COMO CONSTRUIR UN CASTELO?
FASE 1 | DIARIO DE CAMPO
Ferramentas:
3 follas de papel DIN A4.
1 cartulina de cores DIN A4 para a portada ou papel decorado.
Cortadora de papel.
Fío perlado ou fío encerado.
Agulla grosa para perforar e coser.
ELABORA O TEU CADERNO:
Paso a Paso
Asegúrate de que as túas follas e máis a túa cartulina teñan o mesmo tamaño.
Dobra as follas e a cartulina pola metade.
Se tes máquina de coser, podes coser o teu caderno pola liña da dobrez.
Se non tes máquina de coser, marca no centro da liña da dobrez, no interior do caderno, 1 punto. Sinala, aos lados do punto anterior, 2 ou 4 puntos máis coa mesma separación entre eles.
Suxeita o teu caderno con pinzas e perfora as follas polos puntos que marcaches coa axuda dunha agulla grosa ou dun punzón.
Cose o teu caderno dende o punto central (como ves na imaxe do lado) deixando o cabo do fío para facer un nudo ao rematar.
Se non entendiches nada podes mirar os tutoriais que tes a continuación...
FASE 2 | INVESTIGACIÓN
INVESTIGA AS FUNCIÓNS DUN CASTELO:
Paso a Paso
Busca información sobre a vida nun castelo medieval: quen vivía nun castelo?, que cousas se facían nun castelo?, que habitacións había?, que partes ten un castelo?, etc.
Resume e organiza toda a información e anota as cousas máis importantes e xenerais nas páxinas 1 e 2 do teu caderno. Deixa a portada en branco para o índice que debes incluir ao final. Consulta na fotografía a que folla corresponde cada páxina.
o interior do teu caderno.
(So están debuxados os folios brancos.
Non aparece a cartulina que empregaches como portada)
FASE 3 | INSPIRACIÓN CREATIVA
COMPLETA O TEU CADERNO:
Paso a Paso
Reserva unha dobre cariña do teu caderno para un castelo diferente (4 en total).
Busca información sobre castelos medievais europeos que visitaras ou que miraras nalgunha película.
En cada dobre cariña do teu caderno sitúa o nome do castelo coma se fose un título. Debuxa ou pega imaxes dese castelo e inclúe anotacións, anécdotas e detalles históricos que te parezan importantes para explicar como se vivía no castelo durante a Idade Media.
Decora o teu caderno como prefiras e lembra que a presentación conta para nota.
Se non coñeces ningún castelo, baixa á Biblioteca do Barral e consulta estes libros...
FASE 4 | MAQUETA DO CASTELO
DESEÑA O TEU CASTELO:
Paso a Paso
Busca un material duro como o cartón que podas usar como superficie. O tamaño da maqueta ten que ser 50x50cm.
Debuxa planta do teu castelo e distribúe as partes que vai ter (murallas, portas, torre da homenaxe, etc.)
Emprega caixas e cartón vellos e de reciclaxe para construir as diferentes partes do teu castelo medieval.
Unha vez que o castelo estea construído podes decoralo como mellor te pareza e lembra que a presentación conta para nota.
FERRAMENTAS FRIKIS QUE PODES EMPREGAR PARA INSPIRARTE:
Castle in the mist
by Watabou
by Watabou
Xerador para crear unha cantidade infinita de castelos. Se clicas no botón dereito abrirase un menú con todas as posibilidades.
How to draw a castle map
by PathsPeculiar
by PathsPeculiar
Este tutorial axudarache a debuxar a man as principais partes dun castelo medieval básico como as murallas e as torres. Combinando as dúas estruturas poderás crear unha gran variedade de castelos.
How to draw a village map
by PathsPeculiar
by PathsPeculiar
Este tutorial axudarache a debuxar a man un mapa con edificios e elementos vexetais. Combinando todas as estruturas poderás crear unha gran variedade de vilas e cidades.
How to draw a dungeon map
by PathsPeculiar
by PathsPeculiar
Este tutorial axudarache a debuxar a man un plano sinxelo, visto dende arriba. Cun poco de imaxinación poderás crear unha gran variedade de espazos interiores.
One page dungeon
by Watabou
by Watabou
Xerador para crear unha cantidade infinita de espazos interiores. Se clicas no botón dereito abrirase un menú con todas as posibilidades.
OUTRAS FERRAMENTAS INTERESANTES:
Perilous Shores
by Watabou
by Watabou
Xerador para crear unha cantidade infinita de mapas de estilo antigo e icónico perfectamente decorados con montañas, bosques, etc. Se clicas no botón dereito abrirase un menú con todas as posibilidades. Incluso podemos marcar elexir o tipo de elementos que debe conter o noso mapa.
Atallos do teclado:
Enter - xerar un mapa novo
Ctrl+Z - volver ao mapa anterior