Napapansin mo ba ang mga isyung hinaharap natin araw-araw? Maliban doon, paano natin siya masosolusyunan? Sa tulong ng Araling Panlipunan ngayong taon, sabay-sabay nating alamin kung ano ang mga tamang gagawin para sa mga suliraning ito. Sa parte ng portfolio na ito, matutuklasan ninyo ang aking mga hakbang bilang isang kabataan upang magkaroon ng kontribusyon sa ating lipunan.
Embedded Files
UNANG MARKAHAN
Mga Gawain⋆.ೃ࿔*:･
Takdang Aralin #1
Takdang Aralin #1
Hindi man natin namamalayan ngunit may iba’t ibang isyu tayong pinag-uusapan sa ating araw-araw na pamumuhay. Sa tulong ng gawaing ito, aking napagtanto ang mga sanhi ng mga isyung ating hinaharap sa kasalakuyan. Kagaya ng mga halimbawang aking ibinahagi, karaniwang mayroong mga negatibong epekto ito sa tao, kapaligiran, o kaya naman sa ating ekonomiya.
Takdang Aralin #2
Dahil sa takdang aralin na ito, naipahayag ko nang mas malinaw at detalyado kung paano natin isinasabuhay ang mga araling aming pinag-uusapan ukol sa kontemporaryong isyu. Sa pamamagitan ng mga konkretong halimbawa at personal na karanasan, naipakita ko kung paano ang mga konsepto na aming natutunan sa klase ay may direktang aplikasyon sa ating pang-araw araw na buhay. Sa ganitong paraan, ang aming takdang aralin ay nagbigay ng mas malalim na kamalayan at responsibilidad sa bawat isang mamamayan sa mundo.
Takdang Aralin #3
Ang ating kapaligiran ay isa sa mga pangunahing biktima ng iba’t ibang isyu na kinakaharap natin ngayon. Ngunit paano nga ba natin magagawan ng solusyon ang mga ito? Sa pamamagitan ng takdang aralin na ito, nabigyan ko ng mga paraan para maagapan ang mga maaaring sakunang ating harapin. Maliban sa kalikasan, maaapektuhan din ang ating mga kalusugan at kabuhayan. Sa kabila ng mga hamong ito, mahalaga na tayo ay magtulungan upang makahanap ng mga solusyon.
PANGALAWANG MARKAHAN
United Nations Celebration ⋆.ೃ࿔*:･
Tuwing buwan ng Oktubre, ipinagdidiriwang natin ang United Nations Celebration. Bilang isang kikay na babae, isa ito sa mga pinaka-inaabangan kong okasyon sapagkat nagkakaroon ako ng pagkakataong mag-ayos at magsuot ng mga magagandang damit. Para sa taon na ito, napili ko ang bansang “France” dahil gustong-gusto ko ang kanilang sosyal at eleganteng pananamit, at nais kong masubukan ito. Kami ay nagpatahi ng aking susuotin sapagkat wala akong mahanap na damit na eksaktong pasok sa aking naiisip at pamantayan.
Tunay na nakatutuwa ang okasyon na ito dahil bukod sa kami ay nakapag-ayos, nagkaroon din kami ng maliit na salo-salo na naaayon sa kontinenteng nakatalaga sa amin. Sa pamamagitan nito, mas nabuksan ang aking isipan tungkol sa Europe at napakaraming bagong kaalaman ang aking natutunan. Sayang lamang at hindi namin natapos o naipresenta nang mas maayos ang role play na matagal naming pinaghandaan. Ngunit, sa kabila nito, ako ay nagagalak na maranasan muli ang okasyong ito ngayong taon.
Ang United Nations Celebration ay hindi lamang tungkol sa magagarang damit at kasiyahan, kundi ito rin ay nagbibigay-daan sa amin upang mas maunawaan ang iba't ibang kultura at tradisyon ng mga bansa sa buong mundo. Ang mga karanasang ito ay nagpayaman ng aking kaalaman at nagbigay-inspirasyon upang maging mas bukas sa pagkakaiba-iba ng bawat kultura.
Educational Tour ⋆.ೃ࿔*:･
Barasoain Church
Barasoain Church
Casa Real Museum
Casa Real Museum
Sand Box
Sand Box
Essay
Essay
Pagkatapos ng aming educational tour, masasabi kong ito ay isa sa mga karanasang tatatak sa aking puso’t isipan pagkatapos ng Junior High School. Marami akong nabuo na mga alaala at samahan kasama ang aking mga kaibigan at kaklase. Bukod doon, napakarami ko ring natutunan tungkol sa ating kultura at tradisyon mula sa aming mga pinuntahang lugar.
Sa lahat ng mga ito, masasabi kong pinakanagustuhan ko ang Sand Box, sa kabila ng mainit na panahon at mahahabang pila. Dito ko naramdaman ang tunay na pahinga at labis kong ikinalugod ang pagkakaroon ng masayang sandali kasama ang aking mga kaklase.
Ang bawat lugar na aming binisita ay nagbigay ng bagong kaalaman at pag-unawa. Mula sa mga makasaysayang site hanggang sa mga palaro, natutunan ko ang halaga ng ating mayamang kultura at tradisyon. Ang mga karanasang ito ay hindi lamang nagpayaman ng aking kaalaman kundi nagpatibay rin ng aking pagkakaibigan at samahan sa mga kaklase.
