SteTS I TRUURE

Stets in Truure muess i läbe

Säg, mit was han i's verschuldt?

Wül mi Schatz isch untreu worde

Muess i's lide mit Geduld.

Bisch mir zwar us min Ouge

Aber nid us minem Sinn

Hättisch mir wohl dörfe gloube

Dass i treu gewese bin.

Rächti Liebi chunnt vo Härze

Rächti Liebi, die brönnet heiss

O wie wohl isch's einem Mönsche

Wo nid weiss, was Liebi heisst.

Spielet uf, ihr Musikante

Spielet uf das Saitenspiel

Minem Schätzli zu Gefalle

Mög's verdriesse, wän es will.

Bis die Bärge tüe sech biege

Und die Hügel sänken sich

Bis der Tod mir nimmt ds Läbe

Solang will i liebe Dich.

Bis der Mühlistei treit Räbe

Und drus fliesst so süesse Wy

Bis de Distle trage Fige

Solang söllsch du blybe my.