Vinir Zippýs er námsefni sem tók til notkunar á Íslandi árið 2007. Námsefnið nýtist í félagsfærniþjálfun barna á elstu deildum leikskólans og fyrstu árum í grunnskóla. 

Námsefnið fellur í flokk lífsleiknis og var það útbúið til þess að aðstoða börn við að efla félagsfærni sína. Þau læra nýjar leiðir til þess að tjá tilfinningar sínar og tileinka sér ýmis bjargráð. Með notkun námsefnisins eiga börn að ná að auka hæfni sína til þess að takast á við vandamál í daglegu lífi. 

Þetta námsefni nýtist vel í hópþjálfun barna og geta áhugaverðar og mikilvægar umræður geta myndast út frá námsefninu. 

Embætti Landlæknis sér um utanumhald um Vinir Zippýs og hægt er að fara á námskeið hjá þeim sem veitir þér þá réttindi til þess að vinna með námsefnið.

Námsefnið skiptist í sex námsþætti:

• Tilfinningar

• Tjáning og boðskipti

• Að mynda vináttutengsl og slíta þeim

• Að leysa ágreiningsmál

• Að takast á við breytingar og missi

• Við spjörum okkur

Hver námsþáttur inniheldur sögu sem lesin er fyrir börnin og skiptist hann síðan niður í fjórar kennslustundir. Til dæmis skiptist þáttur eitt upp í:

• Að vera hryggur - Að vera glaður 

• Að vera reiður eða pirraður

• Að vera afbrýðisamur

• Að vera kvíðinn og óöruggur