Dieke nak èn veel pretense
Naar het VRT radio- en TV-programma ‘DE RECHTVAARDIGE RECHTERS’
Tekst : Guy ILSEN
Dieke nak èn veel pretense
Refrein
Dieke nak (klets klets) en veel pretense
Lank (klets klets) oas konfjense
Zèt al dee Hesselieëre mar ‘s èn in blóéete kont
Da’s (klets klets) gezond
‘n Hessels zebrapad
Doa kujje krieëg op lóépe
Dee kins dee es zoe plat
Dzje briek begot ouer póéete
Ne koajen avvekoat
Weu doabbèè gare spènne
Ma dieë mins dieë haa ‘t koad
Hieë kos ze perses ni wènne
Refrein
Nen hond mut aaf en téû
Èn Olland heet ta poepe
Zoe’n bíés dej vils te géû
Ènne mids van alle stoepe
Dan blif dieë schóéene stront
Al an ouer schinkes plakke
Ma lieërt toch oueren hond
Rob z’n kakzekskes te pakke
Refrein
Èn Riengs doa weur ‘n vreu
Dee weu nog e beebeeke
Ze zee iech douen ni fleu
Iech vroag ‘t an Renéke
Ma dieën erreme mins
Z’n noald weu nemíé strieke
Toen zee dee vreu ènins
Dan goan iech miech íéne pieke
Refrein
Èn Spalbeek weur ne mins
Dieë kos zoe híél schóéen diechte
Z’n verze koumen ènins
Zonder ze keetsje op te liechte
Z’n Hessels monnement
Da es ne kaae stíén
Dieë mins weur malkontent
Want hieë kreeg derek ‘t spieën
Refrein
Den Herman z’n Marjan
Da’s ‘n híél sportejf
Wa dee ni allemoal kan
En ‘t ès euch nog ‘n lejf
Verkíép eer naaks lèèf
Vir te basketballe
‘Ch gieëf gjâân nen euro of vèèf
As ze dieë bal líét valle
Refrein
Laurent dieë koum no ‘t stad
Èn ni vir e perseske
Hieë mos va z’ne schat
’t Weur vir e néû jeske
Hieë goenk no Helse Stèèn
En koch ziech e kolbèèrke
De prins zee toen híél fèèn
De faktejer ès vir Albèèrke
Refrein
Hesselse spelling: Marco Clerinx