ман нанэ хай (вашдова), кай дыкхнэ шпэрына, нэ кай ханэ хай марэ тэ чалэнэ. 27. Кэрэн буты нанэ ко хасиндо хач, нэ ко хабэн, кай ракхно авэла дро джиибэн-повеки, кай (кова) Чаво-Манушари тумэнгэдэла, кай акэ Лэс о Дад-Дэвэл печатькирдя*. 28. Кола пхэндэ Лэскэ: Кай амэ тэ-кэрас, тэ-кэраса пать кэринаДэвлэскирэ? 29. О Исусо по дава пхэндя лэнгэ: Одова сы кэрин Дэвлэскиро, кай тэ-патян (дрэ Одолэстэ), кай бичадя Ëв. /*«чудя чячипнаскири печать»/
30. Кола хай пхэндэ Лэскэ: Кай шпэрын ту кэрэса, хай тэ-дыкхаса тэ тэ-патяса-с тут? Кай кэрэса? 31. О дада амарэ э манна ханэ кэ чучи пхув, сыр чиндло сы: «О маро болыбнастэр дэя лэнгэ тэ-хан». 32. О Исусо пхэндя лэнгэ: Чачо-чачэс пхэнав тумэнгэ: нанэ о Моисеё дэя тумэнгэ о маро болыбнастэр, нэ о Дад Миро дэла тумэнгэ о чачуно мароболыбнастэр. 33. Кай акэ о маро Дэвлэскиро дэла Пэс тэлэ болыбнастэр тэ дэла о джиибэн (ада) свэтоскэ.
34. Кола пать пхэндэ Лэскэ: О-Бáро, дэ вса амэнгэ о маро кодова! 35. О Исусо пхэндя лэнгэ: Мэ Сом о мароджиибнаскиро, кэ Мэ авиндо на дыкхэла бокх тэ дрэ Мандэ патяндо на трушалёла николи. 36. Нэ окэ пхэндём тумэнгэ, со (тумэ) тэ дыкхнэ Ман тэ (всаекх) на патян. 37. Саро, кай дэла мангэ Дад, кэ Мэ авэла. Кэ Мэ авиндэс на чурдавааври. 38. Акэ кай авно сом тэлэ болыбнастэр нанэ тэ-кэрав Миро камибэн, нэ камибэн Ман Бичадэскиро. 39. Кадаваокэ сы камибэн Ман бачадэ Дадэскиро, кай тэна-нашавава никонэс пать, кай (Ëв) Мангэ дэя, нэ тэ-джингавава колэс дро последнë дэвэс. 40. Кодова окэ сы Ман Бичадэскиро камибэн, кай тэ-авэла сарэнгэ, кай дыкхэна э Чавэс тэ патянадрэ Лэстэ, о джиибэн-повеки. Мэ пать джингавава лэс дро последнë дэвэс!
41. О юдарья хай лэнэ по данд Лэс, кай окэ пхэндя: Мэ Сом о маро, кай Пэс тэлэ дэл болыбнастэр. 42. Пхэндэ хай: Кхэн! Сы хай нанэ кадава о Исусо, о чаво Йосифоскиро, кай лэскирэ дадэс е да амэ джинас? Сыр хай кова пхэнэл, э болыбнастэр, хамэ, сом тэлэ авно 43. По дава Исусо пхэндя лэнгэ: На лэн по дандоро тумэнгэ! 44. Никон наштыл тэ-авэл кэ Мэ, коли о Дад, кай бичадя Ман, на лыджяла лэс. Мэ пать джингавава лэс дро последнë дэвэс. 45. Исы чиндлодро англарья: «О сарэ авэна сыклякирдэ Дэвлэстэр». Окэ кажно, кай шунэл тэ сыклёл э Дадэстэр, авэла кэ Мэ. 46. Э Дадэс никон на дыкхъя, кроме Одолэс, кай исындой пашыл Дэвлэстэ, Ёв дыкхъя э Дадэс 47. Чачо-чачэс пхэнавтумэнгэ, дрэ Мандэ патяндэстэ сы джиибэн-повеки. 48. Мэ сом о маро джибнаскиро. 49. О дада тумарэ ханэ э манна (бахтякирды) кэ чучи пхув тэ (всаекх) мэнэ, 50. Акадава сы о маро э болыбнастэр тэлэ авиндо, кай тэ-хала кон тэ тэна-мэрэл. 51. Мэ Сом о маро джидо, э болыбнастэр кай тэлэ авъя. Коли кон хала кадалэ марэстэр, дживэла по-веки. Омаро окэ, кай Мэ дава, о-маса Мирэ сы, кай Мэ дава вашо (ада) свэтоскиро джиибэн.
52. О юдарья хай пэнэ дро кошыбэн машкир пэндэ, пхэны: Сыр хай кадава шты тэ-дэл амэнгэ о-маса тэ-хаса?! 53. Пхэндя пать лэнгэ Исусо: Чачо-чачэс пхэнав тумэнгэ, кай (тумэ) на хана о-мас Чавэ-Манушарискиро тэ пать на пьена оЛэскиро рат, на авэла тумэнгэ джиибэн дрэ тумэндэ (кокорэндэ). 54. Кай хал о Миро мас тэ пьел о Миро рат, колэскэ сы о джиибэн-повеки, тэ Мэ джингавава лэс дро последнë дэвэс. 55. Кай акэ о мас Миро чачо хабэн сы тэ о рат Мирочачо пибэн сы. 56. Кай хал о Миро мас тэ пьел о Миро рат, (одова) дрэ Мандэ сы ачимэ тэ Мэ дрэ лэстэ. 57. Кайбичадя Ман о Джидо Дад, окэ тэ Мэ дживав пирдал Дадэстэ. Кай (кон) пать хал э Ман, тэ ёв дживэла пирдал Мандэ. 58. Акадава сы о маро болыбнастэр тэлэ авно. Нанэ сыр о дада тумарэ ханэ э манна тэ (всаекх) мэнэ. Кай хал акадава о Маро, дживэла по-веки. 59. Ада (саро Ëв) пхэндя дрэ синагога, сыклякириндой ко Капэрнаумо.