Sigalot sa Teritoryo at Hangganan ⋆.ೃ࿔*:･
Dahil sa aking pagliban sa online classes, hindi ko napansin na mayroon pala kaming mga dapat na ipasa sa asignaturang ito. Inaamin ko ang aking pagkakamali na hindi ko agad tinignan ang aming mga dapat na gawin. Lubos kong pinasasalamatan si Sir Vasallo sa kaniyang pagiging “considerate” at sa pag-unawa sa aking sitwasyon. Dahil dito, nais kong bumawi sa kaniya at pagbutihin pa ang aking mga susunod na gawain. Sa tulong ng aming libro, nagawa ko pa ring sagutan ang mga ibinigay na katanungan at lubos na naintindihan ang mga isyu tungkol sa sigalot sa teritoryo at hangganan. Ang karanasang ito ay nagbigay sa akin ng mahalagang aral tungkol sa pagiging mas maasikaso at responsable sa aking mga takdang-aralin.
IKATLONG MARKAHAN
Mga Takdang Aralin ⋆.ೃ࿔*:･
Gawain #1
Gawain #1
Gawain #2
Gawain #2
Mga Gawaing Pang-upuan ⋆.ೃ࿔*:･
Pangkatang Gawain
Pangkatang Gawain
Mga Pagsusulit ⋆.ೃ࿔*:･
Maikling Pagsusulit #1
Maikling Pagsusulit #1
Maikling Pagsusulit #2
Maikling Pagsusulit #2
Overall Reflection ฅʕ•̫͡•ʔฅ
Para sa ikatlong markahan, ang mga aralin namin sa Araling Panlipunan ay tunay na kumuha sa aking atensyon. Napansin kong napapanahon ang mga tinatalakay namin sapagkat marami akong nakikita sa internet na mga isyung konektado sa mga aralin namin. Isa na rito ay ang teenage pregnancy at ang LGBTQ community.
Nakatutuwang makita na bukas na ang isipan ng mga tao sa pag-aaral ng mga ganitong isyu. Mahalagang maunawaan natin ang mga ito upang maiwasan ang diskriminasyon at marespeto ang karapatan ng bawat isa. Lalo na kami ay nasa edad kung saan maraming “curious” sa mga bagay-bagay, ang mga aralin na itinuro sa amin ay siguradong makatutulong sa amin para maingatan ang aming sarili at ang mga aming nakakasalamuha.
Bukod dito, napansin ko rin ang kahalagahan ng pagtuturo ng mga konsepto ng gender equality at reproductive health sa mga kabataan. Sa pamamagitan ng mga araling ito, natututo kaming maging responsableng mga mamamayan na may malasakit sa iba at sa lipunan.
Masasabi kong ang mga aralin na ito ay hindi lamang akademikong pangangailangan kundi isang mahalagang hakbang sa paghubog sa amin bilang mga sensitibo at mapanagutang miyembro ng lipunan. Ang pag-unawa at pagtalakay sa mga isyu ng teenage pregnancy, LGBTQ community, gender equality, at reproductive health ay nagbibigay sa amin ng mas malawak na perspektibo at mas malalim na empatiya. Ang mga araling ito ay hindi lamang para sa aming personal na pag-unlad kundi para rin sa ikabubuti ng buong komunidad.
Sa huli, naniniwala akong ang edukasyon tungkol sa mga isyung ito ay isang mahalagang sangkap sa paghubog ng isang makatarungan, pantay, at inklusibong lipunan. Patuloy akong magsusumikap na pagyamanin ang aking kaalaman at ibahagi ito sa iba upang magtaguyod ng pagbabago at positibong pag-unlad.
IKAAPAT NA MARKAHAN
Overall Reflection ฅʕ•̫͡•ʔฅ
Bilang isang kabataan, napakahalaga ng pagkakaroon ng sapat na kaalaman tungkol sa mga katangiang dapat hanapin sa isang lider na may posisyon sa politika. Sa ganitong paraan, makakamit natin ang mga lider na tunay na karapat-dapat sa kanilang kapangyarihan—hindi yaong mga nang-aabuso o nangmamalabis. Gamit ang ating mga boses, maaari nating ipalaganap ang mga impormasyong ito upang masiguro ang kalidad ng pamumuno.
Bukod dito, mahalaga ring maunawaan kung paano gumagana ang sistema ng politika. Ang pagiging “politically aware” ay may malaking papel, kahit tayo’y bata pa lamang at hindi pa botante. Ang kaalamang ito ay magiging pundasyon ng ating kinabukasan, lalo na’t tayo ang itinuturing na pag-asa ng bayan.
Ngayong nalalapit na ang pagtatapos ng pang-apat na markahan sa Araling Panlipunan, nais kong samantalahin ang pagkakataong ito upang magbigay-puri kay Sir Vasallo, ang aming guro sa loob ng dalawang taon. Siya ang gurong hindi lamang maaasahan sa pagtuturo, kundi maaari ring makabiruan at makatawanan. Sa kabila nito, mataas ang respeto ko sa kanya dahil sa kanyang walang sawang pagsisikap na makiisa sa mga estudyante. Dahil dito, lagi akong inspirado na makinig sa kanyang mga klase at magpakita ng taos-pusong kooperasyon.
Maraming salamat, Sir Vasallo, sa mga masasayang alaala at mahahalagang aral na iniwan mo sa amin. Ang mga ito ay mananatili sa aking puso saan man ako magpunta.
End ☆*: .｡. o(≧▽≦)o .｡.:*☆
Page updated
Report abuse