Hvað er Máni og Mía?

Máni og Mía er verkefnabók eftir Emmy van Heuvel og Joke Wit.
Þessa verkefnabók er hægt að nýta í félagsfærniþjálfun og er hún sérstaklega ætluð börnum á aldrinum fjögurra til átta ára. 

Bókin inniheldur dæmisögur sem fjalla um félagsleg samskipti. Sögurnar eru líkar félagshæfnisögum en fjalla ekki um einstaklinginn sjálfan. Best er að nýta þetta námsefni í hópþjálfun þar sem sögurnar hafa opinn endi og bjóða upp á það að börnin búi til umræður og spyrji spurninga. 

Bókin skiptist í tvo hluta, fyrri hlutinn fyrir 4-6 ára börn og seinni hlutinn fyrir 6-8 ára börn. Bókin skiptist í raun og veru í leikskólaaldur og grunnskólaaldur. 

Máni og Mía eru brúður sem lenda í ýmsum ævintýrum og eru sögurnar þeirra skiptar upp í átta hegðunarflokka:

• Deilum upplifun - Mía heyrir óhugnanleg hljóð / Martröð

• Verum góð við aðra - Þar fór verra! / Leikfimi

• Leikum og vinnum saman - Afmælisfranskbrauð fyrir mömmu / Abdi kemur í bekkinn

• Ljúkum verkefni - Húrra, við björguðum okkur fyrir horn / Litla mín?

• Kynnum okkur - Khatai kökur Anjali frænku / Götuhátíðin

• Veljum - Sumardagurinn fyrsti! / Hvað velur Mía? 

• Að standa á sínu - Mía vill komast fram hjá / Stórir strákar?

• Leysum úr ágreiningi - Máni er reiður við Míu / Máni og Mía eru ósátt.

Í hverjum tíma er tekinn fyrir einn hegðunarflokkur. Í upphafi þjálfunar er byrjað á því að lesa inngangssöguna, sagan er rædd eftir á í hópnum og spurningum svarað út frá sögunni. Næsta verkefni væri að vinna verkefnið sem fylgir hverri sögu. 

Heimildir 

Heuvel, E., Wit, J. (2009). Máni og Mía (Bryndís Ósk Þ. Ingvarsdóttir þýddi). Robo Educational Toys BV.