Повеки-джиибнаскирэ лава. 60. О буторэ сыклярьэндэр Лэскирэндэр, шуны кова, пхэндэ: Пхаро ракирибэн ада сы, кон шты адава тэ-шунэл? 61. О Исусо джины дрэ Пэстэ, хай по данд лэнэ кова о сыклярья Лэскирэ, пхэндя лэнгэ: Хай кадалэстэр тумэ кова дро шэро лэнэ? 62. Нэ коли пать тумэ дыкхэна Чавэс-Манушарис опрэй ухтэндой, кай (Ëв) сысанглэдыр! 63. О Духо джиибэн дэл, э масэндэр нанэ нисаво шукарибэн. О ракирибэна, кай Мэ ракирав тумэнгэ, о Духо исы тэ джиибэн сы. 64. Нэ дрэ тумэндэ сы вари-кон, кай на патян. Кай акэ о Исусо англынатэр* джиндя, кон сы кола, кай на патяна тэ кон бикнэла Лэс. 65. (Ëв) пхэндя: Вашдава пхэндём тумэнгэ, окэ никон нашты тэ-авэл кэ Мэ, кай (ада) нанэ дэмо лэскэ э Дадэстэр Мирэстэр. /*англын – «начало»/
66. Акадалэстэр буторэ э сыклярьендэр Лэскирэндэр гэнэ палэ тэ бутыр пашэ Лэстэ на псирдэ. 67. О Исусо пхэндя эдэшудуенгэ: Камэн-на тэ тумэ тэ-джян? 68. О Симон-Пэтро по дава пхэнэл Лэскэ: О-Бáро, кэ кон хай амэ джясас? Пашэ Тутэ сы о ракирибэна джиибнаскирэ-повеки. 69. Амэ патяндэям тэ джинас, пать Ту сан Христосо, о Чаво ДжидэДэвлэскиро! 70. О Исусо пхэнэл лав палэ лэнгэ: Мэ – нанэ Мэ тумэн дэшудуен Мангэ дыкхи лэем? – Нэ тумэндэр екх о бэнг сы! 71. Ракирдя окэ (кадава) дрэ Иудастэ Симон-Искарьётоскирэстэ, кай акэ ёв сыс Лэс тэ-бикнэл, исындой екх э дэшудуендэр.
7. гинды
О Исусоскирэ пшалэнгиро бипатибэн. 1. Пирдал кадава о Исусо псирдя кэ Галилея, акэ на камъя тэ-псирэл кэ Иудэя, кай акэ о юдарья родэнас Лэс тэ-дэн мэр. 2. Исыс пать пашыл юдэнгиро патре-кхэрорытко* свэнко. 3. О пшала Лэскирэпхэндэ Лэскэ: Джя кадатыр тэ джя кэ Иудэя, тэ-дыкхэна пать тэ о сыклярья тырэ о рэнды тырэ, кай кэрэс. 4. На кэрэлхай никон ничи чорал, кай кова рэсэл тэ-авэл дро джиндлыпэн (ваврэнгэ). Коли окэ кола кэрэс, джиндлякир** тут (када) свэтоскэ. 5. Акэ дыкх о пшала Лэскирэ на патянас дрэ Лэстэ. 6. Пхэнэл окэ лэнгэ Исусо: О времё Миро ешо нанэ пашэ, нэ тумаро времё сы вса гата***. 7. О свэто нанэ холы тэ-рикирэл дрэ тумэндэ, нэ дрэ Мандэ рикирэл, кай Мэчачякирав, окэ о рэнды колэскирэ фуялэ сы. 8. Тумэ джян ко да свэнко. Мэ ешо на джява ко свэнко дава, кай акэ о времё Миро ешо нанэ пхэрдимо. 9. Акадава ракири лэнгэ, Ёв ачимо сыс кэ Галилея. /*(=патре-кхэрынытко) - сыр «шатрытко»; **«кэр (тут) джиндло»; ***«готово»/
О Исусо ко шатрытко свэнко. 10. Кай окэ о пшала Лэскирэ гэнэ, тэнчи тэ Ёв гэя ко свэнко, на дытиндой*, нэ сыр пать чорал. 11. О юдарья хай родэнас Лэс дро свэнко тэ пхэндэ: Кай сы ëв? 12. Тэ бут о шэптымы сыс дрэ Лэстэ дрэ манушэнгири (толпа). Екх пхэндэ, хай (ëв) лачо сы, авир хай пхэндэ: Нанэ! Блэндякирэл хай пхэрдо манушэн! 13. Нэникон всаекх вашэ дар юдэндэр на ракирдя пашэ сарэндэ дрэ Лэстэ. /*«тэна-дытëл»/
14. Кай окэ свэнко дро паш мамуй сыс, о Исусо гэя опрэй* дро храмо тэ сыклякирдя. 15. О юды пать дивисонас, пхэны: Сыр ёв джинэл о Чиндлына на сыклэи? 16. О Исусо пхэндя палэ лэнгэ: Миро сыклякирин нанэ Миро, нэ сы МанБичадэскиро. 17. Коли кон камэл тэ-кэрэл о камибэн Лэскиро, кова джинэла (=.галела) сы о сыклякирин э Дэвлэстэр,али Мэ мирэскиро ракирав. 18. Кай кон пэскиро ракирэл, родэл пэскири патыв, нэ кай родэл э патыв Лэсбичадэрискири, Одова чачуно сы, тэ дрэ Лэстэ начачипэн нанэ. 19. Хай дэя Моисеё тумэнгэ о Законо, тэ окэ никонтумэндэр на кэрэл пхэрдэс Законоскирэс! Соскэ (тумэ) родэн Ман мэр тэ-дэн? 20. Кай пхэрдо мануша лав палэ пхэндэ: Дюялэ кола! Кон хай тут родэл тэ-дэл мэр? 21. О Исусо пхэндя палэ лэнгэ: Екх кэрин кэрдём тэ сарэ хай дивисон. 22. Ваш дава о Моисеё дэя тумэнгэ чинялын**. – Нэ нанэ акэ, хай кова сы Моисеёстэр, э дадэндэр пать - . Тэ дрэ субота*** (тумэ) кэрэн чинялын манушэс! 23. Кай пать чинялын о мануш лэл дрэ субота, тэна-джяна аври Законостэр Моисеёскирэстэр, дрэ Мандэ хай (тумэ) холясон, кай (Мэ) сарэ манушэс састякирдём дрэ субота? 24. На сэндякирэн пиро дытяибэн****, нэ сэндо чачуно сэндякирэн! /*кова сыс про учо штэто; **«обрезание»; ***субота юдэндэ сыс сыр о курко: на штыя тэ-кэр буты; ****«наружность»/
