Zonder m’n stad , m’ne boelvaar

VERLOREN HART, VERLOREN DROOM - Johny White                                                   

Tekst : Guy ILSEN

Zonder m’n stad , m’ne boelvaar

Hèè liek iech, anne Costa, op m’ne rèk

De geer vanne smieër, èn vanne minse

Iech níém vèèf staare, al t’rop èn t’raän

Ma iech mis m’n Hasselt, va begèns aaf âân

Iech mis m’n stad, mis de boelvaar

‘ch goan hèè kapot, iech wil no téûs

Refrein    

Zonder m’n stad, m’ne boelvaar

Wa mut iech douen

Iech wissel drèk de schunste Costa vir m’n Hasselt

Zonder m’n stad, m’ne boelvaar

Vejel iech miech rââr

Iech wieër zoe ziek, van al dee dieke Dèètsers

De Gróéete Merrek, bè ‘n frisse pient

Doaveer zeu iech alles, joa alles wille gieëve

Me lejf heet Hasselt, ze maak miech kapot

Ins op vakkanse, dan wieër iech zot

Zonder m’n stad, m’ne boelvaar

Wa mut iech douen, iech vejel miech rââr

De sangria dieë kim miech an m’n óéeren éût

Paëlla es ‘t zeve daag ènne wieëk

Ma nen echte witte, zejje hèè ni stoan

Iech wil m’n borrel, vir ’t sloape goan

Iech mis m’n stad, mis de boelvaar

‘ch goan hè kapot, iech wil no téûs

Refrein (2x)

… iech wil no téûs !

Hesselse spelling: Marco Clerinx