Período de dificultades políticas, económicas e sociais que se produciu nos territorios do Imperio Romano durante a etapa coñecida como o Baixo Imperio (entre o século III e V). Como consecuencia dun cambio climático e do final das conquistas, produciuse o descenso da produción agraria e a suba dos prezos debido  á falta de man de obra. Ademais a inestabilidade política  e a inseguridade producida polos ataques dos pobos bárbaros  deu lugar á redución do comercio e a un proceso de ruralización que afectou a todo o conxunto da sociedade romana.

• QUE? Período de dificultades políticas, económicas e sociais

• COMO? o descenso da produción agraria e a suba dos prezos producido debido  á falta de man de obra xunto coa inestabilidade política  e a inseguridade producida polos ataques dos pobos bárbaros  deu lugar á redución do comercio e a un proceso de ruralización

• POR QUE ou PARA QUE? debido a un cambio climático, ao fin das conquistas  

• CANDO E ONDE? nos territorios do Imperio Romano durante a etapa coñecida como o Baixo Imperio, entre o século III e V.

• QUEN? afectou a todo o conxunto da sociedade romana

Sistema de produción agrícola que se elabora con técnicas e ferramentas tradicionais polo que esixe numerosa man de obra e coa que se obtén unha produción escasa e baixos rendementos. Os principais cultivos adoitaban ser de secaño (cereais) en rotación con barbeito. A produción, sen apenas excedentes, destinábase ao autoconsumo para garantir a autosuficiencia alimentaria dos campesiños e as súas familias. Este tipo de agricultura practícase nas rexións subdesenvolvidas do mundo polo que, no Antigo Réxime (séculos XVII e XVIII), dábase en practicamente toda Europa.

• QUE? Sistema de produción agrícola

• COMO? elaborada con técnicas e ferramentas tradicionais que esixe numerosa man de obra e coa que se obtén unha produción escasa, destinada ao autoconsumo e sen apenas excedentes. Os principais cultivos adoitaban ser de secaño (cereais) en rotación con barbeito. 

• POR QUE ou PARA QUE? para garantir a autosuficiencia alimentaria dos campesiños

• CANDO E ONDE? nas rexións subdesenvolvidas do mundo. No Antigo Réxime, séculos XVII e XVIII se daba en practicamente toda Europa.

• QUEN? -

Grupo social que se desenvolveu nas cidades europeas a partir do século XII e durante toda a Idade Media formado por artesáns e comerciantes que vivían nas cidades (burgos). A base da súa riqueza estaba no diñeiro que obtiñan pola venda dos seus produtos e polos beneficios que xeraban os seus negocios e, por iso, dividíase en alta burguesía, formada por grandes comerciantes e banqueiros, e pequena burguesía, que incluía aos mestres artesáns e os pequenos comerciantes.

• QUE? Grupo social

• CANDO E ONDE? nas cidades europeas a partir do século XII e durante toda a Idade Media.

• QUEN? artesáns e comerciantes que vivían nas cidades (burgos)

• COMO?  dividíase en alta burguesía, formada por grandes comerciantes e banqueiros, e pequena burguesía, que incluía aos mestres artesáns e os pequenos comerciantes.

• POR QUE ou PARA QUE? a base da súa riqueza era o diñeiro que obtiñan pola venda dos seus produtos e polos beneficios que xeraban os seus negocios

Asociación económica que aparece nas cidades europeas a partir do século XII e durante toda a Baixa Idade Media e está formada polos artesáns dun mesmo oficio agrupados en mestres, oficiais e aprendices. Para evitar a competencia, os gremios controlan a produción como un monopolio xa que fixan os prezos, distribuían as materias primas, aseguraban a calidade dos produtos, asistían aos artesáns e ás súas familias mediante unhas cotas e controlaban a formación e a carreira profesional dos artesáns.

• QUE? Asociación económica

• CANDO E ONDE? nas cidades europeas a partir do século XII e durante toda a Baixa Idade Media.

• QUEN? os artesáns dun mesmo oficio agrupados en mestres, oficiais e aprendices.

• COMO?  controlan a produción como un monopolio xa que fixan os prezos, distribuían as materias primas, aseguraban a calidade dos produtos, asistían aos artesáns e ás súas familias mediante unhas cotas e controlaban a formación e a carreira profesional dos artesáns.

• POR QUE ou PARA QUE? para evitar a competencia.