Исы-нанэ ада о Христосо? 25. Савэ ерусалимакирэндэр окэ пхэндэ: Сы хай -нанэ кадава кова, кай колэс родэн мэртэ-дэн? 26. Дыкх хай, кова ракирэл паш сарэнгирэ якха тэ кола окэ ничи лэскэ на пхэнэн: .Галэнэ хамэ о рая барэ, хай кадава сы чачэс о Христосо? 27. Нэ кадэлэс (амэ) джинас, катыр кова сы, нэ кай о Христосо авэла, никон на джинэлакатыр (Ëв) сы. 28. О Исусо пать дэлас годлы* дро храмо, сыклякири тэ пхэны: Э Ман (тумэ) окэ джинэн тэ хай джинэн, катыр сом! Кокоро Мандэр окэ на сом авно, нэ сы о Чачипнаскиро, кай бичадя Ман, кай Лэс тумэ на джинэн. 29. Мэ пать джином Лэс, акэ пать (авно) сом пашыл Лэстэ. Ёв окэ Ман бичадя. 30. Кола хай родэнас (моло) тэ-дэн васта дрэЛэстэ, нэ никон на дэя дрэ Лэстэ васт, кай акэ на сыс ешо авно о моло Лэскиро. 31. Нэ буторэ э манушэгирьятэр** патяндэнэ дрэ Лэстэ тэ пхэндэ окэ: Кай о Христосо авэла, нанэ хай бутыр кадалэндэр о шпэрына кэрэла, кай эна кадава кэрдя? /*о храмо сыс баро, .гаратунэс чэиндя барэ глосяса тэ-ракир; **кадай: «толпа»/
Э Исусос камэн тэ-пхандэн. 32. О фарисарья шундэ, кай э манушэнгири ваш кола штыл дэл кана дрэ Лэстэ. Бичадэ пать фарисарья ё шорэ-рашая* э писхарьен тэ-лэна хай Лэс. 33. О Исусо пать пхэндя лэнгэ: Ешо набарэ дывэса авава паш тумэндэ тэ джява пать ко Ман Бичадо. 34. Родэна окэ (тумэ) Ман, нэ на латхэна. Тэ кай Мэ авава, тумэ наштын тэ-авэн. 35. Пхэндэ пать юдарья машкир пэндэ: Кай ёв дума дэл тэ-джял, кай амэ на латхаса хай лэс? Хай на дэл дума кэгрэкитко диаспора** тэ-джял тэ тэ-сыклякирэл э грэкэн***? 36. Кай сы када лав, кай кова пхэндя: Родэна хай ман тэ налатхэна, тэ хай: Кай мэ авава, тумэ на штын тэ-авэн? /*= шэралэ рашая; **= кай савэ мануша дживэн аври пэнгирэ пхувъятэр; ***кадай: грэкитконэ юдэн/
О кхарибэн ко джидо паны. 37. Свэнкоскирэ последнёнэ барэ дывэсэскиро о Исусо сыс тэрдо тэ годлэя, пхэны: Коликон трушало* сы, тэ-авэл паш Мандэ тэ тэ-пъел! 38. Кай (кон) дрэ Мандэ патял, сыр окэ пхэндя о Чиндлын, андраллэстэ прастана о чидына** джидэ панескирэ. 39. Нэ кадава (Ëв) пхэндя вашэ (Свэнтонэ) Духоскэ, кай дрэ Лэстэпатяиндэнгэ сыс тэ-авэл. Акэ пать на сыс (авно) ешо о Духо Свэнто, акэ кай о Исусо ешо на сыс куч-патыв дэмэ (=куч-патывакирдо). /* «мэрэл тэ-пъел»; **«потоки»/
О мануша ракирэн дова тэ дава. 40. Буторэ э манушэнгирьятэр, шуны колытка лава, пхэндэ: Кадава чачо сы оанглари! 41. Авир пать пхэндэ: Кадава сы о Христосо! Явир хай пхэндэ: Кхэн! Нанэ хай Галильятэр о Христосо авэла? 42. Пхэнэл хай о Чиндлын, хай колэстэр* Давидоскирэстэр тэ Вифлиемостэр - э гавэстэр, кай исыс о Давидо - оХристосо авэла? 43. Адякэ дрэ манушэнгири кэрдия о кошыбэн пирдал Лэстэ. 44. Савэ лэндэр камнэ окэ тэ-пхандэнЛэс, нэ никон на дэя васта дрэ Лэстэ. /*кадай: «семёстэр»/
О бипатибэн барэ рангиро. 45. Авнэ хай о писхарья ко шорэ-рашая ё фарисарья. Кола хай пхэндэ лэнгэ: Соскэ наандэ Лэс? 46. О лав палэ пхэндэ писхарья: Николи о мануш акадякэс на ракирдя, сыр акадава о мануш! 47. Какана по дава фарисарья пхэндэ лэнгэ: Шунэн! На сан хай тэ тумэ блэндякирдэ? 48. Хай никон э барэ рандэр окэ на патяндэя дрэ лэстэ али фарисарьендэр? 49. Нэ кадалэ о законо наджиндлэ пхэрдо мануша арманя-дэмэ* сы. 50. О Никондимо, кай сыс раты авно кэ Ëв, исындой екх лэндэр, пхэнэл лэнгэ: 51. Хай на сэндякирэл амаро Законо э манушэс, колиангил на шунэла лэс тэ (пирдал дава) на джинэла, кай (ёв) кэрэл? 52. Кола хай пхэндэ лэскэ палэ: Хай на сан тэ ту э Галильятэр? .Галёв тэ дыкх, о англари пать Галильятэр на уштэла. 53. Тэ (адякэ) окэ кажно гэя кхэрэ кэ пэ. /* бибахтякирдэ/
'маро-Дадо
9-10.02.10 (*маро-Дадо* сыр гилы), (марто 2010)
Амаро Дадоро болыбнытко,
свэнто тэ авэл Тро нав дэвлытко,
тэ авэл Тыро тагарибэ,
тэ авэл Тро свэнто камибэ,
тэ кадай прэ пхув тэлатуны,
сыр опрэй кэ риг Три бахталы!
Бахтякир Дэвлалэ дадывэс
о маро ирьякэ тэ рэсэс,
длуги Дэвла простинэ амэнгэ,
дяк сыр простинас амэ ваврэнгэ,
кай дро пэнгрэ длуги сы бангэ,
прэ амэндэ нашукар кэрдэ.
На мэк Дэвла дрэ бибахт, мангаса,
хай лыджя колятэр Трэ зорьяса:
Дэвла сы Тыро тагарибэ,
э патыв бари, зоралыпэ!
Бахтало аминë чхачхипнаса,
Награнэс! - Пхэнаса кхангирьяса.
наг(о)ранэс - во веки, вечно
наг(о)раныпэн, наг(о)рыпэн - вечность
би(а)гораныпэн, бигорыпэн - безконечность; безкрайность
всатунэс, вса, уса - всегда, постоянно
Сарьялын - Вселенная
8-9.02.10, (марто 2010)
Амаро Дадоро (-лэ) / Дадо амаро,
кай сан дро болыбэн,
тэ свэнтëл о нав Тыро,
тэ авэл о тагарибэн Тыро,
тэ авэл Тыро о камибэн (сыр Ту камэс)
дякэ прэ пхув,
сыр дро болыбэн.
