Hvað eru félagshæfnisögur?

Félagshæfnisögur er verkfæri sem gott er að nota í félagsfærniþjálfun, sérstaklega fyrir yngri börn. Þetta verkfæri er gott að nýta þegar einstaklingur er að fara að takast á við nýjar aðstæður og þarf undirbúning fyrir þær. Einnig er gott að grípa í félagshæfnisögur ef einstaklingur á erfitt með ákveðnar aðstæður og þarf meiri undirbúning fyrir þær. Sem dæmi ef barn á það til að bíta annað barn væri gott að útbúa sögu um það að bíta ekki. 

Félagshæfnisögur eiga að vera auðlesnar og lýsandi. Þær eru skrifaðar í fyrstu persónu eða þriðju persónu og sumar sögur innihalda báðar tegundir frásagna. Sagan á að vera frekar nákvæm og á einstaklingur ekki að hafa neitt umhugsunarefni til að pæla í eftir að hafa lesið söguna. Mikilvægt er að hafa söguna stutta og markvissa og á sama tíma þarf að passa að hafa söguna jákvæða. 

Gott að hafa í huga - Góð ráð

• Í flestum tilvikum nær sagan ekki lengra en 1 blaðsíðu. Sérstaklega á leikskólaaldri, þau ráða ekki við meiri upplýsingar í einu.

• Þegar útbúið er fyrir leikskólabörn er mikilvægt að myndskreyta og gera söguna áhugaverða.

  • Gott er að byrja á að setja mynd af barninu.

  • Hafa myndir af því sem er að gerast í sögunni.

  • Myndskreyta með áhugamáli barns. Til dæmis prinsessur, Hvolpasveit og fótboltamyndir. 

  • Velja myndir eftir aldri.

• Þegar börnin fara að eldast er hægt að bæta meiri texta við.

• Þegar börn eru ekki farin að lesa er gert ráð fyrir að starfsmaður lesi söguna fyrir barnið.

• Lýsandi titill.

• Hafa þarf í huga fyrir hvern er sagan, ekki of barnalegt fyrir eldri börn og ekki of formlegt fyrir yngri börnin.

• Auðveldur og auðlesinn orðaforði.

• Það má ekki gera of miklar kröfur og þær mega ekki vera flóknar.

• Passa að hafa engin neikvæð orð eða neikvæðar fullyrðingar.