PAHUPAHU
FIND OUT WHAT'S HAPPENING IN TE WHARE ANGITU HERE!
ToA Tiaki Taiao ki Kohutapu Lodge, Murupara
I tū te Uri Wānanga ToA Tiaki Taiao ki Kohutapu Lodge, Murupara i te wiki tuatahi o te wāhanga tuarua o te tau. I tae mai ngā Uri nō Te Kao, Hīrangi, Ruātoki me Whakatupuranga Rua Mano ki te wānanga tahi, ki te ako tahi, ki te whakawhanaunga anō hoki.
I rawe te kite ā tinana, i ngā Uri e aro atu ana ki ngā kōrero taketake o taua wāhi me te ako i ngā rautaki whakaora taiao a ngā kaitiaki o reira. I tutuki i a rātou ngā mahi katoa, kounga ake nei!
Ngā mihi nui ki ngā kaitakawaenga o ngā kura, e kaha tautoko nei i tēnei kaupapa kia eke ai ngā Uri ki Te Tihi o Angitu. Me tuku mihi anō hoki ki a Matua Earle rāua ko Koka Oriwia nō Tapuwaekura, me ō rāua pūkenga nui i whakawhārikihia hei akoranga mā tātou katoa.
E mihi kau ana a Te Whare Angitu ki a koutou katoa.
Te Whare Angitu Karahipi
Tonoa mai ō pepa tautoko ki Kia eke ki te Tihi o Angitu Karahipi Pepa Tono
Rangimarie Mahuta Pou Angitu
He pānui tā te Pou Angitu
Nau mai te tau hou nei me ōna hua katoa.
Ka rere tonu ngā mihi ki a koutou katoa i o wā kāinga. Ko te manako ia e haumaru ana koutou i o wā kāinga. E whai wāhi tonu ana ki ngā ringawera hou kua tatu mai ki waenga i a tātou, nō mātou, nō a tātou Kura ā Iwi te whiwhi.
Pai Mārire
Koia ēnei ko ngā kaupapa e wāwāhi ana i ngā mahi o Te Whare Angitu. Kia poto te kakau i tēnei wā heoi anō mō roto i ngā marama e whai ake nei ka kite ka rongo i ngā reka pea o ngā whakaritenga nei.
E rere tonu ana a mihi ki a Hannah mō ana whakaritenga i tērā tau kia tū ai ko a tātou hōtaka Uri.
Hei tēnei wāhanga ko te Hōtaka Toa Taiao tuatahi o NKAI e hīkaka ana te ngākau ki te tutakitaki i ngā Uri nō Te Kao i te Tokerau, nō Ruātoki i te Rawhiti, nō Whakatupuranga Rua Mano i te tonga, nō Hīrangi i te puku. Tekau mā waru ngā Uri nō ngā kura e whā o te motu.
Hei te 8 o Pēpuere ka rewa ko ngā karaehe rorohiko. Hei ngā Turei me ngā Taite 12-2pm.
Hannah Simmonds Kaihautū Pūrau
Kaitaunaki Angitu: e whakatau ana i a Hinepūkohurangi Day i waenga i te tīma.
He uri ia nō Ngai Tūhoe, Ngāti Awa, Te Arawa me Tuwharetoa. Kua hono tahi mai ia ki te tautoko i ngā mahi o Te Whare Angitu.
Kaiwhakatere Toa Taiao: Nō mātou tonu te maringanui i tatu mai o Tapuwaekura ki roto i a tātou. Ko ngā Kaiwhakatere matua o te rōpū nei ko Earle Kārini rāua ko Oriwia Spooner, he kaiako Reo Māori, he kaiako pūtaiao i ōna wā.
Eugene Davis
Kaihautū Rīki
Kaihautū Rīki: Kua hoki hīkaka mai a Eugene Davis i waenga i te tīma. Māna tonu a TAIKURA me ngā puni ā rohe, ā motu anō e whakarite e whakahaere i tēnei tau.
ToA TIAKI TAIAO 2022
Ānei ngā rā timatanga o te tau 2022!
HUI TOPA 1: Tūrei 8th Pepuere, 12pm - 2pm
WĀNANGA 1: Mane 14th Pepuere – Wenerei 16th Pepuere
Ā-IPURANGI
NGĀ AKORANGA 2022
Te Whare Angitu are running a new course for Year 9-12 Uri in 2022:
This courses will provide uri with:
access to expertise and resources to support learning about Tiaki Taiao
NCEA opportunities and the learning experiences to build leaders in Tiaki Taiao
To be eligible for these courses Uri must meet academic requirements and come from Kura who do not currently have access to NCEA specialist Pūrau (STEM) teachers.
Find out more here
PŪRAU - WĀNANGA WHAKARITE 2021
I tū te wānanga tuatahi mō ngā Uri kua uru mai i ngā hotaka Pūrau.
1 Tihema: 5 Uri o te Wharekura o Ruatoki I tae ā-tinana ki Whakatāne
2 Tihema: 15 Uri I hono mai I tētahi hui topa, mai I ngā kura o:
Te Wharekura o Ruatoki
Te Kura o Hirangi
Te Kura ā Iwi o Whakatupuranga Rua Mano
Te Kura o Te Kao
Ngā whāinga:
kia tūtaki tātou
kia ako I ētahi o ngā taupānga hei āwhina
timata te ako i roto i Te Whare Angitu!
Rawe te tūtaki i ngā Uri, te timata hoki i ngā mahi ako.
Tūwhitia te hopo, mai rangatia te angitū!
TAIKURA RIIKI 2021
He tīma tuakana ēnei i whakatōpu mai e Ngā Taiatea Wharekura, Te Wharekura o Rakaumanga me
Te Wharekura o Manaia i raro tonu i te maru o NGĀ KURA Ā IWI - TAIKURA.
I waimarie ēnei tīma ki ngā whakataetae rīki UPPER CENTRAL ZONE me tōna tikanga ka haere ki te
NEW ZEALAND SECONDARY SCHOOL COMPETITION.
Taihoa ake nei ngā whakaritenga mō te toenga o te tau.