Дэ амэнгэ дадывэс
о маро амаро сарэдывэсытко;
простинэ амэнгэ о грэхи амарэ,
сыр тэ амэ простинас долэнгэ,
кай нашукар кэрдэ ваш амэнгэ.
На мэк амэн дрэ бибахт, (на ачхав)
нэ лыджя аври амэн э бибахтятэр.
Хай Тыро сы о тагарибэн, э зор тэ патыв
Награнэс э чхачхэс! /Аминь/
Amaro Dad, savo san ade bolipe,
Teyavel arasno tiro lov,
Teyavel tiro rayan,
Teyavel tiro kam.
Sir pe bolipe, ad'a i pe phuv.
De amenge, adadives, amaro sabdivesuno maro;
I khem amenge amare dosha
Sir i ame khemas amare doshvalenge ;
I nalija amen ade perik
Ne muk amen fuyipastar:
Ad'a teyavel.
(ада сы европэитконэ ромэнгирэс)
Бахтякирин / Бахтякир(и)бэ
О Бáро (Дэвэл) тэ бахтякир тут,
тэ тэ ракхэл тут,
о Бáро тэ пхиравэл муй Пэскро тукэ,
тэ тавэл тукэ лачхэдескро / тэ тангин тут,
о Бáро тэ риськир муй Пэскро кэ ту
тэ тэ дэл тукэ штылбахт! –
Дро нав Дадэскро, Чхавэскро
тэ Куркэ-Джëскро / Свэнтонэ Духоскро!
Чхачхэс! / Аминь
(авир варианто – длэнгэдыр):
О Бáро (Дэвэл) тэ бахтякирэл э тут,
тэ тэ ракхэл э тут,
о Бáро тэ пхиравэл о муй Пэскиро э тукэ,
тэ тэ авэл э тукэ лачхэдескиро
о Бáро тэ рисякирэл о муй Пэскиро кэ ту
тэ тэ дэл э тукэ э штылбахт! –
Дро нав Дадэскиро, о Чхавэскиро
тэ Куркэ-Джëскро / Свэнтонэ Духоскиро!
Чхачхо сы! / Аминь
(романэс АС)
Романо лав курко *гарэдыр *галелас сыр свэнто
(дыкх дро интернэто Kurki Saara тэ Kurko Onnos). Нэ тэнчи ада бистырдэ палдава, со рома лэнэ тэ кхарэн адякэ кхангиритко свэнто дывэс тэ цэло курко.
Романэ лавэстэр джи(й) сы джи(и)бэн, сы ди(й) - душа, тэ инкэ гилы-гили-дили-джилы-джили - дова (доя), кай авэл манушэскирэ Д(ж)ëстэр, кай бияндел кодотэ! *Галев кадалэ лавэса сы пхандо и китаитко чи тэ арабитка джины. Романо лав (екх)джено (дро авир диалекты джено - мануш), *галев и кова сы пхандло лавэса джи(й). О лав джи(й ) прэ мири годы фэдыр сарэстэр пхэнэл сыр сы духо романэс. Чхачхэс романэс тело, душа и дух кадякэ авэлас: (о) маса - (о) ди - (о) джи(й). Свэнтонэ Духостэр авэлас - э Курк(ан)э-Джëстэр (К.-Джëскэ, К.-Джëстэ, К.-Джëса тдд). Вашдава, кай КД сы джидо, сы Дэвлэскиро о тринто Муй, дрэ Лэстэ чеби(нэ) тэ пхэнэс "скланениенца". Можно тэ пхэнэс Дэвлэскирэ Тринтонэскиро нав надлэнгэс - (о) Джи(й): Бахтякир Дэвла ромэн Трэ лавэса тэ Трэ К.-Джëса. О лав Курк(ан)о *галыпнаса Свэнто какана дро амарэ диалекты сы тэ пхэнэс токи, кай амэ ракирас дрэ Свэнтонэ Духостэ Кокорэстэ. Дро авир ситуации кадякэ: свэнто мануш, Дэвлэскиро свэнтыма, свэнто штэто, свэнто дывэс, (о) Джи(й)-Свэнтари - Дух-Святитель (освящяющий нас). Святая Святых (дро *Гаратуно/Пхурано Завето) прэ мири годы дро амари лылваритко чхиб сы тэ пхэнэс (э) Курки. Кадякэ *гаратунэ лава амарэ ачхэна дро романо диятуно барвалыпэн.
Романо (о)-джий - романо духо; романо (о)-ди - цыганская душа
Э бахт тумэнгэ! Кадатэ ромалэ мэ камам тэ чинав варисавэ пробы вашэ романы Библия. Бут лава инкэ чеби тэ латхэс.
Э Библия сыс чинды бутэ барэ бэршэнгирэс. Дро кадалэ пробы дро разна библиитка гиндля мэ чинава ".харатунэдырэс" али "нэвэдырэс". АС.
Genesiso (Бытие) 1:1-5
Ангил (сарэстэр) о Дэвэл кэрдя о болыбэн тэ э пхув. Э пхув исыс чхучхи тэ намишты, тэ о калыпэн (исыс) опрэй о .хорибэн; о Джий Дэвлэскиро урнялас опрэй о паня. О Дэвэл пхэндя: тэ авэл э парны-яг – тэ авъя э яг-парны. О Дэвэл дыкхъя хай э парныяг исыс шукар, тэ о Дэвэл дур-дэя машкир э парныяг тэ о калыпэн. О Дэвэл кхардя э парныяг – о дывэс, о калыпэн хай Ев кхардя – э рат. Тэ исыс э бевель, исыс о злоко, о дывэс – екх.
Захария 9:9
Радынэпэ, чхай-Сионэ! Эн авэл о Тагари тыро!
Джян, джян хай аври э портэндэр, кэрэн о дром э народоскэ. Кэрэн-тасавэн о баро дром, чхурдэн аври о бара, .хаздэн о флаго тавэл о шпэр э народэнгэ! Жыко риг кадалэ свэтоскири о Баро дэя джин: - Пхэнэн чхай-Сионакэ: Эна о ракхари тыро авэла, Лэскирэ бутякиро о миштыпэн исы пашэ Лэстэ, о рэсыбэн Лэскиро ангил Лэстэ. Э лэн лэна тэ кхарэн: о Свэнто народо; тэ: о Бароскирэ рикиндэ (аври киндэ); э тут хай кхарэна: о Камно форо, нанэ ачхадо.
Иоано 1:1-
Ангил исыс о Лав. О Лав исыс пашэ Дэвлэстэ, тэ о Лав исыс о Дэвэл. 2. Ев исыс ангил (сарэстэр) пашэ Дэвлэстэ. 3. Саро сы авно пирдал Лэстэ тэ би Лэскиро нанэ авно ничи, кай сы авно.
