EcoArte é un proxecto onde o alumnado do Club de Ciencia deseña galerías de obras de arte con cadros moi famosos que nos mostran como poderían estar as súas paisaxes nun futuro non moi afastado se non tomamos conciencia do que sucedería se non facemos un bo tratamento dos residuos e xeramos lixo en exceso.

Os museos constan de varias salas para visualizar os cadros editados con diferentes programas de fotografía segundo os artistas sexan internacionais, nacionais ou galegos. Ademais atopamos personaxes que van guiando a visita ao museo e van recordando a importancia de coidar o medio ambiente e as consecuencias tan desastrosas da contaminación.