18 ára og yngri

Tilvísun þarf frá lækni, hjúkrunarfræðingi í ungbarnavernd, skólahjúkrunarfræðingi eða skólasálfræðingi.  

Sálfræðingar meta vanda og veita börnum viðeigandi meðferð við vægum eða miðlungs alvarlegum hegðunar- og tilfinningavanda og foreldrum þeirra ráðgjöf. Almennt er miðað við 4-6 viðtöl.

Áhersla er lögð á rétta meðferð í samræmi við greiningu. Við ákveðnar aðstæður er barni vísað á hópnámskeið eða hópmeðferð.  

(heimild, síða HSN (febrúar 2024: https://island.is/s/hsn/salfelagsleg-thjonusta)

18 ára og eldri

Tilvísun þarf frá lækni. 

Í þjónustunni felst mat á vanda, meðferðaráætlun og viðeigandi meðferð við þunglyndi, kvíðaröskunum og áfallastreituröskun þar sem vandi er vægur eða miðlungs alvarlegur.

Ákvörðun um meðferð í hópi eða einstaklingsviðtölum byggir á klínísku mati sálfræðings. Í þeim tilfellum þar sem meðferð í heilsugæslu er ekki talin raunhæf vísar sálfræðingur á önnur úrræði.

Sálfræðingar HSN gera ekki taugasálfræðilegar athuganir, þ.e. ADHD-athuganir, athuganir á einkennum einhverfu eða greindarmat.

(heimild, síða HSN (febrúar 2024: https://island.is/s/hsn/salfelagsleg-thjonusta)