Иоано 3:16
Кадякэ о Дэвэл камъя када о свэто, дэя окэ Пэскирэ Чавэс, тэна-хасел никон, кай патял дрэ Лэстэ, нэ тэ авэл кодолэстэ
награно джибэ.
http://www.youtube.com/watch?v=qm7qaETzbZM
Paluu romanileiriin Я вернулся, Боже мой, в шатер.mp3
Eläkää Jumalan kanssa_ДЖИВЭН ДЭВЛЭСА.mp3
Jumala siunatkoon teitä_ТЭ ДЕС ДЭВЭЛ Э РАДА.mp3
Marian itkuvirsi_МАСХАРЬЯКИРО РОИБЭН.mp3
Oi Herra siunaa_ТЭ ДЬІКХАВ МЭ ДЭВЛА РАДА.mp3
Orvon rukous_БИДАДЭСКИРО БИДАКИРО.mp3
Palasi poika vankilasta_РИСИЯ ЧАВО БЭШЬІБНАСТЬІР.mp3
Poika Jumalan ЧАВО ДЕВЛЭСКИРО.mp3
Гилы мангипнэнца урняла.mp3
http://fi.wikipedia.org/wiki/Romanit
http://www.stihi.ru/avtor/ariadna10
Э Кáлэвала (о англын - шатрыткэс)
5-6.12.2010 Финляндия
О камин* исы дро ди мро, (желание)
дума дро шэро авно сы,
тэ-багав тэ-лав чавалэ,
тэ-пхэнав о лав мрэ дестэр,
гилори мари вэшитко,
э ирьенгири* пхураны, (*ири – семья)
Биладен лава дро муй мро,
ракирин* прэ чиб пасела, (здесь - глагол, песнь)
Ври* гиляса эн урняла! *аври
Пшалоро совнакунóро,
баримэ кай туса самас!
Яв хай манца тэ-багаса,
трэ пшалэса лав тэ-дэса,
саминдой* кана кхэтанэ, (мы будучи...)
авиндэ* дуе ригэндэр! (приходящие, прибывающие)
Кхэтанэ нанэ бутэс* сам, (немного, нечасто)
дуй пшала дро екх о штэто,
кэ бэдэ да риг ивитко,
пхувори э пашратитко*. (северная)
(*дро до гава багадэ рикириндой пало васта)
Морэ дэ тро васт пшалытко,
ангуштя* тасав мрэ твардэс (пальцы)
тэ-багас гилы долево,
пхураны (а)марэ-иритко.
О чавэ кай тэ-.галена,
о тыкнэмаса шунэна,
тэрнорэ, кай бариндой сы,
бахт мари, дэмо Дэвлэстэр!
О долева дад багалас,
кэриндой урдэн кэ фэлда,
дай гиля сыклякирэлас,
суиндой похтан шатрытко,
мэ хай соминдой* паш лэндэ (я находясь)
пашыл дакри индарака,
о пауне макхно кхудэса,
мангиндой тюти мамакри.
Пшалоро совнакунóро,
баримэ кай туса самас!
Яв хай манца тэ-багаса,
трэ пшалэса лав тэ-дэса,
саминдой* кана кхэтанэ,
авиндэ* дуе ригэндэр!
Кхэтанэ нанэ бутэс* сам,
дуй пшала дро екх о штэто,
кэ бэдэ да риг ивитко,
пхувори э пашратитко*.
Цыганско-русский словарь
с использованием основы Словаря проф. М. В. Сергиевского и проф. А. П. Баранникова
(добавляется А. Сурво постепенно по обработке данных и иных текстов, а также своих записей)
абардаж\о -ы м абардаж
аборто м [аборты] аборт
авангардо м [авангарды] авангард; бутяритконэ классоскиро авангардо - авангард рабочего класса.
авансо м [авансы] аванс; тэ-плэскирэс пиро авансы платить по авансам.
авария ж [аварии] авария
августо м август
авиацыя ж авиация
авир, вавир другой
аври, ври, ри 1. прочь; извне, вне; аври!- вон!, прочь!; джя аври! - пошел вон!; лэс ври-лыджинэ аври гхэрэнца - его вынесли вперед ногами (о покойнике).
автобусо м [автобусы] автобус
автомато м [автоматы] автомат
автомобилё м [автомобили] автомобиль; см.т. традуны, дудалы, саструны
автономия ж автономия
автономно автономный; автономно республика - автономная республика
авторо м [авторы] автор
авэла 2. см. доси, доста, мишто, састо
авэс тэ- [авъём] 1. приходить, входить; авъя чаворо, авъя дро кхэр - пришел мальчик, вошел в дом; ёв авэла кхэрэ - он приходит домой; бе(ль)вель авья - вечер настал. 2. приезжать, прибывать; джиндло ром авья кэ амэ - к нам приехал знакомый цыган; амэ думиндям кэли тэ-авас - мы думали, когда приехать. 3. быть, делаться, становиться, наставать; шулавэн миштэс тэ-авэл жужо дро кхэр - подметите хорошенько, чтобы в доме было (стало) чисто; амэ дуйдженэ(й) аваса по тарго - мы вдвоем будем на базаре; амэ сам бангэ тэ-авас прэ стрэга - мы должны быть на страже.
агенто м [агенты] агент
агитаторо м [агитаторы] агитатор
агитацыонно агитационный
агитацыя ж агитация; тэ-кэрэс /«тэ-лыджяс»/ агитацыя - вести агитацию, агитировать.
агрессия ж агрессия, нападение
агрономо м [агрономы] агроном
http://jazyki.ru/cyganskij#ego1
http://liga-ivanovo.narod.ru/fenomen.htm
Romaniasiain neuvottelukunta 25.9.2008. Sosiaali- ja terv.-ministeriö.
Romanit Suomessa 17.8.2004. Opetushallitus.
Ulkopuolella yhteiskunnan Elävä arkisto. Yleisradio.
Nuoret ja vähäosaisuus Elävä arkisto. Yleisradio.
Specalized Library with Archive ”Studii Romani” (bulgar. ja engl.)
Названа самая угнетаемая нация в России
European Parliament resolution on the situation of the Roma in the European Union - April 28, 2005
Final report on the human rights situation of the Roma, Sinti and travellers in Europe - February 15, 2006
European Roma Rights Centre - European Roma NGO
Roma Rights Network - Roma INGO
Museum of Roma Culture in Brno, Czech Republic (in Czech)[17]
Specialized Library with Archive "Studii Romani" (Bulgarian, English)
Documentation and Cultural Centre of German Sinti and Roma in Heidelberg, Germany (German, English)
Ethnographic Museum in Tarnów, Poland. (Polish, English, Romani)
Who we Were, Who we Are: Kosovo Roma Oral History Collection.
