JE SAIS - Jean Gabin
Tekst : Yvo SEVERI
Iech weet ‘t
‘ch weur e joar of drèè, ‘n véûs hóéger as e verreke
da louet iech te minse gjâân merreke
èn iech roup : iech weet ‘t
da weur ènnen opgank, toen mos ‘t nog begènne
ma iech wis : iech zèn bènne
want tees, da weur ‘t, da weet iech zeker
ma as iech vandaag achter miech kejk,
dan zejen iech ne wieëreld moe iech dèk rond zèn gewieës
en iech weet nog altëd ni wèè da ’t kim da‘m ronttraat
wèè‘ch 25 weur, wis iech al: ‘t geld, den ammouer, ‘t lieëve
èn den ammouer, iech hèb ter híél ewa gegeuve
ma gelèkkig ni ènins al mè kréût verscheute
want ènne mids va me lieëve hèb iech noch ejt gelieërd
en wa‘ch toen gelieërd hèb, ès ieëve schóéen as simpel:
den daag da doa ejmand van oech hield, da’s schóéen
da kujje ni anes zègge, da’s híél schóéen
dan nog ès ‘t lieëve ni gedoan
want ènnen hèrrefs blif ‘t voarsbestoan
dzje vergiet rapper wa doa ès mislèk
ma ne lejve lach dieë kim altëd trèk
hiel m’n jeunesse hèb iech altèd wille zègge: iech weet ‘t
allíén, wèè langer iech ziekde, wèè mènder da’ch vond
de hèrrefs va me lieëve ès néû diffenetejf begos
èn iech stoan soaves dèk béûten anne kant vanne bos
en dan weet iech ‘t, iech weet ta ve’t nóéet zulle wete
ni ever ammouer, geld of aner zakes
of polletejk, moe-ever ve toch nóéets takkoard zulle gerake
da ès ’t íénigste wa‘ch weet, en da ès tan euch al wa iech weet
Hesselse spelling: Marco Clerinx