LH1-LH2-LH3
AURKEZPENA - HAUSNARKETA
Maddi neska berezia da, eta ez ezerk ez inork ez du lortuko haren ezaugarriei balioa kentzerik, amak gakoa eman baitio edozein kritikaren aurrean airoso ateratzeko: autoestimua, irudimena eta naturaltasuna.
"Tximelata belarriak" ipuina formato digitalean ikusi eta gero, eztabaida bat egingo da, taldean, eta irakasleak galderak egin ditzake, adibidez:
Zer gertatzen zaio protagonistari?
Zergatik egiten diote iseka?
Zer egiten du?
Ausarta iruditzen al zaizue protagonista?
Bere burua defendatzen du?
Nola erakusten du hori?
Ezagutzen al duzue halako beste kasurik?
Nola sentituko ote da pertsona hori?
Eztabaida amaitu ostean, ikasle bakoitzari bere erretratua emango diogu (A4/zuribeltz) eta ispilua bailitz aurrean ipiniko dira. Animaliak eredutzat hartuta, beraien buruarengan antzekotasunak bilatu, konparatu, parekatu,... ipuinean bezala:
Nik aho txikia dut, pinoizkoa.
Nik begi txikiak ditut, txorien modukoak.
Nik belarri handiak ditut, Dumbok bezala.
Nik eskarola baten moduko ilea daukat.
AUTOERRETRATUA
HELBURUAK
Collage teknika ezagutzea.
Trazoak errespetatzea.
Taldekako lanaz gozatzea /errespetuzko jarrera adieraztea.
MATERIALAK: azgizarizko margoak, testura ezberdinetako paperak, aldizkariak, material birziklatua, guraizeak, kola,...
DESKRIBAPENA
Aurreko saioan banandutako norberaren argazkiak oinarri hartuta, ikasle bakoitzak bere autoerretratu artistikoa egingo du.