Романы лавитко (лавытко)
Кадатэ мэ лава тэ чинав о лава романэ тэ инкэ колэнгирэ «шпэриб(э)нá/шпэрибнытка» (=значения) дро дуй чиба - финыткэс тэ русск(он)эс. Бутыр сарэстэр о лава мэ чиндем дрэ Ингрия (Ленингр. обл.) руссконэ тэ (ингро)финытконэ ромэндэр. Англэдыр сарэстэр чинав бутыр долэ «шпэрибнытка», кай на-сарэ тэрнэ джинэн.
багэн bagén: laulakaa баган (пойте)
барэ бэрша baré bershá kauan aikaa, pitkään б. на дживдем дотэ (долго, много лет)
дудалы dudalí (Яросл.) auto (машина)
«дю али лю» ”d’u ali l’u”: hän ei koskaan kiroa/?ei sano pahoin ев никогда на пхэнэла «д.» (не ?выругается, ?плохого не скажет)
(?)Кайль – Явель Kail’- Jável’ Kain (ja) Aabel (Каин –и- Авель)
куч(х) kuch 3. varakkaasti: hän eli v. ев к. джиндя /дживдя/ (богато)
кхандуно khandunó (Яросл.) bensiini, ?polttoaine (бензин, ?горючее)
кхэтанэ тэ дэс khetané te des: koota (yhteen) тэ дэс к. (собирать вместе)
лав lav 3. kieli; ?murre: hän taitaa kolmea kieltä ев трин лава джинэл(а) (язык; ?диалект, ?наречие)
лавэстыр тэ выджяс lavéstir te vydzás: hän ei riko kieltoani/=tottelee ев на выджала м(и)рэ л. (не нарушит наказа)
лубнари lubnári huorintekijä (mies) («кобель»)
патрин patrín 3. (?)valokuva (?фото)
прэдо prédo etuseinä (sisältäpäin); ?päätöseinä (перед передняя стена ?только внутри и ?в основном ее центральная часть)
пхагирэс phagirés: 3. hän murtaa/ääntää/ toisin (puheparresta) ев пхагирла нáдякэс (произносит/выговаривает не так, с иным наречием)
таня tan’á huokeasti (дешево)
трýна trúna ruumisarkku (гроб)
тыкнэс tiknés 3. vähän: minulle maksetaan vähän(laisesti) мангэ плэскирна т. (мало)
(?)дро чачо dro chachó: (?)oikeastaan: o. hän ei halua mitään tehdä д. ев ничи на камэл тэ кэрэл (?по-сути дела)
шэро тэ пхандэс sheró te phandés: älä sido itseäsi häneen/älä ole tekemisissä/ на пхандэ тро шэро лэса (не связывайся)
чхукны/чхупны chukní/chupní ruoska (vrt. InkKuKik tshuknii – lyödä (?lievemmin) vitsalla, piiskalla (кнут)
хaлипа hálipa jääkeli (гололед, «скользняк»)
хвыль hvyl’ tuisku (пурга, ?пыль столбом)
O lava ko romane gil'a:
Masharjakiro roiben
Bolibnaster chergen kaj hachola
Tu javesa ke me, mro lacho
Kaj tu, kaj tu, lacho miro, gozho
Me tre ileske bagava gili
Kaj tu, kaj tu, lacho miro, gozho
Me tre ileske bagava gili
Jov miro tiknomas sis Devlester
Les dikhi mange baht sis lachi
Dukh bari kaj kerde mire dóske
Baht miri kaj marde ko trushil
Dukh bari kon kerdá mre ileske
Baht miri kon mardá ko trushil
Rat bari pas trushil mre chaveskro
Rat tato pir masa tre khadel
O lava na shunav me ilitka
Tiro ilo akana na marel
Jo lava me na sunav tre devlitka
Tiro ilo akana na marel
Kon tangine kada chororja
Kon ris´kirla kamles mre chaves?!
Da tirja Devel Dad tanginela
Jov mange dela te dikhav tut dzides
Da tirja Devel Dad tanginela
Jov mange dela te dikhav mre chaves
Kaj o bergi
Kaj o bergi, kaj o bergi jo vesha
Kaj has'kirna jone man /2k
Bi-Tiro Devlale me has'ovav!
2. Dzala mander, dzala mander e bibaht
Kaj rakhesa Dado man /2k
Me Tusa Devlale aj na merav!
3. Kaj o bergi, kaj o bergi jo vesha
Kaj has'kirna jone man /2k /kaksi
Me Tusa Devlale jaj na merav! /kertaa
Na dzingav man dajo!
Na dzingav man dajo, na dzingav man dado
Te dikhav haj dro sune e baht, e rada
O...oj Devla, Devlale chacho da ne
Te dikhav haj dro sune e baht, e rada
2. Grenca je lovenca Devla lodejom me
Ne chuche ilesa haj bi-Tiro achijom
O...oj Devla...
3. Baht bari e dake, bahtori dadeske
Te javel sarenge e baht Devlester!
O...oj Devla...
Рисия о чор бидатэр (гилятэр «Как служил солдат»)
Кай риселас чор э бидатэр ев,
кай родэлас ром шатры пэнгирэ;
бишт бэрша бэшто сыс о чор кало,
паш джибэ мамуй пало бар гэя!
2. Окэ ром латхъя романэ яга,
романэ яга шатры пэнгирэ;
нанэ бал кало ко шэро лэскро,
романо шэро сы сыр руп парно!
3. Пашэ яг тэрды ромнори тэрны,
ромнори тэрны, бари кралица,
нанэ бриндыца ко муй лакиро,
нанэ сыво бал дро чурья лакрэ!
4. Чурдэя якха дрэ тэрнятэ ром,
дрэ ромнятэ чор - калэя ило,
кай ла бишт бэрша на пхурьякирдэ,
на пхуранэя ей би лэскиро!
5. Ромны, ту адай хай шукар дживдян,
хай хаян-пиян, на дужакирдян! –
Окэ лав палэ лачори пхэнэл,
калори лачи, кокори ровэл!
6. Мэ на сом ромны – сом э чай тыри,
чай бидакири, бидадэскири.
Дадэ, дай мари панджь бэрша мэи,
тэлэ сапаны* сы .гара пашлы!
*кадай: земля сырая (сапаны: 2. мокрая, сырая)
7. Сари рат рундя дро полого чор,
андэ шатрица ангил Дэвлэстэ:
Джий Барэскиро* чилавэл о ди,
о ясва кхосэл/кхостя чай дадэскири!..
