PAM ASTUDIO TGAU CERDDORIAETH?

Bydd cymhwyster CBAC TGAU Cerddoriaeth yn eich cefnogi i:

• ddatblygu sgiliau perfformio

• ddatblygu sgiliau creadigol

• ddeall ffurfiau, arddulliau a genres cerddorol

• werthfawrogi sut i gyfathrebu’n gerddorol

• archwilio cerddoriaeth a grëwyd ac a berfformir gan bobl eraill i helpu i ddatblygu eich doniau eich hun

• adfyfyrio ar eich gwaith eich hunain, ei fireinio a’i werthuso

• archwilio amrywiaeth, hunaniaeth a diwylliant

PA SGILIAU FYDDAF YN EU DATBLYGU?

Archwilio: byddwch yn cael y cyfle i archwilio amrywiol arddulliau a genres cerddorol sy’n gysylltiedig â gwahanol ddiwylliannau yng Nghymru a’r byd ac i ddeall sut cafodd y rhain eu creu i gynhyrchu’r bwriad arfaethedig.  Byddwch yn gallu defnyddio’r syniadau hyn i greu a datblygu eich cerddoriaeth eich hun. Gallech hefyd gyfansoddi drwy archwilio syniadau wrth greu’n fyrfyfyr.

Ymateb ac adfyfyrio: byddwch yn gallu gwerthuso a mireinio eich gwaith drwy adfyfyrio a chael adborth gan eraill, i greu cynnyrch gorffenedig llwyddiannus.

Creu: byddwch yn creu cerddoriaeth wreiddiol eich hun mewn arddull o’ch dewis, a darn i fodloni briff a fydd wedi’i bennu gan CBAC gan ddefnyddio’r technegau rydych wedi’u harchwilio ac adfyfyrio arnynt.