Mae Ysgol Tregŵyr yn ysgol 11-18 oed sy’n gwasanaethu ardal ogleddol penrhyn Gŵyr yn Abertawe. Mae'r ysgol yn llawn hanes ac yn ddiweddar dathlodd ei phen-blwydd yn 125 oed. Mae gan yr ysgol tua 1,180 o ddisgyblion ar y gofrestr, ac mae oddeutu 150 ohonynt yn chweched dosbarth yr ysgol.

Mae gan Ysgol Tregŵyr fodel partneriaeth clwstwr cadarn â Phartneriaeth Ysgolion Gogledd Gŵyr. Mae arweinwyr digidol pob rhan o’r clwstwr yn cwrdd sawl gwaith y flwyddyn i gydweithio ar fentrau digidol ac elwa o berthnasoedd gwaith cadarn. 

Arferai’r ysgol fod yn ysgol arloesi ddigidol a oedd yn cydweithio ar y Fframwaith Cymhwysedd Digidol gwreiddiol a Cwricwlwm i Gymru.

Mae’r astudiaeth achos yn dilyn fformat y strategaeth sgiliau trawsgwricwlaidd chwe cham a rannwyd yn nigwyddiad y Fframwaith Cymhwysedd Digidol a gynhaliwyd ym mis Chwefror 2023 (Defnyddiwyd y cyflwyniad ar y dde yn y digwyddiad).