(гадж. – Дух Господен)
***
27.6.98(-2.8.98)
Вот и вернулся, Боже мой, в шатер цыганский
свою семью, весь смуглый род наш вижу я
вина не надо, какая радость
когда цыганок танец жгучее костра
Опять в шатры вернулся я, ромалэ, род мой
мои сестренки, братья, вновь так много нас
душа рыдала и вас искала
мои родные, одинок я был без вас
Да охранит великий Бог родной наш табор
благославение Свое нам ниспошлет
мы здесь на свете природы дети
средь леса, в поле табор пляшет и поет!
Вот и вернулся, Боже мой, в шатер цыганский...
...когда поет наш хор цыганский у костра!
***
Дыкхэн ромалэ сы дывэс аври кало,
чхиндел э мандэ о ило кана миро,
Дэвлалэ Тут мэ вса мангав,
э бахт кай би Тыро мэ на дыкхав...
Э дай, о дад кана мирэ
мэнэ, ман екхдженэс мэкнэ - мирэ лачхэ!
Мангав, яв Дэвла мангэ Дад,
ясвэндэр на сутем мэ сари рат!
Шунэн рома, ровэл ило кана миро,
нанэ э мандэ пхэнори е пшалоро,
Дэвло Исусо яв мро пшал,
э свэнто бахт бичхав мангэ опрал!
Мангав э ман тэ рипирэс,
бэрша лачхэ Ту тэ янэс, парно дывэс:
э дай, о дад, кай сы мэнэ,
явэнас Тутэр Дэвла бахталэ!
Мангас амэн тэ рипирэс,
бэрша лачхэ кана тэ дэс, парно дывэс!
Мрэ пхэнорья, мрэ пшалорэ,
ай тэ явэн Дэвлэстэр бахталэ!
***
8.11.97
Ай рисиема Дэвла мэ ко ’марэ шатри,
мири ири, сарэ ромэн изнов дыкхав,
бравинта пьява, на матевава,
кай амарэ чхая багана, матевав!
(...баган-кхэлэна...)
Ай рисием, ромалэ, мэ ко ’марэ шатри
мире пхэня, мрэ пшалорэ, тумэн дыкхав
Ило ровэлас, тумэн родэлас
би тумаро, чхавалэ, сомэс /сом мэ екхджено!
Ай тэ ракхэл баро Дэвэл амарэ шатри
тэ-бичхавэл сарэ ромэнгэ бахтори
Нанэ дро свэто никай о штэто
сыр кэ тумэ, ромалэ, рада сы бари
***
Рипирибнытко...
(э глосяса: Тихо сумерки...)
Шылалы бевель пэ пхув пэя,
Чхоноро опрэй хачхол парно,
о пхуром бэшто паш шатра,
э Дэвлэс мангэл кало...
По чханга кало шэро мэкъя,
ром ровэл э чха рипири,
Дэвла-Дадоро Тут мангав мэ,
ракх кэ Ту э бахт мири...
Дадо чхай мири лачхи мэи,
акана сы цвэты кай барьен,
бахталэ якха пхандэмэ исы
гилорья лачхэ на шунден
Штыл э рат пэ пхув ей пасия,
чхэргэня опрэй, е чхоноро,
пашэ яг бэшто ром фэлдытко,
чха рипирла дадэскро ило...
(Лэнай 1982 (набут 2010 вэсна)
Ай рисия чхаво дрэ шатра,
рома кэ пэ мишто э лэс лэнэ,
пхэня-пшала, сарэ кэ ев дэнэ-пэ,
э дай дэя бахтятэр тэ ровэл!
Сари ири изнов бэшны паш ягори.
Шунэн, мангав чхавалэ лав миро,
мрэ лачхорэ, бари бибахт дыкхем мэ,
эфта бэрша илэскэ сыс пхаро
мрэ лачхорэ, бари бибахт дыкхем мэ,
эфта бэрша чхавэскэ сыс пхаро...
Дой даранэ исыс ратя калэ-барэ,
шундем чхава о годлы руванэ;
мри даери, тро мангипэн шундя Дэвэл,
ракхъя кэ ту тэ рисевав палэ!..
Ай рисия чхаво дрэ шатра,
рома кэ пэ мишто э лэс лэнэ.
Дэвлалэ-лэ мангас ракх амарэ чхавэн,
тэна пэрэн тэрнэ дро бэшыбэн!
(романы шатрытко гилы)
Дживэн, дживэн, амарэ чхаворэ,
дживэн Дэвлэса, лачинка мирэ!
Ой, ромалэ, ай, чхавалэ,
ой, ромалэ, ай, Дэвлалэ!
Карик ту джяса мандэр, чхаворо,
тэна-дживав кай мангэ би тыро!
Дживэн, дживэн, амарэ чхаворэ...
Дэвла ракх миро ди
Чиныбнаскрэ гэнэ тэ равэн чар чинденца, кай сыр паны,
на ракхэн лулудя, нанэ танго, кай пэрла да чар.
Мэ дрэ Тутэ патяв, о Ракхари миро, миро Дэвлалэ,
’кана дужакирав, ракх о ди мро сэндостэр опрэй!
Тэ-авэл патибэ Куркэ-Джестэр, мангав, дро ило миро,
тэ джином мэ уса: дэса васт ман, кай сом дрэ бибахт.
Бáро, тэна-дарав, на мэкэса хай ман тэло састэра,
кай чинэна да чар, кэрна сэндо прэ пхув да бари!
Зорало бар чудян пирдал пожня чиндытко, Христосо Ту,
санэс, Бидошало, пири дош амари чингирдо.
Тут шари мэ багав: Три патыв сы бари, Чхаво Дэвлалэ,
миро ди-лулуди дэса ракх, тэ-дживэл ев опрэй!
* * *
Дра-да свэто Дэвэл Дад екхорэ Чхавэс дэя,
тэл чхэргенори э бахталы Масхари Лэс бияндя.
Опрэ пхус Ев чудо сыс дрэ до шталыца тыкны,
сыс коя екхатэр кхангири вашэ бахт дая бари!
Мэ Тут камам, Дэвла камам,
тэна-бистрав, сыр ман ракхъян!
Мэ Тут камам, мри Бахт, камам,
тэна-бистрав мэ, сыр ман камъян!
Бáро Дэвэл дэя ракх, Свэнто ко трушыл мэя,
тэло болыбэ о калэмо сыс мардо Дэвэл Чхаво!
Свэнтонэс на рикирлас тэло бар о мэрибэ:
хачия ягэнца штэто до, кай Исусо сыс пашто!
О англари* *пророко
А. Пушкин (романэс А. С. лэнай 2010)
Мро джий* трушатэр** сыс лэмо, *духо; **гадж. - жажда
кэ пхув чучи джибэн родавас,
шовэпхакэнгро дэвэло* *ангело
ангил* о дром миро урнялас. *=опрал
Тэ ëв ушта мрэ чиладя,
э чиб грэхитко риськирдя,
чучэлавитко тэ фуеса;
э чибори опрал дэмэ,
о дро ушта мрэ штывэмэ
чудя э ратунэ вастэса.
