Fasch win es Gebätt

No bisch es Buech mit lääre Syte u niemer het drygschribe,

i schrybti gärn als erste dry, e Spruch wo dr söll blybe.

Ke Zierschrift u ke Firelfanz, wüll dä Spruch woni hätt, 

sött klar u eifach drinne stah, fasch so wie nes Gebät.

Gib mer Ouge wo chöi luege, i wett meh aus nume gseh.

Gib mer Ohre wo chöi lose, we me lost de ghört me meh.

Gib mer Flügel wo mi trage, sowyt e Troum eim treit

u ne Stimm wo für all di Wunder, ab u zue mal Danke seit.

Gib mer Fües wo chönne loufe u d Geduld mal blybe z stah.

Gib mer Händ wo chöi begryffe, we dr Chopf nümm nachema.

Gib mer Flügel wo mi trage, sowyt e Troum eim treit

u ne Stimm wo für all di Wunder, ab u zue mal Danke seit.

Am Afang chasch no nüt drfür, was i dym Büechli steit,

ersch nadisna übernimmsch de ds Stüür u seisch wos düregeit.

Säglisch mal ganz her am Wind us verschlat dr fasch dr Schnuuf,

de blettere zrügg u schla wider mal di ersti Syte uf. 

Gib mer Ouge...