Мэ сомэс сыр мэно пашло,
екхатэр глос исыс шундло:
Ушты, англари, дыкх пхэрдякир
Мрэ чачипнасаса тро ило,
дия чачэ-лавэса хачкир!
Свэнто тэ скэмпари
Арво Сурво, 1980-бэршэнгиро машкар тэ 2010 бэрш
Када о лав шундëм мэ чава пхуромэндэр,
лодлэ кай* самас, сомэс мэ тэрно чаво, (здесь: когда)
.галëса дай сыр авиртэ* э барвалэндэр (иногда, подчас)
нашэл э бахт, т-авэл дро кхэр, кай* чороро. (здесь: который)
Сыс дуй пшала дро екх о гав гаджитко,
пашыл кхэра – дурал сыс лэнгрэ скаминда;
екх барвало исыс сыр крали бичибитко*, (иноязычный)
э чорорэстэ сыс эня чавэ-чая.
Пхуранэдыр пшал барвало, о нав* Адамо, (имя)
ваврэс кхардэ Аврамо, сыр джином,
савэ гадже да сыс, хай на пхучëм ада мэ:
пшалэнгэ екх законо, сы гаджë аль ром!
На сыс ни грасторо, нисо бэдэ гаджескэ,
на сыс э бахт када ирьякэ* дро джибэн, (у семьи)
кинэна грэс – мурдëла грай, сы дукх дадэскэ,
гурумнорья кинэн – латхэл ла мэрибэн!
Екхэ э датэр, е дадэстэр сыс пшала да,
хай пшал пшалэскэ дэлас вса котэр маро!
На дякэ лэндэ: барвалэскэ сыс э рада,
кай бутякирлас вашэ лэскэ пшалоро.
О мароро, ë мас али яржо кай дэлас,
на сыр пшалэскэ сыс дэмо – дро длуго хай,
тэ кэр буты ваш пэскэ вса чувэлас,
скэмпари ëв исыс баро, бибахт-хулай!
Кай сыс ива, ромны морэлас иди лэнгэ,
бажын бутятэр сыс о лабо* зорало*, (буханка затвердевшая)
али тэ-кэр буты прасталас ëй ваврэнгэ,
тэ-дэн тэ-хас дро гав ирьякэ вари-со.
Сыс барвалэстэ дуй борья, ромня чавэнгрэ,
пхуранэдыр сыс э Дэвлэстэр бахталы,
котэроро вса дэлас чорорэнгэ,
тэ-ратькирэн богэн мэкэлас дрэ таты*. (баня)
***
Пэнэ ива, э шылалы* аврял* традэла (зима с улицы...)
андрэ кхэра сарэн: гаджен, ромэн.
Екхвар бори э барвалэскири шунэла,
авно сы вари-кон – дро удара марэн.
Тэ-псиравэл гэя, дыкхэл: тэрдо сы бого,
шэл бэрш пхурэскэ, урибэн сы риськирдо;
ëв тэ-ратькир мангэл хуландэр «Ради Бога!»,
ваш Христососкэ ëв мангэл по дандоро!
Лэс тэ-мэкэл дро кхэр да дëскири камэла,
нэ дар састрэстэр, ëв сыр рув сы холямо.
Рисëл дро кхэр: Мро дадоро! – пхэнэла,
- Маро мангэл тэ тэ-ратькир о пхуроро!
Иня* ивья* сы тэ-мангэс э Адамостэр. (бесплатно бесполезно...)
- Пхэн лэскэ, о дэвэл саро хай дэл,
нанэ ничи! - пэя лав лэскрэ мостэр.
Гэя бори: Нанэ... – чорал э хач* чувэл. (поесть, еду – срв. хабэн)
***
Шунэна, дой изнов дрэ портыца марэна.
Ëв пэ борьятэ: Джя, кон марла дро удар!
Гэя – авъя: Мро дадо, о пхуро мангэла...
мэкас тэ-ратькирэл, сы э Дэвлэстэр дар!
- Тэ-джял аври тэ сыгэдыр пиро ива .гэрэнца,
бибахт тэна родэл по пэскиро шэро! -
На джяла о пхуро, вса штывимэ* вастэнца (здесь: закоченевшими)
дро удара марэл – тэ-псирадëл ило!
Ëв окэ тринто моло порта чилавэла,
ухтя, морэ’, хало холятэр чакадо*, (здесь: взбесившийся)
- Пхэн бóри, кай на джяла, о хулай мэкэла
сарэн джюклэн, хай тэ-хасëл лэскро шэро!
***
.Галëв сыс нарто да пхуро, уса марэла...
***
Гаджë мэктя сарэн джюклэн дрэ чорорэстэ,
ангил дэнэ-пэ, нэ екхатэр штывэнэ:
кэрдя вастэса о пхуро, тэ ангил лэстэ
рува цэпитка сыр бакря хай пасинэ!
Мэëм, со дасаво! – годлэл гаджë дрэ штуба,
- Кон вса марэл одой, бибахт хай лэс тэ-лэл!
Бори шуны, со чурдэнэ ушта да груба:
Пхуро тут кокорэс камэла тэ-дыкхэл!
Хало ко тэны* э холятэр арманенца, (наружные двери)
.гэрьяса тэ чинэл богос камъя. -
О лав пхэндя пхуро: Кай ту марэс .гэрэнца,
т-авэс кхуро по трин бэрша, хай лэстэ сы ная!
Шоля сыр грай дэя хулай дрэ пхув вастэнца,
.Гэра-васта парудэнэ, тэлал ная:
эн акана марэл о .гэнчто пэталэнца,
палатунэнца шылало удар радя!
Поэма сы чинды пири легенда, кай пхэндя пхуром Клима (Костя) кэ Покровка-гав паш Петербурго (домоло Ленинградо) дро 1980-бэршэнгиро машкар. О Клима сыс бахтало «лавэнгиро» тэ бахтякирдо башаибнари. Мардытконакиро (мардякирэс) о сасы (немцы) лэнэ сари лэнгири бари ири (родо). О джиибэн сарэнгиро ракхъя тэрно Клима, кай домоло сыс дэшутринэ бэршэнгиро. Ëв дякэ бахталэс башавэлас дрэ гитара, со аж сасытконэ шэралэнгирэ илэ татынэ: онэ аври мэкнэ сарэ ромэн. Климаскирэ легенды сы вари-кай дро петербурска архивы. «Чибэнгиро» (=филолого) А. Русаково дрэ екх пэскири лылвари чиндя дро кова.
Page updated
Google Sites
Report abuse